Watumishi Zahanati Kitelela mambo shwari

By Halmashauri ya Jiji la Dodoma


Na. Mussa Richard, DODOMA

Mkuu wa Mkoa wa Dodoma, Rosemary Senyamule ametembelea na kukagua nyumba ya watumishi wa Zahanati ya Kitelela iliyopo Kata ya Nzuguni, Wilaya ya Dodoma na kuwataka watumishi kutoa huduma bora kwa wananchi.



Nyumba hiyo ‘two in one’ imegharimu kiasi cha shilingi 60,000,000 hadi kukamilika kwake, ikiwa na uwezo wa kukaliwa na familia mbili kwa pamoja.

Baada ya kukagua nyumba hiyo alisema “utekelezaji wa mradi huu ni muendelezo wa utekelezaji wa maagizo ya Rais wa Jamhuri ya Muungano wa Tanzania, kuhakikisha tunapunguza vifo vya mama na mtoto, hasa wakati wa kujifungua, dhamira ya mradi huu ni kuimarisha na kusogeza huduma za afya karibu na wananchi. Mwanzoni huduma za afya zilikuwa zikitolewa lakini ikifika jioni huduma zinakuwa hazitolewi kutokana na wauguzi kuishi mbali na kituo cha afya. Lakini kwasasa muda wowote wananchi wa Kitelela na maeneo jirani wana uwezo wa kupata huduma muda wowote baada ya mradi huu wa nyumba za wauguzi kukamilika”.

 


Nae, Alhaji Jabir Shekimweri, Mkuu wa Wilaya ya Dodoma akatoa pongezi kwa wananchi wa Kitelela kwa kukamilika kwa mradi huo, ambao utakuwa mkombozi wa huduma ya afya kijijini hapo.

“Nitoe pongezi kwa wananchi wa Kitelela kwa kukamilika kwa mradi huu wa nyumba ya mtumishi, kwasababu ni mradi ambao mliuanzisha nyie wenyewe baada ya kuona kuna uhitaji. Kwahiyo, imani yangu ni kuwa mtaendelea kutumia huduma za afya za zahanati hii, moja ya changamoto ambazo bado zipo ni kukosekana kwa huduma ya maji, changamoto ambayo tayari imeanza kufanyiwa kazi kwa kuchimbwa kisima cha maji. Kisima ambacho kitasaidi kupatikana kwa maji ya kutosha katika zahanati” alisema Shekimweri.

“Mradi wa ujenzi wa Zahanati ya Kitelela umesaidia kupunguza changamoto za upatikanaji wa huduma za afya kwa wananchi hasa mama wajawazito ambao walikua wanatembea umbali mrefu kufuata huduma na sasa tumewasogezea huduma ya kliniki ya mama na mtoto na wananchi watapata huduma za afya muda wote” alisema Dkt. Sebastian Pima Mganga Mkuu wa Halmashauri ya Jiji la Dodoma.

Mradi wa ujenzi wa Zahanati ya Kitelela ulianzishwa mwaka 2005, kituo kinapatikana Kata ya Nzuguni Mtaa wa Kitelela, ambapo hapo awali ilikua na majengo mawili ambayo ni jengo la OPD na jengo la ‘Maternity’ ambalo kabla ya mradi kukamilika lilikuwa likitumika kama nyumba ya mtumishi.

MWISHO

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Wafanyabiashara wa Soko Kuu la Majengo Dodoma watarajia makubwa Mradi wa TACTIC

By Halmashauri ya Jiji la Dodoma
Image
Na. Halima Majidi, DODOMA Wafanyabiashara wa Soko Kuu la Majengo Jiji la Dodoma,   wameishukuru serikali kwa kuona umuhimu wa kukarabati miundombinu ya Soko hilo na kuomba   kuharakishwa uboreshaji wa soko ili waweze kuendelea na majukumu yao,   kwa sababu soko hilo ndio soko mama la chakula. Akizungumza katika hafla ya Utiaji Saini Mikataba ya Ujenzi wa Miradi ya TACTIC uliofanyika katika Bustani ya Chinangali Park, Mfanyabiashara wa   Soko Kuu   la Majengo, Rhoda Boyi, alipongeza juhudi za   Halmashauri ya Jiji la Dodoma kwa kuwashirikisha   katika hatua zote za mradi "Tunatarajia kuwa sauti zetu zitasikilizwa na kuzingatiwa ili kuhakikisha kuwa maboresho haya yanakidhi mahitaji yetu na kuboresha mazingira ya biashara" alisema Boyi. Kwa upande wake   Mohammedi,   alifafanua changamoto watakazokumbana nazo   katika kipindi chote cha ukarabati wa jengo hilo, ni pamoja na; kupoteza wateja, kuharibika kwa bidhaa kutokana na kuhamishw...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more