DC Shekimweri aongoza mazoezi ya Kilomita 5

By Halmashauri ya Jiji la Dodoma

 

 Na. Mwandishi Wetu, DODOMA

Mkuu wa Wilaya ya Dodoma, Alhaj Jabir Shekimweri apongeza Umoja wa Klabu za Mbio za Pole kwa kujitokeza na kuhamasisha upimaji wa afya na matibabu bure kwa magonjwa yasiyoambukiza.

 


Mbio hizo zilianzia katika Ofisi ya Mkurugenzi wa Jiji la Dodoma na kuhitimishwa katika bustani ya mapumziko Nyerere Square ambapo maadhimisho hayo ya Wiki ya Upimaji Magonjwa yasiyoambukiza yalitamatika.

Alisema kuwa anawashukuru waandaji wa kliniki hiyo kwa kutoa huduma bora. “Siku ya kwanza walipokea wananchi 450 waliojitokeza kupata vipimo na matibabu, jana walihudumia wananchi zaidi ya 300. Kwahiyo, kwa ujumla wamehudumia jumla ya wananchi 1,500. Nimefurahi sana kusikia mwitikio ni mkubwa pia ni imani yetu kuwa baada ya zoezi hili kutamatika, tutafanya upembuzi ili kuona namna tunaweza kufanya zoezi hili kuwa endelevu tukihusishanisha na mazoezi’’ alisema Alhaj Shekimweri.

Pia aliwashukuru wananchi wote waliofuatilia Hotuba ya Rais Dkt. Samia wakati akizindua Bunge. “Mheshimiwa rais alizungumza mambo mengi yaliyowapa matumaini wananchi na akaeleza msimamo wa serikali kwa jumuia za kimataifa. Lakini kubwa zaidi hotuba ile ilizungumzia sana vijana na kwasababu karibia kundi kubwa zaidi hapa nchini ni vijana hilo lilikuwa jambo jema” alishukuru Alhaj Shekimweri.

Alhaj Shekimweri alimalizia kwa kuwaasa wananchi na wahudhuriaji wa mbio hizo kuzingatia lishe bora ili kujenga mwili imara. “Ndugu zangu, tukishirikiana katika kuhamasisha ulaji mzuri wa vyakula, tutafukuza maradhi mengi. Sisi hapa tuwe mfano wa kuhamasisha jamii kwasababu gharama za matibabu ni kubwa sana, hizo gharama za kujihudumia zingeelekezwa kwenye miradi ya maendeleo kwa ngazi ya familia na Taifa kwa ujumla” alimaliza.

Nae, Mganga Mkuu wa Jiji la Dodoma, Dr. Pima Sebstian aliwashukuru wananchi kwa kuonesha mwitikio mzuri kwa kujitokeza kupata huduma ya matibabu ya awali na kujua afya zao. “Tunawashukuru wananchi wote waliojitokeza kupata huduma katika wiki ya maadhimisho ya magonjwa yasiyoambukiza. Tuendelee kupambana na mtindo wa maisha ili kuyaondoa maradhi haya ambayo yamekuwa tishio, tuendelee kuzingatia ushauri wa madaktari kwasababu maelekezo tunayotoa yanatekelezeka” alishukuru.

Kwa upande wake Katibu wa Dodoma Jogging Association, Swalihina Ally alisema kuwa mazoezi ya mbio za pole ni sehemu muhimu ya kuboresha afya na kufukuza maradhi yanayoepukika. Aliwaasa wananchi kufanya mazoezi kwa wingi na kuzingatia lishe bora ili kuwa katika uwiano sawa wa afya njema.

Katika hatua nyingine, Afisa Michezo Jiji la Dodoma, Neema Kilongola amewapongeza wanamichezo kwa kujitokeza kwa wingi katika mazoezi hayo yanayohamasisha utunzaji wa afya. “Maadhimisho ya wiki ya upiamji magonjwa yasiyoambukiza yameonesha mwamko mkubwa wa wananchi kujitokeza kupima afya, ni jambo jema na tunawapongeza kwa hilo. Pamoja na hayo, tunawakumbusha kupenda mazoezi na kuzingatia lishe bora, tuachane na tabia bwete ili kuimarisha afya zetu na kuyaondoa maradhi yanayozuilika kwa kuwa na mtindo mzuri wa maisha” alipongeza.

