BARAZA LA MADIWANI JIJI LA DODOMA LAMSHUKURU RAIS SSH

By Halmashauri ya Jiji la Dodoma

 

Na. Dennis Gondwe, DODOMA

BARAZA la Madiwani la Halmashauri ya Jiji la Dodoma linamshukuru Rais, Dkt. Samia Suluhu Hassan kwa miradi mingi ya maendeleo inayotekelezwa katika jiji hilo kwa kusimamia ubora na thamani ya fedha.

Mwenyekiti wa Mkutano wa Baraza la Madiwani la Halmashauri ya Jiji la Dodoma, Prof. Davis Mwamfupe akimshukuru Rais, Dkt. Samia Suluhu Hassan


Kauli hiyo ilitolewa na Mwenyekiti wa Mkutano wa Baraza la Madiwani la Halmashauri ya Jiji la Dodoma, Prof. Davis Mwamfupe katika mkutano wa baraza hilo wa kuwasilisha taarifa za maendeleo kutoka kwenye kata uliofanyika katika ukumbi wa mikutano wa halmashauri ya jiji hilo.

Prof. Mwamfupe ambae ni Mstahiki Meya wa Halmashauri ya Jiji la Dodoma alisema kuwa halmashauri yake inaweka msisitizo katika kupitia utekelezaji wa miradi ya maendeleo. “Sisi Jiji la Dodoma tunawiwa kumshukuru Mheshimiwa Rais, kwa sababu ni wanufaika wakubwa wa miradi inayotoka serikali kuu. Shukrani zetu kubwa zaidi ni usimamizi wa miradi, kuhakikisha fedha zinatumika ipasavyo. Mahitaji ya nchi ni makubwa sana, mahitaji ya Dodoma kama mkoa, mahitaji ya Dodoma kama halmashauri ni makubwa sana lakini sisi kwa hadhi yetu kama Halmashauri ya Jiji la Dodoma ambalo ni makao makuu ya nchi tunajikuta tumepewa uzito mkubwa sana. Namna pekee ya kumshukuru Mheshimiwa Rais ni kusimamia utekelezaji wa miradi hiyo” alisema Prof. Mwamfupe.

Akiongelea mambo ya kuzingatia katika utekelezaji wa miradi hiyo alisema kuwa ni kujikita katika ubora na matumizi ya fedha. “Katika utekelezaji wa miradi hii mambo makubwa mawili yanazingatiwa. Matumizi sahihi ya rasilimali fedha na jambo la pili ambalo linaoana kabisa na jambo la kwanza ni ubora wa miradi yetu tunayoitekeleza. Haisaidii kuwa na matumizi sahihi ilimradi vitabu vime ‘balance’, lazima ‘balance’ nyingine itokane kwenye thamani ya mradi, kuhakikisha kweli miradi imekuwa ya kiwango cha juu kinachotegemewa” alisisitiza Prof. Mwamfupe.

Aidha, alisema kuwa halmashauri yake haitasita kuchukua hatua kwa uzembe utakaofanyika katika kusimamia utekelezaji wa miradi. “Hatutasita kufika mahali kuona kama hakuna dalili nzuri ya thamani ya mradi huo, tutachukuliana hatua ili kuhakikisha tunatumia fedha vizuri kama ilivyopangwa” aliongeza.

Katika hatua nyingine, Baraza la Madiwani la Halmashauri ya Jiji la Dodoma lilishuhudia Diwani, Julius Chimombo akila kiapo cha udiwani kufuatia kushinda katika uchanguzi mdogo wa udiwani uliofanyika katika kata ya Nala hivi karibuni.

 

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more