Senyamule awasisitiza wanufaika wa TASAF kutumia pesa kujiletea maendeleo

By Halmashauri ya Jiji la Dodoma

Na. Aisha Ibrahim, DODOMA

Mkuu wa Mkoa wa Dodoma, Rosemary Senyamule, amewataka wanufaika wa Mfuko wa Maendeleo ya Jamii (TASAF) kutumia vizuri pesa wanayopewa na mfuko huo katika kufanyia shughuli mbalimbali za kuingiza kipato ili kujikwamua kiuchumi na kuondokana na dhana ya kuwa tegemezi katika jamii na taifa kwa ujumla.


Aliyasema hayo wakati akiwa kwenye ziara fupi ya kutembelea wanufaika wa Mfuko wa TASAF katika mtaa wa Mchemwa, Kata ya Makutupora, jijini Dodoma iliyokwenda na Kaulimbiu isemayo ‘TASAF, kwa pamoja tuondoe umaskini’.

Akizungumza wakati wa ziara hiyo, alisema kuwa miongoni mwa malengo ya TASAF ni kuhakikisha wanajamii wenye kipato cha chini wanainuka kiuchumi na kuwa na kipato cha juu ili kusaidia kuinua vipato vyao na familia zao kwa ujumla. “Mfuko wa TASAF umekuja ili kuwafanya wale wenye kipato cha chini kuongezeka na kuanza kupata kipato cha juu” alisema Senyamule.

Katika hatua nyingine, aliwahimiza wanufaika wa mfuko huo kuipa thamani pesa hiyo kwa kufanyia shughuli za maendeleo kwasababu malengo ya TASAF hayawezi kutimia ikiwa walengwa hawatakuwa na utayari wa kufanikisha dhamira hiyo. “Dhamira hii haiwezi kutimia ikiwa mlengwa hajataka kuitimiza kwasababu leo tunaweza kusema tugawe laki moja kwa kila mtu lakini yule mwenye dhamira tutakuta pesa hiyo imeongezeka na imekuwa laki mbili” alisema Senyamule.

Kwa upande wake, Mratibu wa TASAF ngazi ya Halmashauri ya Jiji la Dodoma, Sekunda Kasese alifafanua kuwa katika Mtaa wa Mchemwa kuna kaya 25 zenye wanufaika wa mfuko huo ambao wanapokea pesa hizo kwa njia ya benki na wengine hupokea pesa taslimu.

Nae, mkazi wa Mtaa wa Mchemwa ambae ni mnufaika wa TASAF, Esther Chitojo, mwenye umri wa miaka 68, aliushukuru mfuko huo kwa kuwawezesha na kuwasaidia kuinua vipato vyao kwasababu wameweza kupiga hatua moja kwenda hatua nyingine kimaendeleo. “Nimeshukuru kuletwa kwa TASAF kwasababu imeweza kutuinua sana na maisha yetu yanaenda vizuri” alisema Chitojo.

Sambamba na hayo, alieleza kuwa kupitia pesa anazopata kutoka TASAF aliweza kununua mbuzi wawili walioweza kuzaliana na kufikia mbuzi 12 na baadae alibadirisha mbuzi hao na kupata ng'ombe jike wawili ambao hadi sasa wamezaliana na kufikia ng'ombe 12 wanaotoa maziwa ya kuuza na kumfanya aweze kujipatia Kipato.

Mbali zaidi, alisema kuwa aliweza kuanzisha kilimo cha zao la Choya ambapo baada ya mavuno hupeleka sokoni kuuza na kupitia fedha hizo alifanikiwa kujenga nyumba yenye vyumba vitatu na sebule moja. “Kupitia fedha ninazopata kutoka TASAF nilianzisha kilimo cha Choya na huwa ninauza pamoja na maziwa. Kwahiyo, kwa kuweka pesa kidogo kidogo nilianza kununua simenti, nikafyatua tofali lakini mwaka jana niliuza ng'ombe wawili nikanunua mbao na mabati na nilifanikiwa kujenga nyumba yenye vyumba vitatu na sebule” alisema Chitojo.

Malengo ya mfuko wa TASAF ni kuzinusuru kaya maskini zaidi kwa kuongeza vipato na fursa za kujikimu, kuboresha huduma za kiuchumi na kijamii, kuimarisha lishe bora, kuongeza mahudhurio ya watoto shuleni, na kuhakikisha upatikanaji wa huduma za afya.

MWISHO


Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more