Fursa ya Ufugaji wa Mbwa katika Jiji la Dodoma

By Halmashauri ya Jiji la Dodoma

                                                                

Na Eupilio Anthony, DODOMA

Maonesho ya sherehe za wakulima nchini inazofahamika kama Nanenane, wananchi wajitokeza kujionea mifugo, bidhaa za kilimo, uvuvi na bidhaa zilizosindikwa na wajasiliamali kutokana na mazao hayo huku wakifurahishwa na ufugaji wa mbwa kisasa.




Moja kati ya wafugaji na mfanyabiashara wa mbwa, Mwakaleli Mwakasege aliwaeleza wananchi anavyofanya biashara hiyo. “Mimi ni mfugaji wa mbwa kwa zaidi ya miaka 10 na leo kwenye sherehe hizi za Nanenane nimefurahi sana kuona jamii inaanza kutambua thamani ya mnyama huyu. Mbwa si tu mnyama wa kufuga kwa ajili ya ulinzi ni rafiki mkubwa wa familia, mlinzi wa mali, na kwa sasa, chanzo cha kipato kwa watu wengi kama mimi” alisema Mwakasege.

Aliendelea kueleza tabia za mbwa anapoishi na binadamu kuwa yapo mambo akifundishwa anaelewa. “Mbwa anaweza kufundishwa tabia mbalimbali, anayo akili ya haraka, na ni mnyama mwenye hisia anajua kufariji, kulinda na pia kusaidia kwenye shughuli za kila siku. Wapo wanaotumia mbwa kusaidia watu wenye ulemavu, wengine kwenye utafutaji wa watu waliopotea, hata kwenye kilimo na usalama wa mashamba” alieleza Mwakasege.

Kwa upande wa kiuchumi alieleza namna ufugaji wa mbwa una faida katika kukuza kipato. “Ufugaji wa mbwa unaweza kugeuka kuwa biashara yenye faida kubwa. Mbwa wanaofugwa vizuri kwa kupewa chanjo, chakula bora, na mafunzo huuzwa kwa bei nzuri, na pia huduma zao za ulinzi hugharamiwa” alieleza huku akitabasamu Mwakasege.




Aidha, alitoa rai kwa watanzania kujishughulisha na ufugaji wa mbwa huku akichagiza kwa kutumia msemo wake kwamba “ Tumchukulie mbwa kama sehemu ya maendeleo ya familia na uchumi wetu, ana thamani kubwa kuliko tulivyozoea kufikiri” alisema Mwakasege.

Kwa upande mwingine, Mtaalam na Mfugaji wa Mbwa Halmashauri ya Jiji la Dodoma, Anthony Massawe alisema kuwa amekuwa mfugaji wa mbwa kwa zaidi ya miaka nane na ameona umuhimu katika maonesho ya Nanenane kuwapa wananchi elimu na umuhimu wa kufuga mbwa kwa tija. “Kwanza kabisa, watu wengi hudhani kwamba mbwa anakula chochote, hili halina kweli. Ili mbwa awe na afya njema, awe mkakamavu, mwenye kinga dhidi ya magonjwa na aweze kutimiza majukumu yake kama ulinzi au kuwa rafiki wa familia anapaswa kulishwa lishe kamili yenye virutubisho vyote muhimu. Mbwa anahitaji mlo wenye protini kama nyama au dagaa, wanga kama wali, viazi au dona, mboga kwa ajili ya vitamini, pamoja na maji safi ya kutosha kila siku. Mbwa pia hapaswi kufungiwa bila nafasi ya kutembea au kufanya mazoezi. Anahitaji mazingira safi, yenye nafasi ya kutosha na mahali pa kujisitiri wakati wa mvua au jua kali” alisema Massawe.



Alimalizia kwa kutoa shukrani kwa serikali na waandaaji wa maonesho ya Nanenane. “Ningependa kutoa shukrani za dhati kwa waandaaji wa maonesho haya ya Nanenane, kwa kunipa nafasi ya kuweka banda la mbwa. Sherehe hizi zimekuwa jukwaa muhimu sana la kuelimisha, kuhamasisha na kuunganisha wafugaji, wakulima na wataalamu kutoka kila pembe ya nchi yetu pia tunapata fursa ya kushiriki na kuchangia elimu kuhusu ufugaji” alisema Massawe.

MWISHO

Imehaririwa na Nancy Kivuyo

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

Rais Samia: Tumieni kikamilifu Miundombinu, Teknolojia na mitaji iliyowekezwa katika Kilimo, Uvuvi na Mifugo

By Halmashauri ya Jiji la Dodoma
Image
Na. Mwandishi wetu, DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan amewataka wananchi, Wizara na Taasisi zinazohusika na sekta za kilimo, mifugo na uvuvi kutumia kikamilifu miundombinu, teknolojia na mitaji iliyowekezwa na Serikali ili kuongeza tija na ushindani wa Taifa katika masoko ya ndani na nje. Akizungumza katika kilele cha Maonesho na Sherehe za wakulima, wafugaji na wavuvi (Nanenane) zilizofanyika kitaifa katika Viwanja vya Nzuguni, Rais Dkt. Samia amesema miradi ya umwagiliaji iliyokamilika na inayoendelea kutekelezwa inapaswa kusimamiwa kwa viwango bora ili kuongeza eneo la kilimo cha umwagiliaji na kukuza tija ya mavuno. Alieleza kuwa Serikali ya Awamu ya Sita imeongeza bajeti ya kilimo ili kugharamia ujenzi na ukarabati wa skimu za umwagiliaji, mabwawa na visima, pamoja na kuanzisha mashamba makubwa ya pamoja, huku upatikanaji wa mbegu bora na mbolea ya kisasa ukiimarika kupitia ruzuku na kuanzishwa kwa viwanda vya uzalishaji, hatua iliyo...
Read more

IAA Tawi la Dodoma kuendelea kulea wataalam kwa vitendo

By Halmashauri ya Jiji la Dodoma
Image
Na. Alex Sonna, DODOMA CHUO cha Uhasibu Arusha (IAA) – Tawi la Dodoma, kimeendelea kuwa kinara katika kutoa elimu ya vitendo kwa vijana nchini, tangu kuanzishwa kwake mwaka 2021 kwa kuanza na programu tatu za diploma. Akizungumza katika banda la Chuo hicho katika Maonesho ya Kitaifa ya Wakulima (NaneNane) yanayoendelea katika Uwanja wa Nzuguni, jijini Dodoma, Meneja wa tawi hilo, Dkt. Grace Temba, alisema kuwa chuo hicho ni sehemu ya mtandao wa kitaaluma unaojumuisha kampasi mama iliyopo Dar es Salaam, pamoja na matawi mengine yaliyopo Babati, Songea, Bukombe, Arusha, na Dodoma yenyewe. “Tunapokea wanafunzi kuanzia ngazi ya kidato cha nne ambao husoma kwa miaka mitatu, wakijifunza kupitia mitalaa ya kisasa inayolenga kuwaandaa kwa soko la ajira la sasa na la baadaye,” alisema, Dkt. Temba. Kwa sasa, IAA inatoa jumla ya programu 38 katika nyanja mbalimbali ikiwa ni pamoja na Uhasibu, Usimamizi wa Fedha, Uhasibu wa Kodi, Uongozi na Utawala wa Biashara, Masoko, na Usimamizi wa Ununuz...
Read more