WANANCHI WAASWA KUIBUA MALALAMIKO YA ARDHI YALIYOFUNGWA JIJI LA DODOMA

By Halmashauri ya Jiji la Dodoma

Na. Dennis Gondwe, DODOMA

WANANCHI wa Halmashauri ya Jiji la Dodoma wametakiwa kuacha tabia ya kufanya bahati nasibu ya kupata haki isiyostahili baada ya kuwa malalamiko yao yamekwisha tatuliwa kwa mujibu wa taratibu na sheria.



Mkuu wa Mkoa wa Dodoma, Rosemary Senyamule akiongea na wananchi waliojitokeza kupata huduma ya Ardhi katika Kliniki ya Ardhi jijini Dodoma


Kauli hiyo ilitolewa na Mkuu wa Mkoa wa Dodoma, Rosemary Senyamule alipokuwa akiongea na mamia ya wananchi waliojitokeza kutatuliwa kero na malalamiko yao kwenye Kliniki ya Ardhi inayoendelea katika siku yake ya tatu jijini hapa.

Senyamule alisema “nisisitize tunaposhughulikia kero hizi niombe wananchi wa Dodoma na kutoa wito najua kuna watu wanajirudiarudia kila wakati ambao kero zao zilishafungwa ila wanajaribu bahati nasibu nyingine. Nitoe rai wale ambao kero zao zilishafungwa huna haja ya kutumia masaa yako hapa, utapata jibu lilelile ambalo ulishalipata. Tukimaliza tatizo lako tunalifunga na tunapeana taarifa, nakala ipo kwa Mkurugenzi, Mkuu wa Wilaya, Mkuu wa Mkoa na Kamishna msaidizi wa Ardhi”.

Akiongelea suala la utoaji hati miliki, mkuu wa mkoa alisema kuwa changamoto ya kuchelewesha hati inakwenda kukatuliwa. “Kupitia mkakati huu tunakwenda kumaliza tatizo la kuchelewesha utoaji wa hati. Kuna watu wanadai hati kwa miaka mitatu, miwili na mmoja nab ado hawajapata. Leo mnatangaziwa kwamba tatizo la kuchelewa kutoa hati limekwisha na sasa mtakuwa mnapata hati kwa wakati. Kwa sababu ya mrundikano mkubwa wa hati uliokuwepo, tumesema zoezi hili litaendelea kila mwezi, wiki moja tutakuwa tunatengeneza kliniki ya kutoa hati” alisema Senyamule.

Aidha, alisema kuwa wataendelea kusikiliza kero za wananchi. “Ofisi ya Mkuu wa Mkoa inasikiliza kero, Ofisi ya Mkuu wa Wilaya inasikiliza kero na Mkurugenzi anasikiliza kero. Niwahakikishie tumejipanga kwenye utatuzi wa kero za Ardhi. Tutahakikisha Ardhi haiendelei kuwa masononeko kwa wananchi wa Dodoma. Mheshimiwa Rais anafanya mambo makubwa Dodoma tunatakiwa kuyafurahia kwa Pamoja, siyo kufikiria kero za Ardhi” alisema Senyamule.

Awali akimkaribisha Mkuu wa Mkoa kuongea na wananchi, Mkuu wa Wilaya ya Dodoma, Alhaj Jabir Shekimweri alisema kuwa kliniki hiyo itafanya kazi kwa siku tano mfululizo. Kazi hiyo ilianza juzi wananchi 1,014 walijitokeza na wananchi 514 walisikilizwa. “Kwa siku ya kwanza tuliweza kutoa hati 240 na Katibu Tawala Mkoa alikuja na kutoa hati kwa baadhi ya wananchi waliokuwepo. Wananchi waliobaki juzi tuliendelea nao jana, kulikuwa na wananchi karibu 900 na wananchi 515 kati yao walisikilizwa na hati 234 zilitolewa. Leo hati zilizoandaliwa hadi sasa zimefika 60. Nikujulishe pamoja na kutoa hati, wataalam wanasikiliza kero mbalimbali za wananchi na majibu yanatolewa na zile zinatohitaji kwenda uwandani tunaweka ahadi ya kwenda na kuzifanyia kazi” alisema Alhaj Shekimweri.




MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more