Kata ya Makutupora, kinara wa timu za michezo na ngoma za asili

By Halmashauri ya Jiji la Dodoma

Na. Nancy Kivuyo, MAKUTUPORA

Kata ya Makutupora yapongeza juhudi za serikali ya awamu ya sita za kuboresha miundombinu ya michezo jambo iliyopelekea hamasa kwa wananchi kupenda kushiriki katika michezo kwaajili ya kuibua vipaji na kuboresha afya zao.



Pongezi hizo zilitolewa na Afisa Mtendaji Kata ya Matukupora Hamis Jigwa mbele ya waandishi wa habari waliofanya mazungumzo nae baada ya kutembelea miradi ya maendeleo iliyotekelezwa na serikali kuanzia mwaka 2021 hadi 2025.

Alisema kuwa kwenye sekta ya michezo Kata ya Makutupora ina vikundi vya ngoma za asili ambavyo vimekuwa vikishiriki kwenye upokeaji wa Mwenge wa Uhuru na kushiriki mikutano ya kitaifa pamoja na timu za mpira wa miguu. “Hapa katani kwetu tupo vizuri, wananchi wa kata hii wanapenda michezo sana. Hata hii leo kuna mashindano yanaendelea, kama mtapata muda mtaona jinsi wananchi wa hapa wanavyojitokeza kwa wingi kushiriki katika michezo” alisema Jigwa.

Akiongelea chachu ya hamasa ya michezo, alimtaja Rais, Dkt. Samia Suluhu Hassan kuwa ni kielelezo na chachu ya hamasa ya michezo. “Kama mnavyoona ndugu waandishi kuna mashindano yanaendelea hapa, kupitia kampuni iitwayo JBM Ramadhani Cup ambayo yana zawadi nzuri na yana lengo la kuunganisha wananchi na kujenga afya ya mwili” aliongeza Jigwa.

Alimalizia kwa kusema kuwa Kata ya Makutupora ipo mbioni kuandaa mashindano kwaajili ya kuhakikisha vijana wanaonesha vipaji vyao. “Mashindano hayo tutaweka vituo viwili na bingwa wa kila kituo atapata zawadi ya mbuzi na baadae vile vituo viwili bingwa wa kituo ‘A’ na bingwa wa kituo ‘B’ watacheza mechi mbili nyumbani na ugenini na bingwa atapata mbuzi. Kwahiyo, sisi kwetu suala la michezo tumelipa kipaumbele sana” alisisitiza Jigwa.

Nae, mwananchi wa Kata ya Makutupora, Julias Twaja aliipongeza serikali kwa msukumo wa kuboresha eneo la michezo kwasababu linawafanya watoto na vijana kuchangamkia fursa ya kuvumbua vipji vyao. “Michezo katika miaka ya karibuni imekuwa ni ajira nzuri sana kwa watoto na vijana wetu. Ofisi ya kata inafanya vizuri katika kuhamasisha michezo, tuna timu nyingi sana ukanda huu, tunaamini kwa siku zijazo Makutupora tutang’ara katika sekta ya michezo kiujumla” alipongeza Twaja.

MWISHO

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Rais Samia: Tumieni kikamilifu Miundombinu, Teknolojia na mitaji iliyowekezwa katika Kilimo, Uvuvi na Mifugo

By Halmashauri ya Jiji la Dodoma
Image
Na. Mwandishi wetu, DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan amewataka wananchi, Wizara na Taasisi zinazohusika na sekta za kilimo, mifugo na uvuvi kutumia kikamilifu miundombinu, teknolojia na mitaji iliyowekezwa na Serikali ili kuongeza tija na ushindani wa Taifa katika masoko ya ndani na nje. Akizungumza katika kilele cha Maonesho na Sherehe za wakulima, wafugaji na wavuvi (Nanenane) zilizofanyika kitaifa katika Viwanja vya Nzuguni, Rais Dkt. Samia amesema miradi ya umwagiliaji iliyokamilika na inayoendelea kutekelezwa inapaswa kusimamiwa kwa viwango bora ili kuongeza eneo la kilimo cha umwagiliaji na kukuza tija ya mavuno. Alieleza kuwa Serikali ya Awamu ya Sita imeongeza bajeti ya kilimo ili kugharamia ujenzi na ukarabati wa skimu za umwagiliaji, mabwawa na visima, pamoja na kuanzisha mashamba makubwa ya pamoja, huku upatikanaji wa mbegu bora na mbolea ya kisasa ukiimarika kupitia ruzuku na kuanzishwa kwa viwanda vya uzalishaji, hatua iliyo...
Read more