Wazazi washauriwa kununua vifaa vya shule kwa bei elekezi

By Halmashauri ya Jiji la Dodoma

Na. Aisha Ibrahim, DODOMA                                                                                                                                                                                  Wafanyabiashara  wanaojihusisha na kuuza vifaa  vya shule kwa wanafunzi, wanaopatikana  Mtaa wa One Way, Halmashauri ya Jiji la Dodoma, wamewaasa  wazazi na walezi  kujitokeza kununua vifaa hivyo kwa bei elekezi bila kuhofia, kwasababu mpaka sasa bei ni ya kawaida kama ilivyokuwa miezi iliyopita .

Hayo yalisemwa na baadhi ya wafanyabiashara wakieleza kuwa, bei ya vifaa vya shule kwa wanafunzi haijapanda kama walivyozoea misimu iliyopita hivyo, wazazi au walezi wajitokeze kwa wingi kununua vifaa vya shule kwa ajili ya watoto wao.

Noely Chibarabara alisema “bei zetu kwakweli hazijapanda, ziko palepale na hakuna shida yoyote ambayo imeweza kutokea kwamba tumepandisha bei, bei ipo palepale na bei zetu ni nzuri".

Akizungumzia kuhusu changamoto ya uzalishaji bidhaa viwandani kutokana na uhitaji mkubwa wa wateja, mfanyabiashara Paskali Faustine alisema bei inapanda msimu huu kutokana na uhitaji mkubwa wa bidhaa zitumikazo shuleni.

“Bei inapanda miezi hii kwa sababu ya uzalishaji viwandani unakuta ni changamoto, wanaotaka mahitaji ni wengi sana kwa sababu ni kipindi cha shule asilimia kubwa bidhaa zinakuwa ziko juu” alisema Faustine.

Akiongelea wafanyabiashara wanaopandisha bei katika msimu wa kuelekea shule kufunguliwa, mfanyabiashara Tonni Jamen aliwashauri kutokupandisha bei vifaa vya shule. Aidha, aliwashauri kuuza vifaa hivyo kwa bei elekezi ili kuwawezesha wazazi na walezi kumudu gharama na kuwashauri wasiogope kujitokeza kuwanunulia vifaa vya shule watoto wao ili waweze kwenda shule bila vikwazo.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more