Taasisi zatakiwa kupanda miti kukijanisha Dodoma

By Halmashauri ya Jiji la Dodoma

 Na. Faraja Mbise, DODOMA

Taasisi zilizopo Halmashauri ya Jiji la Dodoma pamoja na wananchi, wamehimizwa kupanda miti katika maeneo wanayofanyia kazi na wanayoishi ili kuifanya Dodoma iwe ya kijani na kukabiliana na madiliko ya tabia ya nchi.



Katibu Tawala Mkoa wa Dodoma, Kaspar Mmuya akipanda mti 


Hayo yalisemwa na Katibu Tawala Mkoa wa Dodoma, Kaspar Mmuya alipokuwa akizungumza na wadau mbalimbali katika zoezi la upandaji miti kwa awamu ya pili lililohusu wazaliwa wa mwezi Novemba lililofanyika tarehe 18 Novemba, 2024 katika eneo la Jakaya Kikwete Square, Chuo Kikuu cha Dodoma.

“Tumeshaanza kuyagundua maeneo kama matatu hivi, lakini hili ni la pili tutatekeleza Januari au Februari, tayari tumeshaongea na Halmashauri ya Jiji la Dodoma na watatupatia. Maeneo katika Jiji la Dodoma yapo, Dodoma kuwa kijani inawezekana. Watu wanaishi na historia kuwa Dodoma haistawi, ni kavu, ni kame. Hapana, Dodoma sio kame na mifano ipo, mimi ninawaambieni, tafuteni muda, mzunguke mitaani muangalie kwenye nyumba za watu, zilizowekewa fensi utakuta ndani kuna miti kijani kabisa, lakini nje ya fensi hakuna miti ya kijani. Nawapongeza watu wote wanaofanya hivi kwasababu ilikuwa ni agizo la Jiji la Dodoma, kuna sheria ndogo iliyoundwa katika kila kibali cha ujenzi unachopewa ni lazima upande miti isiyopungua mitano ikiwemo miti ya matunda na miti mingine ya vivuli”

Aidha, aliwashukuru wadau mbalimbali kwa kuunga mkono kampeni ya ‘Mti wangu, Birthday yangu’ kwa kusaidia kutoa miti na maji kwa ajili ya kuunga mkono jitihada hiyo ya kuifanya Dodoma kuwa ya kijani na kukabiliana na madiliko ya tabia ya nchi. “Naomba nichukue fursa hii bila kupepesa macho, niwashukuru sana NMB, walipewa jukumu na Mkuu wa Mkoa wa Dodoma, kuwa miti hii waendelee kuitunza, lakini Chuo Kikuu cha Dodoma ndio wenye eneo hili, nao kila siku wapo hapa wakisaidiana na timu ya wataalamu wa UDOM na Ofisi ya Mkuu wa Mkoa. Ninawashukuru sana kwa malezi mazuri ambayo miti hii mmeipa, ninawashukuru sana watu wa (TANESCO) hii ni mara ya pili mnakuja kwa wingi, nawapongeza sana (TARURA) na taasisi zingine zote zilizofika, naombeni katika ofisi zenu pia mkapande miti. Sio muda wote tunakuwa kazini wakati mwingine tunapumzika kwahiyo pangeni siku mpande miti na Taasisi zote zillizopo Dodoma tuhakikishe kwenye ofisi zetu zote tupande miti” alisisitiza Mmuya.


Katibu Tawala Mkoa wa Dodoma, Kaspar Mmuya akihutubia mamia ya wazaliwa wa mwezi Novemba na wadau wengine wa Mazingira


Akiongelea kuhusu maendeleo ya upandaji miti katika eneo lililotengwa, kuanzia Oktoba mpaka sasa Novemba, Mhandisi kutoka Ofisi ya Mkuu wa Mkoa, David Chitemo, alitoa tathimini kwa ujumla ya zoezi zima.

“Tumezindua zoezi hili la “Mti wangu, Birthday yangu” mwezi wa kumi, ambayo ilikuwa siku ya kuzaliwa Katibu Tawala Mkoa wa Dodoma, tulianza wa kusafisha eneo ambalo lina ukubwa wa ekari saba, eneo lote lina ekari kumi, na bado kuna ekari tatu zinazoendelea kusafishwa. Awamu ya kwanza katika uzinduzi tulipanda mita 780, iliyiohusisha miti ya matunda na miti mingine ya vivuli, tulipopata wadau wengine tuliongeza haya mashimo 492 ambayo ndio tumepanda leo. Hiyo, miti tuliyopanda mwezi wa kumi ni miti saba tu ndio iliyokufa, miti maji miwili, miembe miwili, mijohoro miwili na mzambarau mmoja. Lakini yote tulisha ‘replace’ kuweka mipya. Changamoto ni maji, tunawashukuru wote kila mmoja kwa jitihada zake na kwapamoja tutashinda. Leo tumepanda miti 492, kwasasa hakuna shimo lililobaki bila mti” alisema Chitemo.

