Jiji la Dodoma lajenga vituo 8 vya Afya miaka 3 ya SSH

By Halmashauri ya Jiji la Dodoma

Na. Dennis Gondwe, DODOMA

Halmashauri ya Jiji la Dodoma imeshuhudia ongezeko kubwa la ujenzi wa vituo vya afya nane katika serikali ya awamu ya sita inayolenga kuongeza miundombinu na kusogeza huduma za afya karibu na wananchi.

Mkuu wa Divisheni ya Afya, Ustawi wa Jamii na Lishe Halmashauri ya Jiji la Dodoma, Dkt. Andrew Method akielezea mafanikio ya divisheni yake


Kauli hiyo ilitolewa na Mkuu wa Divisheni ya Afya, Ustawi wa Jamii na Lishe Halmashauri ya Jiji la Dodoma, Dkt. Andrew Method alipokuwa akiongelea mafanikio ya miaka mitatu ya serikali ya awamu ya sita kwa waandishi wa habari ofisini kwake jijini hapa.

“Ndugu waandishi wa habari, katika kipindi hiki cha miaka mitatu ya uongozi wa serikali ya awamu ya sita tumeshuhudia ongezeko kubwa la ujenzi wa vituo vya afya katika Jiji la Dodoma, tumejenga vituo vya afya nane. Mpaka sasa vituo viwili vimekamilika. Kituo cha Afya Chang’ombe kimekamilika. Mnafahamu eneo la Chang’ombe lina wakazi wengi zaidi ya 40,000 lakini hawakuwa na kituo cha afya. Pia tumekamilisha ujenzi wa Kituo cha Afya Nkuhungu. Kama mnavyofahamu mnaokuja Dodoma, eneo lote la Nkuhungu halikuwa na huduma za afya, lakini serikali ya awamu ya sita katika kipindi cha miaka mitatu mheshimiwa Rais, Dkt. Samia Suluhu Hassan ametoa fedha tukaanza ujenzi na kukamilisha Kituo cha Afya Nkuhungu” alisema Dkt. Method.

Aliongeza kuwa eneo la Nzuguni vinajengwa vituo vya afya viwili. “Kituo kimoja kinajengwa Ilazo, barabara ya Marthin Luther na kipo hatua za mwisho za umaliziaji. Kituo tayari vifaa tiba vimeshafika na mafunzo kwa watumishi yametolewa na tunategemea mwezi wa Julai, 2024 kianze kufanya kazi. Ni mradi mkubwa ambao umegharimu takribani shilingi bilioni 2.8 kwa hiyo unaweza kuona kwa kiasi gani Rais, Dkt. Samia Suluhu Hassan ametoa fedha nyingi hizo kwa kuwezesha huduma za afya ziwe bora katika Halmashauri ya Jiji la Dodoma” alisema Dkt. Method.

Dkt. Method ambae pia ni Mganga Mkuu wa Jiji la Dodoma alisema kuwa serikali inajenga vituo vya afya vinne katika barabara ya mzunguko ‘ring road’. “Ukiangalia kwenye uboreshaji wa miundombinu, mheshimiwa Rais anajenga barabara lakini pia anajenga na vituo vya afya ambavyo vitatoa huduma kwenye hiyo barabara ya mzunguko. Vituo hivyo vitajengwa katika Kata ya Ihumwa, Kata ya Nzuguni eneo la Mahomanyika, Kata ya Nala na Kata ya Makutopora. Kwa hiyo, utaona ni uwekezaji mkubwa sana wa hivi vituo ambavyo vinajengwa. Kwa ujenzi tu wa hivi vituo, kuna wananchi zaidi ya 400,000 wanawenda kunufaika kwa sababu hivi vituo vinajengwa katika maeneo ambayo yanawakazi zaidi ya 50,000 kwenye kata” alisema Dkt. Method.

Akiongelea ujenzi unaoendelea wa vituo viwili vya afya vya Kizota na Zuzu alisema vipo hatua za mwisho kukamilika. “Halmashauri ilipeleka fedha kwa maelekezo ya mheshimiwa Rais kujenga kituo cha Afya Kizota ili kihudumie wananchi wa Kata ya Kizota. Kituo kipo katika hatua za mwisho kukamilika. Pia kuna ujenzi wa kituo cha afya katika Kata ya Zuzu, nacho kipo katika hatua za mwisho kabisa kukamilika. Ukiangalia miundombinu hii ambayo inajengwa, utaona ni jinsi gani mheshimiwa Rais, Dkt. Samia Suluhu Hassan alivyodhamiria kuliweka Jiji la Dodoma katika mpango mkakati wa kuweza kupokea ongezeko la watu kama makao makuu” alisema Dkt. Method.

 

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more