Viongozi bora wanachaguliwa na wananchi waliojiorodhesha

By Halmashauri ya Jiji la Dodoma

Na. Dennis Gondwe, MWAJA, CHAMWINO

VIONGOZI bora wa serikali za mitaa wanachaguliwa na wananchi waliojiandikisha katika orodha ya wapiga kura ili waweze kushiriki Uchaguzi wa Serikali za Mitaa.


Mkazi wa Mtaa wa Mwaja, Kata ya Chamwino, Josephine Joseph wakati akijiandikisha katika orodha ya wapiga kura 


Kauli hiyo ilitolewa na mkazi wa Mtaa wa Mwaja, Kata ya Chamwino, Josephine Joseph alipoongea na mwandishi wa habari hii muda mfupi baada ya kujiandikisha katika orodha ya wapiga kura katika kituo cha Shule ya Msingi Chinangali.

Joseph alisema kuwa kujiandikisha ni haki yake na haki ya kila mwananchi mwenye sifa za kujiandikisha. “Viongozi bora wa serikali za mitaa wanachaguliwa na wananchi wenyewe. Hivyo, ili uweze kumchagua kiongozi bora, sifa ya kwanza uwe umejiandikisha kwenye orodha ya wapiga kura katika mtaa wako. Bahati nzuri sifa ni za kawaida sana, kwamba awe na umri wa kuanzia miaka 18 na kuendelea, awe mtanzania mwenye akili timamu zaidi awe ni mkazi wa mtaa ambao uchaguzi unafanyika. Hii ni haki ya kila mtu mwenye sifa kujiandikisha na kushiriki uchaguzi wa serikali za mitaa” alisema Joseph.

Akiongelea tofauti ya zoezi lililopita la uboreshaji wa daftari la kudumu la wapiga kura na orodha ya wapiga kura kwa ajili ya uchaguzi wa serikali za mitaa alisema kuwa uboreshaji daftari la kudumu la wapiga kura ulilenga maandalizi ya uchaguzi mkuu wa rais, wabunge na madiwani. Orodha ya wapiga kura itahusu kumchagua mwenyekiti wa mtaa na halmashauri yake. Zoezi la uboreshaji daftari la kudumu la mpiga kura ulilenga kuboresha taarifa za watu waliohama toka sehemu moja kwenda nyingine, kupoteza kitambulisho cha mpira kura na kuandikisha watu waliofikisha miaka 18 ila orodha ya wapiga kura inahusisha wananchi wanaoishi katika mtaa husika, aliongeza.

Alisema kuwa viongozi wa serikali za mitaa ni muhimu sana katika jamii. “Viongozi hawa ndiyo wanaosaidia katika kuhamisisha shughuli za maendeleo na shughuli nyingine za kijamii kama usafi wa mazingira na utunzaji wa mazingira” alisema Joseph.

Mtaa wa Mwaja ni moja kati ya mitaa minne inayounda Kata ya Chamwino ukiwa na vituo vya kuandikisha wapiga kura vitatu.

MWISHO

 

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more