Dodoma Jiji FC, Gari Limewaka

By Halmashauri ya Jiji la Dodoma

Na. Mussa Richard, DODOMA

Klabu ya Soka ya Dodoma Jiji FC, imeichakaza Klabu ya Soka ya Fountain Gate FC, kwa kuichapa bao Moja kwa nunge katika mchezo wa Ligi kuu ya NBC Tanzania bara, mchezo uliopigwa katika dimba la Jamhuri hapo jana, bao pekee la Dodoma Jiji FC, liliwekwa kimiani na mchezaji Idd Kipagwile, kwa mkwaju wa penati mnamo dakika ya 37 ya mchezo.




Baada ya mchezo kutamatika Kocha Mkuu wa Dodoma Jiji FC, Mecky Mexime alisema “niwapongeze wachezaji wangu kwa kupambana na kuhakikisha tunashida mchezo. Mchezo ulikua ni mgumu ukizingatia hatuna idadi ya wachezaji wengi wenye utimamu kimwili lakini wachezaji waliopo kwa uchache wao wameweza kuonesha umuhimu wao kwenye timu wamepambana kadri ya uwezo wao tumeweza kushinda mchezo, tumetengeneza nafasi kwa idadi kubwa sana kipindi cha pili lakini kutokana na presha ya mchezo tukashindwa kuzitumia lakini kwenye mchezo ujao tutajiandaa kwenda kuhakikisha tunatumia nafasi tunazotengeneza kwa usahihi”.


Akiongelea malengo ya timu alisema kuwa ni kukusanya alama kwa kila mchezo ulio mbele yao. “Ili kujiweka katika nafasi nzuri zaidi mwishoni mwa msimu, na ushindi huu mfululizo kwa mechi za nyumbani unatuongezea nguvu zaidi ya kupambana huku tukusubiri majeruhi wapone haraka warudi kwenye timu ili tuje tupambanie malengo yetu kwa pamoja” aliongeza Mexime.




Nae, nyota wa mchezo huo Mwanakibuta David baada ya dakika 90 kutamatika aliwashukuru wachezaji wenzake kwa kupambana kuhakikisha timu inapata matokeo chanya licha ya kukumbwa na wimbi la majeraha kwa baadhi ya nyota wake wa kikosi cha kwanza.


“Namshukuru Mwenyezi Mungu mchezo umeisha salama na tumeweza kupata alama tatu muhimu, lakini kwa ukubwa niwapongeze wachezaji wenzangu kwa kupambana kwa dakika zote mpaka tumefanikiwa kushinda mchezo wa pili mfululizo. Nitakuwa mchoyo wa fadhila nisipo washukuru mashabiki wetu ambao wamejitokeza kwa wingi kutuunga mkono, kama wachezaji tumefarijika sana na tutaendelea kujituma kuhakikisha mashabiki wanafurahi na timu inazidi kukusanya alama na kupanda katika nafasi za juu zaidi kwenye msimamo wa ligi” alisema Kibuta.



Katika michezo mitatu ya mwisho Dodoma Jiji FC, imefanikiwa kukusanya alama saba kibindoni, ikitoa sale mchezo mmoja, ikishinda michezo miwili. Mchezo ujao Dodoma Jiji FC, itasafiri kuwafuata Nyuki wa Tabora, Tabora United mchezo unaotarajiwa kuchezwa katika dimba la Ali Hassan Mwinyi Februari 28 saa 10:00 jioni.

Comments

Post a Comment

Popular Posts

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more