Shule ya Sekondari Viwandani yamshukuru Mbunge Mavunde kuboresha miundombinu ya Elimu

By Halmashauri ya Jiji la Dodoma

Na. Faraja Mbise, VIWANDANI

Uongozi wa Shule ya Sekondari Viwandani wamshukuru Mbunge wa Dodoma Mjini, Anthony Mavunde kwa kuboresha miundombinu ya shule hiyo sambamba na ujenzi wa maabara mpya ya kompyuta na ugawaji wa kompyuta 20, viti 20 na printa moja.



Shukrani hizo zilitolewa na Mkuu wa Shule ya Sekondari Viwandani, Mwl. Ester Simchimba, alipokuwa akitoa taarifa ya shule hiyo katika hafla ya ugawaji Kompyuta na Printa kwa shule za sekondari jijini Dodoma, iliyofanyika tarehe 10 Machi, 2025 katika Shule ya Sekondari Viwandani, Kata ya Viwandani, jijini Dodoma.

Akisoma risala hiyo, Mwl. Simchimba alimshukuru mgeni rasmi kwa kuwa mdau mkubwa katika kusimamia taaluma na kuboresha miundombinu ya shule hiyo, sambamba na kutoa nafasi ya kipekee ya kuichagua shule hiyo kuwa sehemu maalum kwa kufanyia tukio hilo la kihistoria katika shule hiyo. “Tunashukuru kwa kuchagua shule yetu kuwa mahali pa kufanyia hafla hii fupi na tukio la kihistoria katika Halmashauri ya Jiji la Dodoma ikiwakilisha shule zote 50 za sekondari. Aidha, tunakushukuru sana kwasababu umekuwa mdau mkubwa katika kusimamia taaluma na kuboresha miundombinu lengo ikiwa ni kuongeza umahiri wa ujifunzaji na ufundishaji katika wilaya yetu” alishukuru Mwl. Simchimba.


Akizungumzia hali ya taaluma na ufaulu wa wanafunzi shuleni hapo, alisema kuwa wameona mchango wa Mbunge wa Dodoma Mjini katika kuboresha na kupandisha taaluma ya shule hiyo. “Viwandani Sekondari tumeona matunda ya mchango wako katika matokeo ya mitihani ya taifa kwa kidato cha Pili na Nne. Kwa mwaka 2024 tumepata tuzo ya ubora wa matokeo na zawadi kwa kuwa nafasi ya kwanza kwa matokeo ya kidato cha Pili. Pia tumepata tuzo kwa kuwa nafasi ya tatu katika matokeo ya kidato cha Nne kwa shule za sekondari jijini Dodoma na kufuta zero kwa matokeo ya kidato cha Nne” alisema Mwl. Simchimba.

Sambamba na hilo, alimshukuru Diwani wa Kata ya Viwandani, Japhary Mwanyemba kwa mchango mkubwa alioufanya katika kuhakikisha maboresho mbalimbali ya shule hiyo kwa kuishirikisha Halmashauri ya Jiji la Dodoma inatenga fedha kwa ajili ya maboresho hayo. “Tunamshukuru Diwani wa Kata ya Viwandani kwa kuwa mlezi namba moja wa kata hii, yeye ni sehemu ya wadau wakubwa waliochangia ujenzi wa uzio, amekuwa mstari wa mbele kuchangia chakula wakati wa kambi za taaluma hapa shuleni. Pia shule hii ina miradi mingi ambayo amepambana na kuishirikisha halmashauri kuhakikisha fedha zinaletwa hapa shuleni” alishukuru Mwl. Simchimba.



Shule ya Sekondari Viwandani ilianzishwa Mwaka 2006 na ina jumla ya wanafunzi 939 ambapo idadi ya wavulana ni 462 na wasichana 477. Aidha, shule ina jumla ya walimu 47 (wanawake 33 na wanaume 14).

MWISHO

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Wafanyabiashara wa Soko Kuu la Majengo Dodoma watarajia makubwa Mradi wa TACTIC

By Halmashauri ya Jiji la Dodoma
Image
Na. Halima Majidi, DODOMA Wafanyabiashara wa Soko Kuu la Majengo Jiji la Dodoma,   wameishukuru serikali kwa kuona umuhimu wa kukarabati miundombinu ya Soko hilo na kuomba   kuharakishwa uboreshaji wa soko ili waweze kuendelea na majukumu yao,   kwa sababu soko hilo ndio soko mama la chakula. Akizungumza katika hafla ya Utiaji Saini Mikataba ya Ujenzi wa Miradi ya TACTIC uliofanyika katika Bustani ya Chinangali Park, Mfanyabiashara wa   Soko Kuu   la Majengo, Rhoda Boyi, alipongeza juhudi za   Halmashauri ya Jiji la Dodoma kwa kuwashirikisha   katika hatua zote za mradi "Tunatarajia kuwa sauti zetu zitasikilizwa na kuzingatiwa ili kuhakikisha kuwa maboresho haya yanakidhi mahitaji yetu na kuboresha mazingira ya biashara" alisema Boyi. Kwa upande wake   Mohammedi,   alifafanua changamoto watakazokumbana nazo   katika kipindi chote cha ukarabati wa jengo hilo, ni pamoja na; kupoteza wateja, kuharibika kwa bidhaa kutokana na kuhamishw...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more