Changia Damu kuokoa maisha

By Halmashauri ya Jiji la Dodoma

 

‎Na. Mwandishi Wetu, DODOMA

‎

‎Wananchi wahimizwa kuchangia damu ili kuokoa maisha ya wale wanaopata dharura ya kuhitaji huduma ya kuongezewa damu.

‎


‎Hamasa hiyo ilitolewa na Mkuu wa Timu za Ukusanyaji Damu Kanda ya Kati, Dr. Leah Kitundya katika kliniki ya upimaji wa bure wa magonjwa yasiyoambukiza inayoendelea katika bustani ya mapumziko Nyerere Square jijini Dodoma.

‎

‎Alisema kuwa kila mwananchi anawajibu wa kuchangia damu kwasababu inasaidia wakati wa uhitaji. "Wananchi mliopo hapa Nyerere Square tunawaomba na kuwakumbusha kuchangia damu kwasababu itatusaidia sote wakati wa uhitaji. Damu yako inaweza kumsaidia mtu ambae hukutegemea ingemfikia. Changia kuboresha afya za wengine" alisema Dr. Kitundya.

‎

‎Aliwaita wananchi kuchangia damu huku akiwakumbusha kujitokeza kwa wingi kujitolea kwasababu zinapotokea ajali ama dharura za kuhitaji damu kwaajili ya kuokoa maisha wapo pia ndugu na jamaa wa karibu wanaweza kukumbwa na kadhia hiyo.

‎


‎"Ndugu zangu, uhitaji wa damu ni wa kila mmoja wetu, ukiona leo hii hakuna umuhimu wa kuchangia damu kesho ndugu yako anaweza kupata ajali au yupo anajifungua ameishiwa damu ikawa changamoto na majuto kupata msaada wa haraka. Lakini ukichangia unakuwa kwenye nafasi nzuri ya kuhakikisha wapendwa wako wanapata huduma bora na ya haraka ya kupata damu pale inapohitajika" alisema Dr. Kitundya.

‎

‎Kwa upande wake, Balozi wa Taasisi ya  Magonjwa yasiyoambukiza (NCD), Lawrence Malima ambae pia ni Msanii wa Bongo Fleva aliungana na wataalam wanaotoa elimu kuwasisitiza wananchi kutengeneza utamaduni wa kupima afya ili kugundua maradhi yanayowasumbua huku akichombeza na nyimbo za hamasa. "Kliniki hii ni muhimu kwasababu itawasaidia kufahamu ni magonjwa gani yanawasibu. Lakini hata wale ambao tayari wanaugua watapata huduma za awali hapa na watajua hali zao zinaendeleaje. Nawapongeza sana wananchi wenzangu kwa kuja kupata huduma hizi muhimu. Mnaochangia damu tunawapongeza hili mnalofanya ni jema na la kuigwa" alisema.

‎

‎Nae, Mkazi wa Nzuguni na mchangiaji wa damu, Tumaini Shauri alipongeza ujio wa kliniki za matibabu ya bure mara kwa mara na kuishauri serikali kufanya jambo hilo kuwa endelevu.

MWISHO

 

