Tume ya Haki za Binadamu yasisitiza utawala bora

By Halmashauri ya Jiji la Dodoma

Na. Dennis Gondwe, DODOMA

TUME ya Haki za Binadamu na Utawala bora ina dhamira kuona watanzania wanaheshimu haki za binadamu na misingi ya utawala bora na utu wa mtu.


Kamishna wa Tume ya Haki za Binadamu na Utawala bora, Dkt. Thomas Masanja


Kauli hiyo ilitolewa na Kamishna wa Tume ya Haki za Binadamu na Utawala bora, Dkt. Thomas Masanja alipokuwa akitoa salamu za tume hiyo katika hafla ya kufungua mashindano ya mdahalo kwa shule za msingi, sekondari, vyuo vya kati na vyuo vikuu kuhusu madhara ya rushwa, matumizi ya dawa za kulevya, haki za binadamu na utawala bora katika ukumbi wa St. Gaspar Kisasa jijini Dodoma.

Dkt. Masanja alisema “tunashiriki katika shughuli hii inayohusisha wanafunzi wa shule za msingi, sekondari na vyuo kwa sababu dira ya tume ni kuona jamii yenye utamaduni wa kuheshimu haki za binadamu na misingi ya utawala bora na utu wa mtu. Tunataka mwisho wa siku jamii ya kitanzania inaheshimu haki za binadamu, utu wa mtu na misingi ya utawala bora”.

Akiongelea ushiriki wa tume hiyo katika mashindano ya mdahalo huo alisema kuwa watashiriki kikamilifu. “Tutashiriki kwa kuhimiza haki za binadamu na tutahimiza wajibu kwa sababu haki inakwenda na wajibu. Tukienda kwenye Katiba ya Jamhuri ya Muungano wa Tanzania ya mwaka 1977 inatoa haki lakini inatoa wajibu. Hivyo, tutasisitiza mambo yote mawili. Tutasisitiza utii wa sheria kwa sababu haki za binadamu zinalindwa na katiba lakini zinalindwa na sheria. Tutasisitiza kufanya kazi kwa bidii kwa vijana wetu na kulinda rasilimali za nchi yetu” alisema Dkt. Masanja.



MWISHO

 

Comments

Post a Comment

Popular Posts

Global Affairs Canada yafurahishwa na utekelezaji wa Mradi wa AHADI katika Kata ya Chamwino

By Halmashauri ya Jiji la Dodoma
Image
  Kata ya Chamwino, imepokea ugeni kutoka Global Affairs Canada ukiongozwa na Mary Harasym aliyeambatana na Zahra Popatia ambao ni wafadhili wa mradi wa AHADI na kueleza kuridhishwa na utekelezaji wa mradi huo. Lengo la ziara hiyo ni kufanya tathimini na kujionea kwa macho namna mradi unavyotekelezwa hususan utoaji wa elimu kuhusu maswala ya Afya ya uzazi kwa vijana wa Kata ya Chamwino. Kwa upande ‘Promoter’ wa mradi, Khadija Ally alitoa maelezo ya kina kuhusu shughuli zinazofanyika na mafanikio yaliyopatikana kwa vijana kushiriki kwenye mafunzo yenye lengo la kuwajengea uwezo wa kufanya maamuzi sahihi kuhusu maswala Afya ya uzazi, kujikinga dhidi ya mimba zisizotarajiwa na kuwa na mipango bora ya maisha ya baadae pamoja na kuwajengea uwezo wa kuwa na shughuli za kuingiza kipato. Afisa Mtendaji wa Kata ya Chamwino, kwa niaba ya Diwani aliwashukuru wageni hao kwa kuitembelea Kata ya Chamwino na kusema kuwa mradi wa AHADI ni kielelezo kizuri cha ushirikiano baina ya kata yake...
Read more

Umeme wa REA chachu ya viwanda vidogo vidogo Kata ya Ipala

By Halmashauri ya Jiji la Dodoma
Image
Na. John Masanja, IPALA Awamu ya kwanza ya umeme wa Wakala wa Nishati Vijijini (REA) umechochea shughuli za maendeleo na kuinua uchumi wa wananchi katika Kata ya Ipala, Halmashauri ya Jiji la Dodoma. Kauli hiyo ilitolewa na Diwani wa Kata ya Ipala, George Magawa wakati akizungumza na waandishi wa habari waliofanya ‘media tour’ kutembelea miradi ya maendeleo iliyotekelezwa na serikali katika kata hiyo kuanzia mwaka 2021 hadi 2025. Alisema kuwa serikali ya awamu ya sita imepeleka huduma ya umeme katika Kata ya Ipala. “Kata yetu imefikiwa na awamu ya kwanza ambayo ina faida nyingi sana. Wananchi wanafanya shughuli mbalimbali zinazojumuisha matumizi ya umeme kwa kiwango kikubwa na naamini kwa siku za usoni hapa kwetu kutakuwa mtaa wa viwanda vya aina tofauti” alisema Magawa. Nae mkazi wa Kata ya Ipala, Mathias Masita aliishukuru serikali kwa kuwapelekea umeme kwasababu maisha yao yamebadilika na wanafanya shughuli zinazohusisha umeme kwa kiwango kikubwa. “Mradi wa REA umetunufaisha s...
Read more

Milioni 500 kukamilisha mradi wa Kituo cha Afya Kizota

By Halmashauri ya Jiji la Dodoma
Image
Na. Coletha Charles, KIZOTA WANANCHI wa Kata ya Kizota, Halmashauri ya Jiji la Dodoma, wanufaika na mradi wa ujenzi wa Kituo cha Afya Kizota kilichogharimu kiasi cha shilingi 500,000,000.   Diwani wa Kata ya Kizota, Jamal Ngallya alisema kuwa kukamilika kwa kituo hicho kilichogharimu kiasi cha shilingi milioni 500, kitaboresha kwa kiwango kikubwa upatikanaji wa huduma za afya kwa wakazi wa Kizota na maeneo Jirani. Kituo hicho kinachojumuisha majengo ya kisasa yenye uwezo wa kuhudumia mamia ya wananchi kwa siku na kuwaepushia kutembea umbali mrefu, alisema. Katika hatua nyingine aliongeza kuwa majengo yaliyojengwa katika kituo hicho ni pamoja na jengo la wagonjwa wa nje (OPD), jengo la mionzi, jengo la huduma ya mama na mtoto, jengo la maabara, kichomea taka, na yataongezwa majengo mengine kama wodi za wagonjwa pamoja na jengo la kuhifadhia maiti. Alisema kuwa Kituo cha Afya Kizota ni miongoni mwa vituo vikubwa zaidi vya afya jijini Dodoma kwa sasa, na kinatarajiwa kuwa cha...
Read more