Baraza la Biashara kuvutia sekta binafsi kuwekeza Dodoma

By Halmashauri ya Jiji la Dodoma

Na. Nancy Kivuyo, MTUMBA

Mwenyekiti wa Baraza la Biashara la Wilaya ya Dodoma, Alhaj Jabir Shekimweri ameeleza kuwa Jiji la Dodoma linakua kwa kasi kutokana na uwezeshaji mkubwa unaofanywa na serikali katika miundombinu mbalimbali.




Aliyasema hayo katika kikao cha Baraza la Biashara la Wilaya ya Dodoma kilichofanyika katika ukumbi mkubwa wa mikutano wa halmashauri katika Mji wa Mtumba.

Alisema kuwa anapongeza mwitikio wa sekta binafsi katika uwekezaji Dodoma. “Ninyi watu wa sekta binafsi nawapongeza sana kwa kufanya uwekezaji wenye tija ikiwemo hoteli kubwa za kisasa zipo hapa Dodoma, kumbi za mikutano na maduka makubwa” alisema Shekimweri ambae pia ni Mkuu wa Wilaya ya Dodoma.

Aliongeza kuwa analipongeza Baraza la Biashara la Wilaya kwa kuweka sera za kuvutia wawekezaji. “Nalipongeza baraza hili kwa kuweka sera Madhubuti zinazofanya wawekezaji kuzikimbilia fursa zilizopo ndani ya Jiji letu la Dodoma. Tuendelee kufanya vizuri kwasababu hapa ndipo kitovu cha makao makuu ya nchi kilipo” aliongeza Shekimweri.

Alimalizia kwa kuwataarifu baraza kuwa Halmashauri ya Jiji la Dodoma inatekeleza mradi wa ufungaji kamera za usalama katika barabara zote kuu kwa lengo la kuimarisha ulinzi na usalama wa jiji lote. Ndugu zangu, halmashauri inatekeleza mradi wa ufungaji camera za usalama katika jiji letu na unatarajiwa kukamilika Agosti 30, 2025. Lengo la kuweka kamera hizi ni kuimarisha ulinzi na usalama wa jiji letu, kwa mantiki hiyo tunatarajia vitendo viovu na uhalifu havitakuwepo kwasababu tutaona kila kinachofanyika katika barabara zetu” alimaliza Shekimweri.




Kwa upande mwingine, Katibu wa Baraza la Biashara la Wilaya ya Dodoma, Dkt. Frederick Sagamiko alitoa rai kwa sekta binafsi kuendelea kushirikiana na serikali. “Naendelea kuwapongeza sekta binafsi lakini pia natoa rai tuendelee kushirikiana na halmashauri kuhakikisha maeneo ya maegesho kwa wafanyabiashara yanapatikana ili kuweka mazingira rafiki na wezeshi ya ufanyaji biashara. Halmashauri imekwisha tenga maeneo ya kibiashara ikiwemo Nala, Njedengwa, Iyumbu, Ihumwa, Msalaton a Hombolo. Maeneo haya ni mazuri kwa uwekezaji tuchangamkie fursa hizi” alisema Dkt. Sagamiko ambae pia ni Mkurugenzi wa Halmashauri ya Jiji la Dodoma.

Baraza la Biashara la Wilaya hukaa vikao kila robo kwa lengo la kujadili na kutengeneza mazingira rafiki ya ufanyaji biashara na kuvutia uwekezaji katika Jiji la Dodoma.  

Comments

Post a Comment

Popular Posts

Shilingi Bilioni 7 zatekeleza miradi ya maendeleo Kata ya Miyuji

By Halmashauri ya Jiji la Dodoma
Image
Na. Coletha Charles, MIYUJI Diwani wa Kata ya Miyuji, Beatrice Ngerangera, ameipongeza serikali ya awamu ya sita inayoongozwa na Rais, Dkt. Samia Suluhu Hassan kwa kutoa zaidi ya shilingi bilioni saba kutekeleza miradi ya maendeleo katika kata yake na kusema kuwa miradi hiyo imebadilisha maisha ya wananchi na kuyafanya kuwa bora zaidi. Kauli hiyo aliitoa alipokuwa akiongea na waandishi wa habari baada ya kutembelea miradi ya maendeleo iliyotekelezwa katika Kata ya Miyuji kwa kipindi cha mwaka 2021-2025 na serikali. Alisema kuwa serikali imetoa kipaumbele kwa miradi ya Kata ya Miyuji kwa ajili ya kuboresha maisha ya wananchi. “Katika kipindi cha miaka minne, kata yetu ya Miyuji imenufaika na miradi yenye thamani ya zaidi ya shilingi bilioni 7. Hii ni pamoja na ujenzi wa shule ya sekondari yenye miundombinu kamili kuanzia ‘O-Level’ hadi ‘A-Level’, ikiwa na mabweni na nyumba za walimu. Gharama yake ni shilingi 544,000,000 kutoka serikali kuu kupitia SEQUIP” alisema Diwani Ngerangera. ...
Read more

Dkt. Mpango ahimiza elimu kwa jamii juu ya utunzaji wa Mazingira

By Halmashauri ya Jiji la Dodoma
Image
Na. Nancy kivuyo, DODOMA Makamu wa Rais wa Jamhuri ya Muungano wa Tanzania, Dkt. Philip Mpango atoa rai kwa tasnia ya habari, taasisi na wananchi wote kushirikiana kutoa elimu kwa jamii juu ya utunzaji wa mazingira ili kupunguza madhara yatokanayo na uharibifu wa mazingira. Aliyasema hayo akiwa mgeni rasmi katika maadhimisho ya Siku ya Mazingira Duniani kitaifa yaliyofanyika jijini Dodoma katika ukumbi wa Jakaya Kikwete. Dkt. Mpango alisema kuwa suala la usimamizi wa mazingira ni la kipaumbele katika maendeleo ya nchi. “Waheshimiwa viongozi mliopo hapa, chanzo kikubwa cha uharibifu wa mazingira ni tabia ya watu na pia mabadiliko ya tabia nchi. Yote haya hasara yake kidunia ni makubwa sana, takriban dola bilioni 300-600 kila mwaka zinapotea. Kwa mantiki hiyo ili kupata mazingira safi lazima wote tuwajibike” alisema Dkt. Mpango. Aliongeza kuwa nchi yetu inapambana kuhakikisha kwamba kwa miaka ijayo taka za pastiki zitokomezwe kwa kiwango kikubwa. Taka hizi za plastiki zinatelekezwa...
Read more