Comments

Post a Comment

Popular Posts

Agenda ya Lishe yaongeza Ari ya usomaji S/M Dodoma Makulu

By Halmashauri ya Jiji la Dodoma
Image
Na. Abdul Iddi, DODOMA MAKULU Shule ya Msingi Dodoma Makulu imeshukuru agenda ya Rais, Dkt. Samia Suluhu Hassan ya lishe shuleni kwa sababu inawaongezea ari ya kusoma na kupata matokeo yanayokusudiwa. Shukrani hiyo ilitolewa na Mwalimu wa Lishe, Rehema Kalinga alipokuwa akiongea na waandishi wa Habari waliotembelea shule ya msingi Dodoma makulu kujionea hali ya lishe kwa wanafunzi shuleni hapo. Alisema kuwa shule yake inazingatia ajenda ya Lishe kwa kuwapa wanafunzi wote kuanzi awali mpaka darasa la Saba uji. Darasa la Nne na la Saba kupata chakula cha mchana. “Toka ajenda hii kuanza kutekelezwa, tumeanza kuona matokeo Chanya. Kwanza kwakupunguza utoro, pia watoto darasani wanafundishika” alisema Mwl. Kalinga. Aidha, alitoa pongezi kwa wazazi kwa kusikiliza ajenda ya Lishe na kuitekeleza bila kusuasua kwasababu waliweza kutoa mchango kwa kiasi walicho kubaliana na kamati ya wazazi wa shule hiyo. “Muitikio ni mkubwa kwasababu watoto wote katika Shule ya Dodoma Makulu wanapata uji ...
Read more

Miaka minne ya Dkt. Samia, Kizota yanufaika mikopo ya asilimia 10

By Halmashauri ya Jiji la Dodoma
Na. Coletha Charles, KIZOTA Wananchi wa Kata ya Kizota, Halmashauri ya Jiji la Dodoma waeleza kunufaika na mikopo ya asilimia 10 inayotolewa na halmashauri kwa makundi ya wanawake, vijana, na watu wenye ulemavu, ikiwa ni hatua ya kuinua maisha yao kiuchumi na kuimarisha shughuli zao za ujasiriamali.   Kauli hiyo ilitolewa na Afisa Maendeleo ya Jamii wa Kata ya Kizota, Theresia Ntui alipokuwa akiongelea mikopo ya vikundi vya wanawake, vijana na watu wenye ulemavu kwa kipindi cha miaka minne ya serikali ya awamu ya sita. Alisema kuwa tangu kuanza kwa utolewaji mikopo ya asilimia 10 katika awamu ya sita ya Rais, Dkt. Samia, Kata ya Kizota imenufaika kwa jumla ya shilingi 410,000,000 zilizotolewa kwa vikundi mbalimbali vya kijamii. Alisema kuwa katika fedha hizo, vikundi 28 vya wanawake vilipokea shilingi milioni 192, vikundi 16 vya vijana vilipewa shilingi milioni 164, na vikundi vitano vya watu wenye ulemavu vilipata shilingi milioni 49. “Mikopo hii ni yenye masharti nafuu, h...
Read more

Halmashauri ya Jiji la Dodoma Kuhudumia Majimbo Mawili ya Uchaguzi

By Halmashauri ya Jiji la Dodoma
Image
Na. Faraja Mbise, DODOMA Halmashauri ya Jiji la Dodoma imejipanga vema kutoa huduma kwa wananchi wote kwa kuzingatia mgawanyo wa Jimbo la Dodoma Mjini wenye mapendekezo ya kuligawa jimbo hilo kuwa Jimbo la Mtumba lenye jumla ya kata 20 na Jimbo la Dodoma Mjini lenye kata 21. Kauli hiyo ilitolewa na Mkurugenzi wa Jiji la Dodoma, Dkt. Frederick Sagamiko, mara baada ya majadiliano kutoka kwa Madiwani kuhusu taarifa iliyowasilishwa na Afisa Uchaguzi Halmashauri ya Jiji la Dodoma, Albert Kasoga ya kuwasilisha mapendekezo ya mgawanyo wa Jimbo la Dodoma Mjini, katika Mkutano maalum wa Baraza la Madiwani lililofanyika tarehe 12 Machi, 2025 katika Ukumbi wa Mikutano wa Halmashauri ya Jiji la Dodoma. Dkt. Sagamiko alisema “mgawanyo huu kwa sasa unalenga mgawanyo wa jimbo kuwa majimbo mawili, bado tutaendelea kuwa na halmashauri moja kwa maana ya utoaji huduma kwa ngazi ya Halmashauri ya Jiji la Dodoma. Jiji litaendelea kuwajibika katika utoaji wa huduma katika majimbo yote mawili”. Akizung...
Read more