RC Senyamule aipongeza Halmashauri ya Jiji la Dodoma kupata Hati safi

By Halmashauri ya Jiji la Dodoma

Na. Dennis Gondwe, DODOMA

MKOA wa Dodoma umeipongeza Halmashauri ya Jiji la Dodoma kwa kupata hati safi ya ukaguzi wa hesabu za serikali kwa hesabu zinazoishia tarehe 30 Juni, 2025.


Pongezi hizo zilitolewa na Mkuu wa Mkoa wa Dodoma, Rosemary Senyamule katika mkutano maalum wa Baraza la Madiwani kwa ajili ya kupitia na kujadili taarifa ya Mdhibiti na Mkaguzi Mkuu wa Hesabu za Serikali (CAG) uliofanyika katika ukumbi wa mikutano wa halmashauri.

“Mheshimiwa Naibu Meya, naomba nitumie nafasi hii kuipongeza Halmashauri ya Jiji la Dodoma kwa kupata hati safi ya ukaguzi wa hesabu za serikali kwa hesabu zinazoishia tarehe 30 Juni, 2025. Hati safi hii ya ukaguzi inaifanya halmashauri kuendelea kupata hati safi tangu mwaka 2017/2018 hadi sasa. Kitendo hiki kinaipa heshima kubwa halmashauri na mkoa kwa kazi kubwa mnayoendelea kuifanya. Mafanikio haya makubwa yanatokana na ushirikiano wenu mkubwa waheshimiwa madiwani, watendaji wa jiji na viongozi mbalimbali. Hivyo, nawasihi kuendelea kudumisha ushirikiano huo ili kuiwezesha Halmshauri ya Jiji la Dodoma kupata hati safi katika kaguzi zote kila mwaka kama ambavyo mmekuwa mkifanya na huu umekuwa utamaduni wenu” alisema Senyamule kwa furaha.

Aidha, katika kuhakikisha hoja za ukaguzi zinajibiwa kwa wakati, aliitaka Kamati ya Fedha na Utawala ya Halmashauri ya Jiji hilo kujadili mwenendo wa hoja kila mwezi.



Awali Kaimu Mkurugenzi wa Halmashauri ya Jiji la Dodoma, Joseph Fungo alisema kuwa jumla ya hoja 86 zilijibiwa, hoja 41 zilikuwa za miaka ya nyuma na hoja 45 zilikuwa za mwaka 2023/2024. “Mheshimiwa Mkuu wa Mkoa, jumla ya hoja 51 zilifungwa. Hivyo, tumesalia na hoja 35 ambazo tunaendelea kuzifanyia kazi, viambatisho vipo na wakaguzi watakaporudi tena watafanya ‘verification’ tunatumaini tutakuwa pazuri. Mheshimiwa mkuu wa mkoa, kwa mwaka wa fedha 2023/2024 Halmashauri ya Jiji la Dodoma ilipata hati safi. Hivyo, ni matumaini yetu kwamba tutaendelea kupata hati safi kadri unavyotuongoza na kutuhamasisha kupitia kaulimbiu yako ya Dodoma Fahari ya watanzania. Nikuhakikishie kuwa tutafuata maelekezo yote ili jiji letu liwe safi na salama na tutaendelea kuifaharisha Dodoma yetu” alisema Fungo kwa dhati.

MWISHO

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Vijana waalikwa kushiriki Kongamano S/M Mbwanga

By Halmashauri ya Jiji la Dodoma
Image
Na. Mwandishi Wetu Vijana wa Halmashauri ya Jiji la Dodoma wametakiwa kujitokeza na kushiriki kongamano la vijana la Mwenge wa Uhuru Mwaka 2025 lenye lengo la kutoa elimu kuhusiana na fursa mbalimbali za kiuchumi zilizopo nchini. Mwenyekiti wa Kamati ya Kongamano la Vijana katika mbio za Mwenge wa Uhuru Mwaka 2025, Abeid Msangi Kauli hiyo ilitolewa na Mwenyekiti wa Kamati ya Kongamano la Vijana katika mbio za Mwenge wa Uhuru Mwaka 2025, Abeid Msangi akiongelea maandalizi ya kongamano hilo litakalofanyika katika Shule ya Msingi Mbwanga iliyopo Halmashauri ya Jiji la Dodoma. Alisema kuwa kongamano hilo limeandaliwa kwa ajili ya vijana wa Halmashauri ya Jiji la Dodoma. “Nichukue nafasi hii kuwahamasisha vijana wa Jiji la Dodoma kujitokeza kwa wingi katika kushiriki kongamano hilo. Kongamano hilo linalenga kuwajenga vijana kuwa wazalendo, kuifahamu historian a falsafa ya Mwenge wa Uhuru. Pia tutatoa elimu kwa vijana kuhusiana na umuhimu wa kushiriki Uchaguzi Mkuu wa Mwaka 2025 kwa aman...
Read more