Dkt. Mpango ahimiza elimu kwa jamii juu ya utunzaji wa Mazingira

By Halmashauri ya Jiji la Dodoma

Na. Nancy kivuyo, DODOMA

Makamu wa Rais wa Jamhuri ya Muungano wa Tanzania, Dkt. Philip Mpango atoa rai kwa tasnia ya habari, taasisi na wananchi wote kushirikiana kutoa elimu kwa jamii juu ya utunzaji wa mazingira ili kupunguza madhara yatokanayo na uharibifu wa mazingira.


Aliyasema hayo akiwa mgeni rasmi katika maadhimisho ya Siku ya Mazingira Duniani kitaifa yaliyofanyika jijini Dodoma katika ukumbi wa Jakaya Kikwete.

Dkt. Mpango alisema kuwa suala la usimamizi wa mazingira ni la kipaumbele katika maendeleo ya nchi. “Waheshimiwa viongozi mliopo hapa, chanzo kikubwa cha uharibifu wa mazingira ni tabia ya watu na pia mabadiliko ya tabia nchi. Yote haya hasara yake kidunia ni makubwa sana, takriban dola bilioni 300-600 kila mwaka zinapotea. Kwa mantiki hiyo ili kupata mazingira safi lazima wote tuwajibike” alisema Dkt. Mpango.

Aliongeza kuwa nchi yetu inapambana kuhakikisha kwamba kwa miaka ijayo taka za pastiki zitokomezwe kwa kiwango kikubwa. Taka hizi za plastiki zinatelekezwa hasa baharini na kusababisha joto na uharibifu. “Ongezeko la taka ngumu na plastiki linaongezeka kwa kasi sana. Katika maadhimisho haya hapa nchini kwetu kaulimbiu inasema ‘Mazingira yetu na Tanzania ijayo, tuwajibike sasa kudhibiti matumizi ya plastiki’ lengo la kaulimbiu hii ni kuielimisha jamii ya kimataifa na wananchi kwa ujumla ili kulinda vyanzo vya maji na mazingira dhidi ya athari za taka za plastiki na kupunguza matumizi ya bidhaa za pastiki kupitia uzalishaji endelevu” aliongeza Dkt. Mpango.


Aliendelea kusema kuwa urejelezaji wa taka bado ni wa kiwango cha chini na menejimenti ya taka ngumu nayo imeelemewa katika utendaji kazi wao kutokana na changamoto walizonazo za upungufu wa miundombinu.

Aligusia kuwa miongozo na mikakati mbalimbali ya kuhakikisha utunzaji wa mazingira unafikia lengo inafanyika ili kuijenga Tanzania iliyo salama kwa vizazi vya baadae. “Waheshimiwa viongozi, baadhi ya miongozo iliyowekwa ni pamoja na kuweka katazo la mifuko na vifungashio vya plastiki, kushirikisha wadau mbalimbali ambapo makampuni nane yalikubali na kutengeneza umoja wao. Ipo mikakati kadhaa ilibuniwa kusaidia kupunguza uchafuzi wa mazingira ambayo ni wajibu wa wazalishaji, muongozo wa menejimenti ya taka ya mwaka 2019 na mkakati wa ‘re-use, reduce and reycle’. Kwa mujibu wa ripoti ya Umoja wa Mataifa ya mwaka 2023 inayosimamia mazingira inaeleza kuwa uchafuzi wa plastiki utaweza kupunguzwa kwa hadi asilimia 80 ifikapo mwaka 2040 endapo nchi na wadau wa mazingira zitaweka sera thabiti za kufanya mabadiliko katika upunguzaji wa taka katika masoko kwa kutumia teknolojia yenyewe” aligusia Dkt. Mpango.

Alimalizia kwa kutoa rai kwa taasisi zote na waandishi wa habari kujikita katika kutoa elimu kwa jamii ili kusaidia kupunguza uharibifu wa mazingira. “Natoa rai kwa wadau wa mazingira na taasisi mbalimbali kutoa elimu bila kuchoka ili tuokoe jamii yetu ya sasa na ya baadae. Nampongeza Rais, Dkt. Samia Suluhu Hassan kwa jitihada zake za kuhamasisha matumizi ya nishati safi ili kuoka mazingira yetu na niwaombe nyote mliopo hapa mkawe mabalozi wazuri ili tuokoe mazingira ya Afrika na Dunia kwa ujumla” alimaliza Dkt. Mpango.



Nae, Mkuu wa Seksheni ya Maliasili na Utalii Halmashauri ya Jiji la Dodoma, Happiness Karugaba alisema kuwa siku ya Mazingira Duniani, Halmashauri ya Jiji la Dodoma ilianza kuadhimisha tangu tarehe 1 Juni kwa kupanda miti 150 katika maeneo mbalimbali ikiwemo shule. “Tunaendelea kuhamasisha wananchi kutunza mazingira kwa kupanda miti hasa katika shule mbalimbali za hapa jijini na zoezi hilo litaendelea kuwa endelevu” alisema Karugaba.

Katika hatua nyingine, Mkurugenzi wa In and Out Gardens Enterprise, Shemsa Rukubayunga alishukuru kwa uwepo wa maadhimisho hayo kwasababu yanaongeza elimu kwa jamii. “Sisi kampuni yetu tunatunza mazingira kupitia upandaji wa maua, ni jambo jema sana kutunza mazingira ili kuokoa ikolojia inayopotea kupitia uharibufu wa plastiki na taka nyingine ngumu” alisema Rukubayunga.

MWISHO

 

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Rais Samia: Tumieni kikamilifu Miundombinu, Teknolojia na mitaji iliyowekezwa katika Kilimo, Uvuvi na Mifugo

By Halmashauri ya Jiji la Dodoma
Image
Na. Mwandishi wetu, DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan amewataka wananchi, Wizara na Taasisi zinazohusika na sekta za kilimo, mifugo na uvuvi kutumia kikamilifu miundombinu, teknolojia na mitaji iliyowekezwa na Serikali ili kuongeza tija na ushindani wa Taifa katika masoko ya ndani na nje. Akizungumza katika kilele cha Maonesho na Sherehe za wakulima, wafugaji na wavuvi (Nanenane) zilizofanyika kitaifa katika Viwanja vya Nzuguni, Rais Dkt. Samia amesema miradi ya umwagiliaji iliyokamilika na inayoendelea kutekelezwa inapaswa kusimamiwa kwa viwango bora ili kuongeza eneo la kilimo cha umwagiliaji na kukuza tija ya mavuno. Alieleza kuwa Serikali ya Awamu ya Sita imeongeza bajeti ya kilimo ili kugharamia ujenzi na ukarabati wa skimu za umwagiliaji, mabwawa na visima, pamoja na kuanzisha mashamba makubwa ya pamoja, huku upatikanaji wa mbegu bora na mbolea ya kisasa ukiimarika kupitia ruzuku na kuanzishwa kwa viwanda vya uzalishaji, hatua iliyo...
Read more