Sekunde chache kujiandikisha orodha ya wapiga kura

By Halmashauri ya Jiji la Dodoma

Na. Faraja Mbise, DODOMA

Urahisi wa zoezi la kujiandikisha katika orodha ya wapiga kura umekuwa kivutio kikubwa sana kwa wananchi wa Halmashauri ya Jiji la Dodoma, kujitokeza na kushiriki katika uchaguzi wa serikali za mitaa unaotarajiwa kufanyika ifikapo tarehe 27 Novemba, 2024.

Wakazi wa Halmashauri ya Jiji la Dodoma waliojitokeza kushiriki zoezi hilo la uandikishaji wameeleza urahisi wake kuwa halichukui muda mrefu.

Kwa upande wake Mariamu Paul, mkazi wa Mtaa wa Azimio, Kata ya Mpunguzi aliwashauri wananchi kujitokeza na kujiandikisha katika orodha ya wapiga kura kwasababu zoezi halichukui muda mrefu. Aliongeza kuwa ni haki yao ya msingi na inawapa fursa kubwa ya kuchagua viongozi wa serikali ya mtaa wanaowataka na kuwaasa wasisubiri kuchaguliwa na watu wengine. “Nimekuja kujiandikisha na nawashauri wananchi wengine waje. Nimetumia kama sekunde kadaa tu kwa sababu hata haizidi dakika moja kuandikishwa na haichukui hata muda wako” alisisitiza Paul.

Peter Agustino, mkazi wa Mtaa wa Kigamboni


Nae, Peter Agustino, mkazi wa Mtaa wa Kigamboni, Kata ya Kikuyu Kaskazini alimpongeza afisa muandikishaji katika Kituo cha Ofisi yaAfisa Mtendaji Kata ya Kikuyu Kaskazini kwa mapokezi mazuri, huduma nzuri wanayoitoa na lugha nzuri wanayotumia kupokea wananchi wanaoenda kuandikishwa. “Mapokezi ni mazuri, wanawakaribisha watu kwa lugha nzuri. Kiukweli nimefurahia kuhudumiwa hapa, mwandikishaji ni mkarimu mno” alisema Agustino.

Katika hatua nyingine Sylivester Bilingi, mkazi wa Mtaa wa Muungano, Kata ya Mkonze aliunga mkono juhudi za serikali katika kuhakikisha kuwa kila  mwananchi aliyekidhi vigezo vya kushiriki katika Uchaguzi wa Serikali za Mitaa anapata haki yake ya kuchagua au kuchaguliwa. Alisema, yeye kama mwananchi ataunga jitihada hizo kwa kutoa muda wake na kwenda kuwahamasisha wananchi kujitokeza kwa wingi kushiriki zoezi za kujindikisha katika orodha ya mpiga kura. “Nitaongea na mwananchi mmoja mmoja kumpatia elimu hii niliyoipata ya kujiandikisha katika orodha ya mpiga kura kwa ajili ya Uchaguzi wa Serikali za Mitaa, ili na wenyewe wapate kuelewa umuhimu wa zoezi hili kabla muda wa kujiandikisha haujafika ukomo” alisema Bilingi.

Uchaguzi wa Serikali za Mitaa unatarajiwa kufanyika tarehe 27 Novemba, 2024 utakaotoa fursa kwa mwananchi kuchagua mwenyekiti wake wa kijiji, mwenyekiti wa vitongoji vilivyomo katika eneo la kijiji, wajumbe mchanganyiko wanawake na wanaume pamoja na wajumbe wa kundi la wanawake ambao idadi yao haitakuwa chini ya theluthi moja ya wajumbe wote wa halmashauri ya kijiji.

MWISHO

 

 

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Rais Samia: Tumieni kikamilifu Miundombinu, Teknolojia na mitaji iliyowekezwa katika Kilimo, Uvuvi na Mifugo

By Halmashauri ya Jiji la Dodoma
Image
Na. Mwandishi wetu, DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan amewataka wananchi, Wizara na Taasisi zinazohusika na sekta za kilimo, mifugo na uvuvi kutumia kikamilifu miundombinu, teknolojia na mitaji iliyowekezwa na Serikali ili kuongeza tija na ushindani wa Taifa katika masoko ya ndani na nje. Akizungumza katika kilele cha Maonesho na Sherehe za wakulima, wafugaji na wavuvi (Nanenane) zilizofanyika kitaifa katika Viwanja vya Nzuguni, Rais Dkt. Samia amesema miradi ya umwagiliaji iliyokamilika na inayoendelea kutekelezwa inapaswa kusimamiwa kwa viwango bora ili kuongeza eneo la kilimo cha umwagiliaji na kukuza tija ya mavuno. Alieleza kuwa Serikali ya Awamu ya Sita imeongeza bajeti ya kilimo ili kugharamia ujenzi na ukarabati wa skimu za umwagiliaji, mabwawa na visima, pamoja na kuanzisha mashamba makubwa ya pamoja, huku upatikanaji wa mbegu bora na mbolea ya kisasa ukiimarika kupitia ruzuku na kuanzishwa kwa viwanda vya uzalishaji, hatua iliyo...
Read more