Mtoto wa kike apewe fursa ya kuongoza

By Halmashauri ya Jiji la Dodoma

Na. Faraja Mbise, DODOMA

Kuelekea kilele cha maadhimisho ya siku ya mtoto wa kike Duniani, ambayo hufanyika kila mwaka Oktoba 11, jamii imeaswa kumshirikisha mtoto wa kike katika ngazi ya uongozi tangu anapoanza kukua mpaka anapokuwa mtu mzima.




Hayo yalisemwa na Mkurugenzi wa taasisi ya Msichana Initiatives, Rebecca Gyumi alipokuwa akizungumza na wananchi wa Kata ya Lamaiti, Tarafa ya Mndemu, Wilaya ya Bahi, Mkoa wa Dodoma katika Tamasha la Msichana Amani Music Festival.

“Siku hii katika nchi yetu, tunaongozwa na kaulimbiu ya Msichana na Uongozi, Mshirikishe Wakati ni Sasa. Kupitia jukwaa letu la Agenda ya Msichana, tumeitohoa zaidi kaulimbiu yetu ya kitaifa ambapo tunasema Msichana na uongozi, kwakutumia Fursa za Kidijitali au teknolojia ya kidijitali, kwa maana ya kuangalia namna wasichana wanavyoweza kuonesha uongozi kupitia fursa mbalimbali zinazopatikana kwenye teknolojia ya kidigitali” alisema Gyumi.

Wakati akizungumza na kundi la wananchi na watoto wa kike alisema kuwa, katika kipindi hicho ambacho nchi inaelekea katika Uchaguzi wa Serikali za Mitaa na Uchaguzi Mkuu wa Rais, Wabunge na Madiwani ni vizuri kumshirikisha mtoto wa kike katika masuala ya uongozi kwa kuanza pindi tu wawapo shuleni na kwenye klabu zinazohusu masuala ya kijamii.

Kutokana na ripoti ya Jeshi la Polisi nchini Tanzania, inaonesha mwaka 2023 kulikuwa na matukio ya ukatili kwa watoto takribani 15,000 ambayo ukilinganisha na mwaka 2022 matukio yalikuwa 12,000. Kwahiyo, ni sawa na ongezeko la asilimia 25, na makosa hayo unapoyachambua ni makosa ya ubakaji 8,000, ulawiti 2,300 na mimba 1,400.

Gyumi alibainisha changamoto hizo ambazo wanakumbana nazo katika harakati za kumkomboa mtoto wa kike katika wimbi la ukatili wa kijinsia, ambalo ndio changamoto kubwa inayompelekea mtoto wa kike kushindwa kutimiza ndoto zake na kutoa rai kwa jamii kuwalinda watoto wa kike na ukatili wa kijinsia.

“Tukizungumza kuhusiana na masuala ambayo yanamfanya mtoto wa kike ashindwe kuwa kiongozi, hatuwezi kuacha kuzungumzia tamaduni, mila na desturi kandamizi. Kwasababu hatuwezi kuzungumza mtoto wa kike kuwa kiongozi wakati anaozeshwa akiwa na umri wa miaka 12” alisisitiza Gyumi kwa uchungu.

Aidha, alitoa takwimu ya Sensa ya Wat una Makazi ya mwaka 2022 inayoonesha kuwa watoto wa Tanzania ni nusu ya wananchi wote takribani Milioni 29 na kati yao milioni 14 ni watoto wa kike.

Akizungumza kwa niaba ya Mkuu wa Wilaya ya Bahi, Afisa Tarafa ya Mndemu, Isaya Matata, aliishauri jamii kumshirikisha mtoto wa kike katika kumuelimisha stadi za uongozi kwa lengo la kumuandaa kuwa kiongozi bora wa sasa na hapo baadae.

“Lengo mahususi ni kumuandaa mtoto wa kike kuwa kiongozi, tunaposema mabinti zetu wagombee nafasi za uongozi haimaanishi wagombee Uchaguzi wa Serikali za Mitaa, sababu umri wao ni mdogo, hawajafikia hapo bali wanachotakiwa kufanya ni kugombea uongozi katika maeneo yao walipo. Mfano shuleni, makanisani na hata misikitini. Sasa inahimizwa sana kwa watoto wa kike kujitokeza na kushiriki nafasi hiyo, kwa maana hiyo tunamuandaa mtoto wa kike kuwa kiongozi bora wa baadae mwenye kujiamini, kusimama mbele za watu, kuzungumza na kujenga hoja” alisisitiza Matata.

Kwa upande wake Mwalimu wa Shule ya Msingi Lukali, Mwl. Venance Kikoti, alitoa maoni yake katika kuelekea maadhimisho wa siku ya mtoto wa kike duniani kuhusu swala zima la uongozi “wanawake wana haki kama wanaume. Hivyo, washiriki katika mgawanyo wa madaraka katika kugombea” alisema Mwl. Kikoti.

Nae mwanafunzi wa Shule ya Msingi Lamaiti, Sifa Jobumuzenga, alielezea changamoto ambazo zinawafanya washindwe kujitokeza katika kugombea nafasi za uongozi “kuna changamoto nyingi za ukatili wa kijinsia kama ubakaji ni kikwazo kwahiyo tunaomba serikali ikomeshe ukatili wa kijinsia kwa watoto”.

Tamasha hilo lililoandaliwa na Msichana Initiatives lilidhaminiwa na wadau kutoka kwa taasisi na mashirika mbalimbali ya jukwaa la msichana wakiongozwa na Flaviana Matata Foundation, M Sema, Tae, Wote sawa, Young strong mothers’ foundation, na grammy. Tamasha lilipambwa na burudani mbalimbali kama nyimbo, mashairi, ngonjera na ngoma kutoka takribani shule za msingi 16 zilizopo katika tarafa ya Mndemu na vikundi vya ngoma kutoka kwa wananchi wa tarafa hiyo.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more