Prof. Kabudi atoa salam za pongezi kwa wataalam walioshiri kutengeneza Sheria ya Mazingira

By Halmashauri ya Jiji la Dodoma

Na. Nancy Kivuyo, Dodoma

Waziri wa Habari, Sanaa, Michezo na Utamaduni, Prof. Palamagamba Kabudi amewasihi viongozi wenye mamlaka ya kusimamia Sheria ya Mazingira ngazi zote kuziweka katika utekelezaji ili utunzaji wa mazingira ufanikiwe kwa asilimia zote.



Aliyasema hayo wakati akitoa salamu katika maadhimisho ya Siku ya Mazingira Duniani kitaifa yaliyofanyika jijini Dodoma katika ukumbi wa Jakaya Kikwete.

Prof. Kabudi alisema kuwa utunzaji wa mazingira ni jambo mtambuka wananchi wote wanapaswa kulifahamu. Aliomba pia kuwatambua wataalam waliohusika katika utengenezwaji wa Sheria ya Mazingira. “Mheshimiwa Makamu wa Rais, na viongozi mliopo hapa, mimi pamoja na wataalam wa sheria tulishiriki mchakato wa kuandaa Sheria ya Mazingira ambao ulikua na safari ndefu, lakini tunashukuru tulifanikiwa kwa kiwango kikubwa na leo tupo hapa. Nawapongeza sana japokuwa kuna wenzetu kwa isivyo bahati wametangulia mbele za haki” alisema Prof. Kabudi.

Aliongeza kuwa baada ya kuandaa sheria ile kisha Bunge iliipitia na baadae Mheshimiwa rais akairidhia sheria hiyo na ikapitishwa tarehe 8 Februari, 2005. “Sheria hii ilikuwa muhimu sana, ilianza kwa kukusanya maoni ya wananchi kwa lengo la kupata uhalisia wa sheria tutakayoiandaa. Nikiri tu kwamba, kazi ile ilifanywa na wataalam kwa weledi mkubwa. Ninaomba kuwakumbusha viongozi wa ngazi mbalimbali ikiwemo serikali za mitaa hadi ngazi za juu kuifanyia kazi sheria hii. Kila mhusika na vipengele vyake avisimamie kwa usahihi na hakika tatizo la uchafuzi wa mazingira litapungua kwa kiwango tegemewa” aliongeza Prof. Kabudi.



Katika hatua nyingine, Mkuu wa Seksheni ya Maliasili na Utalii Halmashauri ya Jiji la Dodoma, Happiness Karugaba alieleza kuwa halmashauri ilianza kuadhimisha siku ya Mazingira Duniani kuanzia tarehe 1 Juni. “Sisi halmashauri tulianza sherehe za maadhimisho kwa kupanda miti 150 katika maeneo mbalimbali ikiwemo kwenye shule mbalimbali zinazopatikana ndani ya Jiji la Dodoma ikiwemo Miyuji Sekondari. Tutaendelea kuwahamasisha wananchi kutunza mazingira kwa kupanda miti, kupanda maua na kutumia vizuri rasilimali zinazohusisha mazingira ili ardhi ibaki katika hali nzuri ambayo itatufaa kwa baadae na kwa vizazi vijavyo” alisema Karugaba.  

Nae, Mkurugenzi wa In and Out Gardens Enterprise, Shemsa Rukubayunga aliipongeza Ofisi ya Makamu wa Rais, Muungano na Mazingira kwa kuleta maadhimisho hayo jijini Dodoma kwasababu yanawapa nafasi ya kukutana na wadau wenzao mbalimbali na kujifunza namna ya kutunza mazingira kisasa. “Naipongeza sana serikali kwa kufanya maadhimisho haya hapa Dodoma. Nimetembelea mabanda ya wenzangu nimejionea vingi na nimepata elimu zaidi ya namna ya kutunza mazingira. Sisi kampuni yetu tunatunza mazingira kupitia upandaji wa maua, hiki nilichokipata nitaenda kushirikisha ndugu na jamaa na nina imani nao wataona umuhimu wa kutunza mazingira” alisema Rukubayunga.

MWISHO

 

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Rais Samia: Tumieni kikamilifu Miundombinu, Teknolojia na mitaji iliyowekezwa katika Kilimo, Uvuvi na Mifugo

By Halmashauri ya Jiji la Dodoma
Image
Na. Mwandishi wetu, DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan amewataka wananchi, Wizara na Taasisi zinazohusika na sekta za kilimo, mifugo na uvuvi kutumia kikamilifu miundombinu, teknolojia na mitaji iliyowekezwa na Serikali ili kuongeza tija na ushindani wa Taifa katika masoko ya ndani na nje. Akizungumza katika kilele cha Maonesho na Sherehe za wakulima, wafugaji na wavuvi (Nanenane) zilizofanyika kitaifa katika Viwanja vya Nzuguni, Rais Dkt. Samia amesema miradi ya umwagiliaji iliyokamilika na inayoendelea kutekelezwa inapaswa kusimamiwa kwa viwango bora ili kuongeza eneo la kilimo cha umwagiliaji na kukuza tija ya mavuno. Alieleza kuwa Serikali ya Awamu ya Sita imeongeza bajeti ya kilimo ili kugharamia ujenzi na ukarabati wa skimu za umwagiliaji, mabwawa na visima, pamoja na kuanzisha mashamba makubwa ya pamoja, huku upatikanaji wa mbegu bora na mbolea ya kisasa ukiimarika kupitia ruzuku na kuanzishwa kwa viwanda vya uzalishaji, hatua iliyo...
Read more