Mbunge Mavunde agawa Kompyuta na Printa Shule za Sekondari za Serikali Dodoma

By Halmashauri ya Jiji la Dodoma

Na. Leah Mabalwe, VIWANDANI

Wanafunzi wa shule za sekondari za serikali waaswa kuongeza jitihada katika masomo yao ili kuzidisha ufaulu.



Hayo yalisemwa na Mbunge wa Dodoma Mjini, Anthony Mavunde wakati wa hafla ya ugawaji wa komputa na printa katika shule zote za serikali za sekondari jijini Dodoma na uzinduzi wa maabara ya kisasa ya kompyuta ya Shule ya Sekondari Viwandani.

“Napenda kuhamasisha wanafunzi wote wa shule za sekondari kuongeza jitihada sana katika masomo yenu. Rais wetu wa Jamhuri ya Muungano wa Tanzania, Dkt. Samia Suluhu Hassan kwa sasa anawekeza sana katika sekta ya elimu ili wanafunzi wote mpate mazingira mazuri kwa ajili ya kujisomea. Kwa sasa tunahitaji kujenga Jiji la Dodoma katika sekta ya elimu na kazi kubwa bado zinaendelea kufanyika. Nimeamua kufanya ziara hii ya ugawaji wa kompyuta katika shule zote za Dodoma mjini ili kuwaongezea maarifa pamoja na kukua kwa utandawazi kwasababu tunarahisisha upataji wa maarifa kwa ninyi wanafunzi wote. Kompyuta hizi zina kila kitu ambacho wanafunzi mnahitaji kujifunza. Hivyo, niwasisitize sana kuongeza juhudi katika masomo yenu” alisema Mavunde.



Akiongelea suala la watoto wenye ulemavu alisema kuwa nao wanafursa ya kupata elimu kama watoto wengine. “Na sitoishia hapa nina mpango pia wa kuwasaidia watoto wenye mazingira magumu pamoja na watoto wenye ulemavu wa Jiji la Dodoma kwa kugawa madaftari bure pamoja na mabegi ya mgongoni, suala hilo lipo katika mchakato hivyo basi, serikali yetu kwa sasa imejipanga kikamilifu kukemea ubaguzi wa watoto wenye ulemavu” alisema Mavunde.

Nae, Mkuu wa Shule ya Sekondari Viwandani, Ester Simchimba alimshukuru Mbunge wa Dodoma Mjini, Anthony Mavunde pamoja na Halmashauri ya Jiji la Dodoma kwa mchango wao mkubwa wa kuboresha miundombinu ya shule hiyo.

“Tunakushukuru mbunge wetu kwa kufika katika shule yetu kwaajili ya hafla ya utoaji wa vifaa vya Kompyuta pamoja na printa lakini pia kwa ajili ya uzinduzi wa maabara ya kisasa. Kwa niaba ya uongozi wa shule pamoja na kamati ya wazazi tunakushukuru sana kwa kuwa mdau mkubwa wa maendeleo ya shule yetu kwasababu umeshirikiana na serikali katika kuboresha miundombinu ya shule na hata kupelekea kuongezeka kwa ufaulu mzuri kwa wananafunzi, tunakushukuru sana mbunge wetu” alisema Mwl. Simchimba.

MWISHO

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Wafanyabiashara wa Soko Kuu la Majengo Dodoma watarajia makubwa Mradi wa TACTIC

By Halmashauri ya Jiji la Dodoma
Image
Na. Halima Majidi, DODOMA Wafanyabiashara wa Soko Kuu la Majengo Jiji la Dodoma,   wameishukuru serikali kwa kuona umuhimu wa kukarabati miundombinu ya Soko hilo na kuomba   kuharakishwa uboreshaji wa soko ili waweze kuendelea na majukumu yao,   kwa sababu soko hilo ndio soko mama la chakula. Akizungumza katika hafla ya Utiaji Saini Mikataba ya Ujenzi wa Miradi ya TACTIC uliofanyika katika Bustani ya Chinangali Park, Mfanyabiashara wa   Soko Kuu   la Majengo, Rhoda Boyi, alipongeza juhudi za   Halmashauri ya Jiji la Dodoma kwa kuwashirikisha   katika hatua zote za mradi "Tunatarajia kuwa sauti zetu zitasikilizwa na kuzingatiwa ili kuhakikisha kuwa maboresho haya yanakidhi mahitaji yetu na kuboresha mazingira ya biashara" alisema Boyi. Kwa upande wake   Mohammedi,   alifafanua changamoto watakazokumbana nazo   katika kipindi chote cha ukarabati wa jengo hilo, ni pamoja na; kupoteza wateja, kuharibika kwa bidhaa kutokana na kuhamishw...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more