Wafanyabiashara kuboresha huduma na kukuza biashara Mwaka 2025

By Halmashauri ya Jiji la Dodoma

Na. Halima Majid na Shahanazi Subeti, DODOMA

Wafanyabiashara waweka wazi malengo ya kuboresha huduma ya kukuza biashara zao na kuchangia maendeleo ya uchumi ya Jiji la Dodoma mwaka 2025.


Hayo yalisemwa na wafanyabiashara wa eneo la One Way lililopo katikati ya Jiji la Dodoma wakati wa mahojiano na waandishi wa habari walipokuwa wanaelezea salamu za jinsi walivyoupokea mwaka mpya 2025.

Mfanyabiashara wa urembo, Luqman Olomi, katika Mtaa wa One Way alisema changamoto kubwa ni matatizo ya kifamilia yanayopelekea kurudishwa nyuma kiuchumi na kusababisha biashara yake kuyumba kwa kiasi flani. "Kuna changamoto za kifamilia zaidi ambazo huwa zinaturudisha nyuma kwa kiasi kikubwa kwa sababu inabidi utumie mpaka kiasi ambacho umeweka kwa ajili ya biashara na ili tufanikiwe inatakiwa tujitegemee na tusitegemee cha mtu. Hiyo ndio siri ya mafanikio na kwa anayoyafanya Rais wetu Mheshimiwa Samia Suluhu Hassan kwa kushirikiana na mashirika mengi na taasisi mbalimbali anafanya vizuri” alisema Olomi.

Nae Mfanyabiashara wa vitambaa, Barke Boda, alisema kuwa ana malengo ya kutafuta riziki yake na malengo makubwa ni kuendelea kutoka sehemu aliyopo kwasasa na kuikuza. “Mwaka huu nina malengo makubwa naomba Mungu anisimamie katika hilo. Kwa maana mwaka uliopita haukuwa mzuri kibiashara lakini tunamshukuru sana tunaendelea vizuri tunatakiwa tusikate tamaa tujipange vizuri ili tuweze kufikia malengo” alisema Boda.

Mfanyabiashara wa viatu na mabegi, Mwanahamisi Hamadi, alisema mwaka ameupokea vizuri na anamalengo ya kuendeleza biashara kwa kuongeza bidhaa zaidi na amesisitiza kuwa makini katika biashara ili kuepuka matapeli. “Licha ya changamoto nilizozipitia lakini pia nimesema kuwa nina malengo makubwa   mwaka huu kwasababu naamini utakuwa ni mwaka wa utulivu na ulinzi wa kutosha ili niweze kufanya biashara zangu kwa amani licha ya kuwa ni mwaka wa uchaguzi” alisema Hamadi.

 Mwaka 2025 unatarajiwa kuwa kipindi cha mageuzi makubwa kwa wafanyabiashara wa One Way huku wakiwa na matumaini ya kuimarisha uchumi wa familia zao na Jiji la Dodoma kwa ujumla.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more