Jiji la Dodoma kuendelea kusafisha makorongo ya maji ya mvua kuzuia mafuriko katika makazi ya wananchi

By Halmashauri ya Jiji la Dodoma

Na. Dennis Gondwe, CHANG’OMBE

HALMASHAURI ya Jiji la Dodoma itaendelea kuyafanyia usafi kwa kuondoa taka ngumu makorongo yote ili yaweze kupitisha maji vizuri na kuondoa kero ya mafuriko wakati mvua zinaponyesha.

Mkuu wa Kitengo cha usafi na uthibiti wa kata ngumu, Dickson Kimaro akielezea ukubwa wa kazi ya kusafisha kongoro na kuondoa taka ngumu katika Mtaa wa Kishoka


Kauli hiyo ilitolewa na Mkuu wa Kitengo cha usafi na uthibiti wa kata ngumu, Dickson Kimaro alipokuwa akiongelea mipango ya Halmashauri ya Jiji la Dodoma katika kuhakikisha wananchi hawaathiriki na mafuriko yatokanayo ma maji ya mvua kushindwa kupita kwenye makorongo.

Kimaro alisema “Halmashauri ya Jiji la Dodoma itaendelea kuyafanyia kazi kwa lengo la kuhakikisha wananchi hawapati kero kama hizi zinazoonekana. Kama mnavyoona kule mbele kuna eneo ambalo maji yakifika darajani yanagota na kurudi kuingia katika makazi ya watu. Hapa Mtaa wa Kishoka tunasafisha korongo hili kwa kuondoa taka ngumu na kuliongezea kina ili maji yaweze kupita vizuri ndiyo sababu mnaona mtambo (JCB Backhoer) ukifanya kazi yake. Tukitoka hapa tutaenda maeneo mengine mfano Kata ya Ipagala na Kizota ili kuhakikisha usalama wa wananchi unazingatiwa katika maeneo yao kipindi mvua zinaponyesha”.

Alisema kuwa kazi hiyo ilitanguliwa na kusafisha mitaro ya maji ya mvua katika halmashauri na mitaro ya katikati ya mji na barabara kuu zinazoingia na kutoka katika Jiji la Dodoma. “Kazi hii tulianza tukishirikiana na wenzetu wa Tanroads na Tarura. Lakini kuna haya makorongo makubwa ambayo mchanga umejaa na taka ngumu. Tutayapitia yote na kuhakikisha yanakuwa safi na kupitisha maji ya mvua vizuri” alisema Kimaro.

Kwa upande wake Afisa Mazingira katika Halmashauri ya Jiji la Dodoma, Ally Mfinanga aliwataka wakazi wa Halmashauri ya Jiji la Dodoma kuacha tabia ta kutupa taka ngumu katika makorongo ili kuyaruhusu maji ya mvua kupita kwa urahisi. “Wito kwa wakazi wa Halmashauri ya Jiji la Dodoma, wakati halmashauri inachukua hatua ya kusafisha eneo hili kwa kuondoa mchanga, tope na taka ngumu wananchi wa Halmashauri ya Jiji la Dodoma hususani wa Mtaa wa Kishoka hakikisheni hamtumii makorongo kama sehemu ya kutupia taka ngumu. Leo hii wote ni mashuhuda tunaona hapa korongo limeziba kwa sababu tunatupa taka ngumu. Halmashauri imeweka utaratibu wa makampuni na vikundi kwa ajili ya kubeba taka ngumu. Shime kwa wakazi wa Jiji la Dodoma kuhakikisha makampuni na vikundi vinatumiwa ipasavyo” alisema Mfinanga.

Nae mkazi wa Kisima cha Nyoka, Mtaa wa Kishoka, Zawadi Juma alisema kuwa mvua zikinyesha wanahangaika sana. “Huku wakati wa mvua tunahangaika sana. Hata ukitaka kwenda kwenye genge huwezi kupita lazina uzunguke, hatuwezi kwenda kununua vitu dukani kwa sababu maduka yapo upande wa pili. Watoto wanaoenda shule au kutoka shule hawawezi sababu maji yanakuwa yamejaa hapa. Mvua inaweza kuanza kunyesha saa 1 asubuhi hadi ikikata saa 4 kuvuka hamuwezi mpaka kesho yake saa 1 ndio maji yanakuwa yamepungua. Kiukweli nawashukluru sana kwa sababu serikali imeleta hii mitambo kutengeneza njia ya maji” alisema Juma.

Mkazi wa Kisima cha Nyoka, Mtaa wa Kishoka, Zawadi Juma akiongelea changamoto ya maji kujaa katika korongo 





MWISHO

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more