Wajasiriamali Jiji la Dodoma wahimizwa kurasimisha biashara zao

By Halmashauri ya Jiji la Dodoma

Na. Faraja Mbise, DODOMA

Wajasiriamali katika Halmashauri ya Jiji la Dodoma wamehimizwa kurasimisha biashara zao kwa lengo la kuwa na wigo mkubwa wa kuweza kukopa katika taasisi za kifedha kwa sababu watakuwa wanatambulika kwa mujibu wa sheria.


Katibu Mtendaji wa Shirika Kakute Projects, Livinus Manyanga akiongea na wadau


Hayo yalisemwa na Katibu Mtendaji wa Shirika Kakute Projects, Livinus Manyanga alipokuwa akizungumza na wanufaika wa mradi wa nishati jadidifu, wadau wa serikali, viongozi wa sekta ya biashara na wazalishaji wa teknolojia katika mkutano wa wadau wa mradi wa nishati jadidifu kwa matumizi ya uzalishaji uliofanyika katika ukumbi wa Maktaba ya Mkoa uliyopo Halmashauri ya Jiji la Dodoma.

“Tumejaribu kufanya kazi kwa karibu sana na vile vikundi ambavyo vimekopeshwa mikopo na halmashauri tofauti na hii misaada ambayo tumeitoa sisi, inaonesha wazi kwamba changamoto namba moja ni kwamba, mjasiriamali mdogo mpaka aweze kurasimisha biashara yake ni hatua ndefu na hawapendi kuchukua hatua ndefu kiasi hicho. Pia nidhamu ya matumizi ya pesa, kujua hii pesa imetoka wapi na inatakiwa kupelekwa wapi inakuwa ni ngumu kidogo. Tunazidi kusisitiza, uwekaji wa kumbukumbu, mpango wa biashara na kurasimisha biashara ni vitu vya msingi sana” alisisitiza Manyanga.

Akiongelea suala la teknolojia katika mradi, alisema kuwa wamefanikiwa kwa kiasi kikubwa kuwafikia walengwa na imesaidia kwa kiasi kikubwa kuboresha biashara zao. “Teknolojia imetengenezwa vizuri na inaonesha muelekeo wa kuwaongezea uzalishaji na pia kuboresha maisha yao kwa ujumla” alisema Manyanga.

Kuhusu suala la wadau wa kifedha, alisema mradi unashirikiana na taasisi mbalimbali za kifedha ili kuwasaidia wajasiriamali wadogo wadogo katika kata zilizopo Halmashauri ya Jiji la Dodoma kwa lengo la kuboresha miradi na kuimarisha usambazaji wa teknolojia. “Mradi unalenga kuwashirikisha wajasiriamali na wadau wa fedha kama SACCOS, VICOBA pamoja na Benki.  Pamoja na mafunzo tuliyowapatia wajasiriamali waliopo maeneo ya pembezoni, uelewa wao ni wa taratibu, wanafahamu kila kitu lakini kutekeleza ni taratibu” alisema Manyanga.

Kwa upande wake Mkurugenzi Mtendaji wa DOM Energy Solutions and Designing Ltd, Anthony Machai, ambae ni msambazaji wa teknolojia katika mradi huu alipongeza juhudi za serikali ya Jamhuri ya Muungano wa Tanzania chini ya Rais, Dkt. Samia Suluhu Hassan, katika kampeni ya kutokomeza matumizi ya nishati chafu na hivyo, kumuunga mkono katika kusambaza teknolojia ambayo ni rahisi kwa wajasiriamali wa baadhi ya kata zilizopo jijini Dodoma kwa kushirikiana na Kakute Projects.

“Tunajishughulisha na ufungaji wa mitambo ya ‘solar’ mbalimbali katika Jiji la Dodoma na Tanzania nzima. Ukiangalia kwa sasahivi pia rais wetu yupo kwenye mchakato wa kuhakikisha wananchi kwa asilimia kubwa tunatumia nishati safi ambayo inatunza mazingira. Na sisi kama wadau wa nishati, tunampongeza kwa jitihada nyingi sana anazozifanya kutafuta wafadhili wengi watakaoiwezesha jamii yetu kupata nishati hii ambayo ni rahisi na kila mmoja anaweza akamudu” alisema Machai.




Kwa upande wake mjasiriamali, Lucas Japhet ameipongeza serikali kwa kuwaletea wadau ambao wamekuwa ni chachu kubwa sana katika kukuza biasahara zao na kuyafikia malengo kwa teknolojia nzuri walizowekewa. “Nimefungiwa mtambo wa ‘solar’ na umenirahisishia mimi kufanyakazi zangu kwa uhuru zaidi na kwa wepesi zaidi na mpaka sasahivi kuna mafanikio mazuri nimeyafikia na kikubwa ninafanya kazi kwa urahisi zaidi bila shida yoyote. Niishukuru serikali yetu ya Tanzania kwa kutuletea wadau kama hawa wanaotuwezesha sisi wajasiriamali kupata nishati na hata kwa jamii pia” alisema Japhet.

Mradi wa nishati jadidifu kwa matumizi ya uzalishaji Dodoma ulianzishwa mwaka 2022 na kuweza kuzifikia kata tano ambazo ni Mbalawala, Chihanga, Hombolo Makulu, Mnadani pamoja na Ipala na kuwafikia wajasiriamali 15 ambao walipatiwa mitambo ya kuendesha biashara zao za uzalishaji. Pia ulilenga kuimarisha na kuboresha miradi ya wajasiriamali wa pembezoni iwe na tija zaidi kwa kuunda ushirikiano kati ya wasambazaji wa suluhisho za teknolojia ya nishati jadidifu na kujenga msingi wa maendeleo endelevu kwa kushirikiana na viongozi wa serikali ngazi ya kata na wadau wengine wa maendeleo.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more