Wananchi waliojiorodhesha Mkonze wawe Mabalozi kuhamasisha wengine

By Halmashauri ya Jiji la Dodoma

 Na. Dennis Gondwe, BWAWANI, MKONZE

WANANCHI waliojiorodhesha katika orodha ya wapiga kura wameshauriwa kuwa mabalozi ili kuhamasisha wenzao ambao hawajajiorodhesha kufanya hivyo mapema ili kuepuka foleni siku ya mwisho hatua itakayowawezesha kuchagua viongozi bora.


Mkazi wa Mtaa Bwawani, Kata ya Mkonze, Patrick Richard baada ya kujiandikisha


Rai hiyo ilitolewa na mkazi wa Mtaa Bwawani, Kata ya Mkonze, Patrick Richard muda mfupi baada ya kujiandikisha katika orodha ya wapiga kura katika kituo cha Ofisi ya Afisa Mtendaji Mtaa wa Bwawani mapema leo.

Richard alisema “mimi nimetumia muda mfupi sana, chini ya dakika moja kujiandikisha katika daftari la wapiga kura wakati nilijua nitatumia muda mrefu. Kumbe hata wakija watu 10 kwa pamoja watatumia chini ya dakika 10 kujiandikisha. Wito wangu wananchi waje kwa wingi kujiandikisha katika kituo hiki kilichopo kwenye Ofisi ya Afisa Mtendaji wa Mtaa wa Bwawani. Sisi ambao tumeshajiandikisha na kuona uandikishaji ulivyo tuwe mabalozi tuwashawishi na wengine ambao hawajajiandikisha kuja kwa sababu hawapotezi muda kabisa”.

Akiongelea lengo la kujiandikisha kwake alisema kuwa pamoja kuwa ni haki yake ya kikatiba, pia anategemea kugombea nafasi ya uongozi katika Uchaguzi wa Serikali za Mitaa. “Mfano, mimi natarajia kugombea nafasi ya mjumbe wa kamati ya mtaa. Hivyo, ninawajibu wa kuhamasisha wananchi wajitokeze kujiandikisha ili waje kushiriki katika kupiga kura kwenye Uchaguzi wa Serikali za Mitaa” alisema Richard.

Zoezi la kuandikisha wananchi katika orodha ya wapiga kura katika Halmashauri ya Jiji la Dodoma lilianza tarehe 11 Oktoba, 2024 likitarajiwa kukamilika tarehe 20 Oktoba, 2024 na Uchaguzi wa Serikali za Mitaa utafanyika tarehe 27 Novemba, 2024.


Mabango ya taarifa muhimu yalimoyandikwa katika Ofisi ya Afisa Mtendaji wa Mtaa wa Bwawani


MWISHO

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more