Uchaguzi wa Serikali za Mitaa Wafanyabiashara wamo

By Halmashauri ya Jiji la Dodoma

Na. Faraja Mbise, DODOMA

Wafanyabiashara Halmashauri ya Jiji la Dodoma wamehamasishwa kujitokeza kushiriki katika mchakato wa Uchaguzi wa Serikali za Mitaa kwa kujiandikisha kwenye orodha ya wapiga kura ili kupata viongozi walio bora ambao wanatambua wajibu wao ili kuwawezesha wafanyabiashara kutatua changamoto zao katika biashara.


Meneja wa Hoteli ya Spring Hills, William Mndeme akielezea umuhimu wa wafanyabiashara kushiriki Uchaguzi wa Serikali za Mitaa


Rai hiyo ilitolewa na Meneja wa Hoteli ya Spring Hills, William Mndeme alipokuwa akiongea na waandishi wa habari kuhusu umuhimu wa wafanyabiashara kujiandikisha katika orodha ya wapiga kura kwa ajili ya Uchaguzi wa Serikali za Mitaa.

Meneja Mndeme aliwashauri wafanyabiashara wa Halmashauri ya Jiji la Dodoma kuitikia wito wa kwenda kujiandikisha ili waweze kuchagua viongozi walio bora na wenye manufaa katika kukuza uchumi wa nchi. “Ili tuweze kufanya biashara vizuri, lazima tuwe na viongozi bora na viongozi wanaotambua wajibu wao, ili kuweza kutusaidia sisi wafanyabiashara pale tunapokuwa na changamoto. Hivyo, ili kupata viongozi walio bora watakaowezesha mazingira ya biashara kuwa mazuri wafanyabiashara wanawajibu wa kujiandikisha kwenye orodha ya wapiga kura ili washiriki katika uchaguzi wa viongozi wa serikali za mitaa” alisema Mndeme.

Aidha, aliipongeza Kamati ya Usimamizi wa Uchaguzi wa Serikali za Mitaa kwa hamasa ambazo zinaendelea huko mitaani kwa lengo la kuhamasisha wananchi kujitokeza kujiandikisha katika orodha ya wapiga kura katika Uchaguzi wa Serikali za Mitaa unaotarajiwa kufanyika tarehe 27 Novemba, 2024. “Zoezi la kujiandikisha linakwenda vizuri, lakini pia kila ninapopita ninaona mabango au kukutana na matangazo ya uchaguzi wa serikali za mitaa. Kwahiyo, linakwenda vizuri sijaona changamoto yeyote, ni zoezi ninaloona limeanza vizuri na linaenda vizuri, watu wanajiandikisha” alisema Mndeme.




Pia, alitoa rai kwa wafanyabiashara na wananchi wote kujitokeza kujiandikisha katika orodha ya wapiga kura kabla zoezi halifungwa. “Ninawaomba wafanyabiashara wenzangu waitikie hili kwa moyo wao mmoja kwasababu itakuwa ni faida kwetu, ningewaomba mpaka hiyo tarehe 20 wawe tayari wamejiandikisha ili tuweze kuchagua viongozi watakaotusikiliza maoni yetu. Pia ni haki ya kila mtanzania kujiandikisha, mtu aliyefikisha umri wa kupiga kura, mika 18 na kuendelea na uwe mkazi wa eneo husika, uwe raia wa Tanzania na uwe na akili timamu. Na mtu atakae jiandikisha katika eneo zaidi ya moja atakuwa amepoteza sifa za kuwa mpiga kura” alisema Mndeme.

Zoezi la kuandikisha wapiga kura katika orodha ya wapiga kura lilianza tarehe 11 Oktoba, 2024 na litaendelea hadi tarehe 20 Oktoba, 2024 na tarehe ya Uchaguzi wa Serikali za Mitaa ni 27 Novemba, 2024.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more