Mila na Desturi kandamizi mwiba kwa mtoto wa kike

By Halmashauri ya Jiji la Dodoma

Na. Faraja Mbise, DODOMA

Tanzania inaungana na mataifa mengine katika kupambana na changamoto ya mila na desturi kandamizi ambazo ni kikwazo kwa mtoto wa kike katika kutimiza ndoto zake hasa katika suala la uongozi.




Akizungumza katika maadhimisho ya siku ya mtoto wa kike Duniani yaliyofanywa na Shirika la Msichana Initiaves, jijini Dodoma, Balozi. Liberata Mulamula alisema kuwa am tot desturi kandamizi ni kikwazo kwa binti katika kuzifikia ndoto zake hasa katika uongozi.

Balozi Mulamula alisema “mila na desturi kandamizi zinamyima mtoto wa kike haki yake ya msingi ya kwenda shule kusoma. Kwahiyo, zinapunguza idadi ya wanawake kuwa viongozi. Mila na desturi kandamizi ndani ya jamii zinampa mtoto wa kike machaguzi machache ambayo yanapelekea kupoteza watoto wa kike wengi sana”.

Aidha, alisisitiza mtoto wa kike kutumia teknolojia kwa lengo la kujifunza na kuelimika hasa katika mitandao ya kijamii. Aliwataka waitumie waitumie kwa ufasaha katika kupata elimu na kuwataka kujitambua na kujiamini katika maisha akisema kuwa ndio msingi mkuu wa kuwa kiongozi bora.

“Uzuri wa teknolojia au intaneti haichagui jinsi, haina ubaguzi wa kijinsia, ni jinsi gani unaitumia kwa manufaa yako, kuongeza ujuzi wako, katika kuleta ustawi wa jamii na maendeleo ya taifa letu” alisistiza Balozi Mulamula.

Kwa upande wake Meneja miradi wa Shirika la Msichana Initiatives, Furahini Michael alizungumzia changamoto nyingi zinazomkwamisha msichana kushiriki katika kufanya maamuzi na kutaja mila na desturi kandamizi kuwa ni kikwazo kikubwa sana.

“Mila na desturi kandamizi ambazo kwa namna moja zinawatoa wasichana kwenye kushiriki nafasi mbalimbali katika kufanya maamuzi. Mfano katika ngazi ya familia, mtoto wa kike anakuwa msikilizaji na mtekelezaji tu. Kwahiyo, kutokana na hizo mila na desturi kandamizi wasichana wameachwa nyuma kwenye masuala ya uongozi” alisisitiza Furahini.

Hata hivyo, baadhi ya wadau mbalimbali wa haki za mtoto wa kike wametoa ushauri kuwa, watoto wa kike watumie teknolojia kwa matumizi sahihi na waishi maisha yao na sio kufuata maisha ya mitandaoni ambayo yatawapelekea kuua ndoto zao.

Meneja wa miradi katika Shirika la Plan International, Peter Mwakabwale alisema “kumekuwa na matumizi mabaya ya kimitandao ambayo imepelekea kuweza kuwepo na unyanyasaji kwa njia ya teknolojia, wasichana wamekuwa wakijihusisha katika mitandao kwa lengo ambalo si rafiki”.

Katika maadhimisho hayo ya siku ya mtoto duniani wadau hao walipata fursa ya kuongea na watoto wa kike kuhusiana na masuala mbalimnbali yanayohusu teknolojia na kwa namna gani wataweza kuitumia ili kufikia malengo yao na kuwasisitika kushiriki katika nafasi za uongozi pindi wawapo shuleni na katika masuala ya kijamii.

Kila mwaka tarehe 11 Oktoba, Tanzania inaungana na mataifa mengine ulimwenguni katika kuadhimisha siku ya mtoto wa kike duniani ambapo kaulimbiu kwa kwa mwaka huu 2024 ni “Msichana na Uongozi, Tumshirikishe Wakati ni Sasa”.

 MWISHO

 


Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more