Kwa upande wake Afisa Msaidizi uduma kwa wateja (TANESCO) Dodoma, Regina Mkalawa alitoa rai kwa watanzania kutunza mazingira kwa kubainisha faida za utunzaji miti na kutotumia nishati chafu ya kupikia kama kuni na mkaa ikiwa ni juhudi ya kuunga mkono kampeni ya matumzi ya nishati safi ya kupikia, iliyoanzishwa na Rais wa Jamhuri ya Tanzania, Dkt. Samia Suluhu Hassan.

“Sisi kama wadau, TANESCO Mkoa wa Dodoma, tumehamasika kwa kiasi kikubwa sana kwasababu tunajua umuhimu wa upandaji miti na tunajua faida za miti. Miti ni kichocheo kikubwa cha mvua, tunapokuwa tunaharibu miti yetu au misitu tunachangia kwa asilimia kubwa kutopata mvua ya kutosha. Na tunapokuwa tunapanda miti kwa wingi tunajiwekea asilimia kubwa ya mvua kunyesha.

Akizungumzia suala la nishati safi ya kupikia, aliwataka wananchi kutunza mazingira na kuacha kukata miti ovyo kwa ajili ya kuni na mkaa ambayo hupelekea changamoto ya kiafya hasa kwa akina mama wanaotumia nishati chafu ya kupikia. “Umuhimu mkubwa wa kutumia nishati safi ya kupikia kwanza inaturahisishia kazi za jikoni, mwanamke anaetumia jiko la mkaa yaani nishati chafu na anaetumia nishati safi ya kupikia tofauti yao katika muda ni kwamba mwanamke anaetumia nishati safi badala ya kutumia dakika 30 kupika chakula atatumia labda dakika 15 lakini anaetumia mkaa atatumia karibu lisaa lizima. Kwahiyo, nishati safi imesaidia kurahisisha muda ambao unaupoteza na utafanya majukumu mengine ya kimaendeleo. Changamoto ya kutumia nishati chafu ya kupikia inapunguza umri wa kuishi, mama atapuliza mkaa kwa muda mrefu atapata kifua, atapata magonjwa pia ‘life span’ inapungua, labda tunasema ‘life span’ ya mtanzania kwa sasa ni miaka 45, sasa baada ya mama kuishi miaka hiyo ataishi labda miaka 30 na yote hii ni kwasababu ya matumizi ya nishati chafu ya kupikia” alisisitiza Mkalawa.

Vilevile, mwanafunzi wa Chuo Kikuu cha Dodoma ambae pia ni mdau wa Mazingira na Katibu wa Klabu ya Mazingira Endelevu (ESCUDOM), Agape Latyandumi aliwataka wananchi kutunza na kuthamini Mazingira kwa kupanda miti ili kuepukana na majanga ya asili kutokana na hali ilivyo kwasasa ya mabadiliko ya tabia ya nchi.

“Niko hapa kuwaambia wananchi na watanzania kwa ujumla tupende kutunza Mazingira na ‘kusupport’ kampeni hii ya kupanda miti ili kukabiliana na mabadiliko ya hali ya hewa yaliyojitokeza kwa sasa. Natoa wito kwa wananchi kuwa kila mtu aliye na mti nyumbani autunze na kama hana mti inahitajika apande mti katika eneo analoishi ili kuunga mkono kampeni hii ya upandaji miti katika Mkoa wetu wa Dodoma” alisema Latyandumi.

Kampeni hii ya ‘Mti wangu, Birthday yangu’ ilizinduliwa rasmi Oktoba 18, 2024 na Mkuu wa Mkoa wa Dodoma, Rosemary Senyamule, kwenye eneo la Jakaya Kikwete Square ndani ya Chuo Kikuu cha Dodoma, yenye lengo la kuifanya Dodoma iwe ya kijani ambapo imewakutanisha wadau mbalimbali wa Mazingira, wanafunzi pamoja na wazaliwa wa mwezi Novemba. Miti 780 ilipandwa kwenye eneo la ekari saba wakati wa uzinduzi wa kampeni na mwezi Novemba jumla ya miti 492 imepandwa.

MWISHO

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more