Kihaga: Fanyeni matangazo ili kuwafikia wananchi wa maeneo mbalimbali

By Halmashauri ya Jiji la Dodoma

Na. Mwandishi Wetu, Dodoma

Maafisa Maendeleo ya Jamii kutoka Halmashauri ya Jiji la Dodoma wametakiwa kuongeza juhudi katika kutoa elimu kwa wananchi kuhusu fursa za mikopo isiyokuwa na riba inayotolewa na halmashauri ili kuhakikisha wananchi wanaifahamu na kunufaika nayo.



Hayo aliyasema Mkurugenzi Idara ya Serikali za Mitaa, Angelista Kihaga, wakati akitoa semina kwa Maafisa Maendeleo ya Jamii kuhusu mikopo ya asilimia 10 inayotolewa na halmashauri katika ukumbi wa Dodoma Sekondari.

Alisema kuwa kuna baadhi ya wananchi bado hawana uelewa wa kutosha kuhusu uwepo wa mikopo hiyo, jambo linalochangia kutokuitumia ipasavyo. “Ni muhimu maafisa Maendeleo ya Jamii mkatoa elimu kwa ukaribu zaidi. Wananchi wengi bado hawana uelewa kuwa mikopo hii ipo na haina riba. Tukitoa elimu ya kutosha tutasaidia makundi mbalimbali hasa wanawake, vijana na watu wenye ulemavu kunufaika na fursa hii” alisema Kihaga.

Aidha, alisisitiza umuhimu wa kutumia matangazo na vipindi mbalimbali kwenye vyombo vya habari ili kufikisha taarifa hizo kwa watu wengi zaidi, kwa kuwa vyombo hivyo vinawafikia wananchi katika maeneo mbalimbali ya jiji. “Ni lazima uhamasishaji ufanyike katika maeneo yenye mikusanyiko ya watu kama vile makanisani, misikitini, stendi za mabasi, masoko na maeneo mengine ya wazi, ili kuhakikisha kila mwananchi anafahamu kuhusu mikopo hiyo isiyokuwa na riba. Lakini pia tukitumia vyombo vya habari kama redio, na matangazo yakitolewa kupitia vyombo mbalimbali ninaimani watu wengi watapata uelewa, tutafikisha ujumbe kwa kasi na kuongeza mwamko wa wananchi kuomba mikopo” alisema Kihaga.



Kwa upande wake, Frank Mgongolwa ambae ni Afisa Maendeleo ya Jamii Kata ya Mpunguzi, alisema kuwa anashukuru kwa kupata fursa ya kukutana na Mkurugenzi wa Idara ya Serikali za Mitaa na kuwakumbusha mambo mbalimbali yanayohusiana na maendeleo ya jamii. “Kwanza kabisa nipende kuchukua fursa hii kwa kumshukuru mkurugenzi kwa kutupatia mbinu mbalimbali ambazo zitatufanya kuweza kuwafikia wananchi wengi, na sio wengi tu bali kutoka sehemu mbalimbali. Ni kweli kuna baadhi ya wananchi hawana uelewa na mikopo hii lakini kupitia mbinu ya matangazo redioni, vipeperushi kwenye maeneo mbalimbali ninahakika wananchi wataweza kupata uelewa. Hivyo, tunakwenda kufanyia kazi mbinu zote ambazo tumepatiwa na Mkurugenzi Idara ya Serikali za Mitaa” alisema Mgongolwa.




Semina hiyo imelenga kuongeza uelewa wa watendaji kuhusu mikakati ya kutoa elimu kwa jamii na umuhimu wa ushirikiano kati ya idara na wananchi. Halmashauri ya Jiji la Dodoma imeendelea kusisitiza kuwa mikopo hiyo ni sehemu ya juhudi za kuinua uchumi wa wananchi kupitia miradi ya maendeleo.

MWISHO.