MWISHO

 

Comments

Post a Comment

Popular Posts

Agenda ya Lishe yaongeza Ari ya usomaji S/M Dodoma Makulu

By Halmashauri ya Jiji la Dodoma
Image
Na. Abdul Iddi, DODOMA MAKULU Shule ya Msingi Dodoma Makulu imeshukuru agenda ya Rais, Dkt. Samia Suluhu Hassan ya lishe shuleni kwa sababu inawaongezea ari ya kusoma na kupata matokeo yanayokusudiwa. Shukrani hiyo ilitolewa na Mwalimu wa Lishe, Rehema Kalinga alipokuwa akiongea na waandishi wa Habari waliotembelea shule ya msingi Dodoma makulu kujionea hali ya lishe kwa wanafunzi shuleni hapo. Alisema kuwa shule yake inazingatia ajenda ya Lishe kwa kuwapa wanafunzi wote kuanzi awali mpaka darasa la Saba uji. Darasa la Nne na la Saba kupata chakula cha mchana. “Toka ajenda hii kuanza kutekelezwa, tumeanza kuona matokeo Chanya. Kwanza kwakupunguza utoro, pia watoto darasani wanafundishika” alisema Mwl. Kalinga. Aidha, alitoa pongezi kwa wazazi kwa kusikiliza ajenda ya Lishe na kuitekeleza bila kusuasua kwasababu waliweza kutoa mchango kwa kiasi walicho kubaliana na kamati ya wazazi wa shule hiyo. “Muitikio ni mkubwa kwasababu watoto wote katika Shule ya Dodoma Makulu wanapata uji ...
Read more

Miaka minne ya Dkt. Samia, Kizota yanufaika mikopo ya asilimia 10

By Halmashauri ya Jiji la Dodoma
Na. Coletha Charles, KIZOTA Wananchi wa Kata ya Kizota, Halmashauri ya Jiji la Dodoma waeleza kunufaika na mikopo ya asilimia 10 inayotolewa na halmashauri kwa makundi ya wanawake, vijana, na watu wenye ulemavu, ikiwa ni hatua ya kuinua maisha yao kiuchumi na kuimarisha shughuli zao za ujasiriamali.   Kauli hiyo ilitolewa na Afisa Maendeleo ya Jamii wa Kata ya Kizota, Theresia Ntui alipokuwa akiongelea mikopo ya vikundi vya wanawake, vijana na watu wenye ulemavu kwa kipindi cha miaka minne ya serikali ya awamu ya sita. Alisema kuwa tangu kuanza kwa utolewaji mikopo ya asilimia 10 katika awamu ya sita ya Rais, Dkt. Samia, Kata ya Kizota imenufaika kwa jumla ya shilingi 410,000,000 zilizotolewa kwa vikundi mbalimbali vya kijamii. Alisema kuwa katika fedha hizo, vikundi 28 vya wanawake vilipokea shilingi milioni 192, vikundi 16 vya vijana vilipewa shilingi milioni 164, na vikundi vitano vya watu wenye ulemavu vilipata shilingi milioni 49. “Mikopo hii ni yenye masharti nafuu, h...
Read more

Halmashauri ya Jiji la Dodoma Kuhudumia Majimbo Mawili ya Uchaguzi

By Halmashauri ya Jiji la Dodoma
Image
Na. Faraja Mbise, DODOMA Halmashauri ya Jiji la Dodoma imejipanga vema kutoa huduma kwa wananchi wote kwa kuzingatia mgawanyo wa Jimbo la Dodoma Mjini wenye mapendekezo ya kuligawa jimbo hilo kuwa Jimbo la Mtumba lenye jumla ya kata 20 na Jimbo la Dodoma Mjini lenye kata 21. Kauli hiyo ilitolewa na Mkurugenzi wa Jiji la Dodoma, Dkt. Frederick Sagamiko, mara baada ya majadiliano kutoka kwa Madiwani kuhusu taarifa iliyowasilishwa na Afisa Uchaguzi Halmashauri ya Jiji la Dodoma, Albert Kasoga ya kuwasilisha mapendekezo ya mgawanyo wa Jimbo la Dodoma Mjini, katika Mkutano maalum wa Baraza la Madiwani lililofanyika tarehe 12 Machi, 2025 katika Ukumbi wa Mikutano wa Halmashauri ya Jiji la Dodoma. Dkt. Sagamiko alisema “mgawanyo huu kwa sasa unalenga mgawanyo wa jimbo kuwa majimbo mawili, bado tutaendelea kuwa na halmashauri moja kwa maana ya utoaji huduma kwa ngazi ya Halmashauri ya Jiji la Dodoma. Jiji litaendelea kuwajibika katika utoaji wa huduma katika majimbo yote mawili”. Akizung...
Read more