Comments

Post a Comment

Popular Posts

Agenda ya Lishe yaongeza Ari ya usomaji S/M Dodoma Makulu

By Halmashauri ya Jiji la Dodoma
Image
Na. Abdul Iddi, DODOMA MAKULU Shule ya Msingi Dodoma Makulu imeshukuru agenda ya Rais, Dkt. Samia Suluhu Hassan ya lishe shuleni kwa sababu inawaongezea ari ya kusoma na kupata matokeo yanayokusudiwa. Shukrani hiyo ilitolewa na Mwalimu wa Lishe, Rehema Kalinga alipokuwa akiongea na waandishi wa Habari waliotembelea shule ya msingi Dodoma makulu kujionea hali ya lishe kwa wanafunzi shuleni hapo. Alisema kuwa shule yake inazingatia ajenda ya Lishe kwa kuwapa wanafunzi wote kuanzi awali mpaka darasa la Saba uji. Darasa la Nne na la Saba kupata chakula cha mchana. “Toka ajenda hii kuanza kutekelezwa, tumeanza kuona matokeo Chanya. Kwanza kwakupunguza utoro, pia watoto darasani wanafundishika” alisema Mwl. Kalinga. Aidha, alitoa pongezi kwa wazazi kwa kusikiliza ajenda ya Lishe na kuitekeleza bila kusuasua kwasababu waliweza kutoa mchango kwa kiasi walicho kubaliana na kamati ya wazazi wa shule hiyo. “Muitikio ni mkubwa kwasababu watoto wote katika Shule ya Dodoma Makulu wanapata uji ...
Read more

Miaka minne ya Dkt. Samia, Kizota yanufaika mikopo ya asilimia 10

By Halmashauri ya Jiji la Dodoma
Na. Coletha Charles, KIZOTA Wananchi wa Kata ya Kizota, Halmashauri ya Jiji la Dodoma waeleza kunufaika na mikopo ya asilimia 10 inayotolewa na halmashauri kwa makundi ya wanawake, vijana, na watu wenye ulemavu, ikiwa ni hatua ya kuinua maisha yao kiuchumi na kuimarisha shughuli zao za ujasiriamali.   Kauli hiyo ilitolewa na Afisa Maendeleo ya Jamii wa Kata ya Kizota, Theresia Ntui alipokuwa akiongelea mikopo ya vikundi vya wanawake, vijana na watu wenye ulemavu kwa kipindi cha miaka minne ya serikali ya awamu ya sita. Alisema kuwa tangu kuanza kwa utolewaji mikopo ya asilimia 10 katika awamu ya sita ya Rais, Dkt. Samia, Kata ya Kizota imenufaika kwa jumla ya shilingi 410,000,000 zilizotolewa kwa vikundi mbalimbali vya kijamii. Alisema kuwa katika fedha hizo, vikundi 28 vya wanawake vilipokea shilingi milioni 192, vikundi 16 vya vijana vilipewa shilingi milioni 164, na vikundi vitano vya watu wenye ulemavu vilipata shilingi milioni 49. “Mikopo hii ni yenye masharti nafuu, h...
Read more

Halmashauri ya Jiji la Dodoma Kuhudumia Majimbo Mawili ya Uchaguzi

By Halmashauri ya Jiji la Dodoma
Image
Na. Faraja Mbise, DODOMA Halmashauri ya Jiji la Dodoma imejipanga vema kutoa huduma kwa wananchi wote kwa kuzingatia mgawanyo wa Jimbo la Dodoma Mjini wenye mapendekezo ya kuligawa jimbo hilo kuwa Jimbo la Mtumba lenye jumla ya kata 20 na Jimbo la Dodoma Mjini lenye kata 21. Kauli hiyo ilitolewa na Mkurugenzi wa Jiji la Dodoma, Dkt. Frederick Sagamiko, mara baada ya majadiliano kutoka kwa Madiwani kuhusu taarifa iliyowasilishwa na Afisa Uchaguzi Halmashauri ya Jiji la Dodoma, Albert Kasoga ya kuwasilisha mapendekezo ya mgawanyo wa Jimbo la Dodoma Mjini, katika Mkutano maalum wa Baraza la Madiwani lililofanyika tarehe 12 Machi, 2025 katika Ukumbi wa Mikutano wa Halmashauri ya Jiji la Dodoma. Dkt. Sagamiko alisema “mgawanyo huu kwa sasa unalenga mgawanyo wa jimbo kuwa majimbo mawili, bado tutaendelea kuwa na halmashauri moja kwa maana ya utoaji huduma kwa ngazi ya Halmashauri ya Jiji la Dodoma. Jiji litaendelea kuwajibika katika utoaji wa huduma katika majimbo yote mawili”. Akizung...
Read more