Maafisa Waandikishaji Jiji la Dodoma watakiwa kufungua vituo kwa wakati

By Halmashauri ya Jiji la Dodoma

Na. Faraja Mbise, DODOMA

Maafisa waandikishaji Halmashauri ya Jiji la Dodoma wameaswa kuzingatia muda wa kufungua na kufunga vituo vya uandikishaji orodha ya wapiga kura unaotarajiwa kufanyika tarehe 11-20 Oktoba, 2024.




Wito huo ulitolewa katika mafunzo kwa maafisa waandikishaji wa Jiji la Dodoma yaliyofanyika katika ukumbi wa Mtumba Complex tarehe 08 Oktoba, 2024 na Afisa Uchaguzi Halmashauri ya Jiji la Dodoma, Albert Kasoga.

Akizungumza na maafisa waandikishaji orodha ya wapiga kura katika Uchaguzi wa Serikali za Mitaa kuzingatia muda wa kufungua  na kufunga vituo vya kujiandikisha wapiga kura ili kuongeza ufanisi katika utendaji kazi pindi wawapo katika maeneo yao ya kazi.

“Vituo vyetu kama mlivyotangaziwa vitafunguliwa saa mbili kamili asubuhi na kufungwa saa kumi na mbili jioni. Sasa isije ikatokea ukaona hakuna watu ukaweka vitabu kwenye begi ukaondoka. Sisi tunapita kukagua kila kituo na bahati nzuri kila kata, kila mtaa kuna mtu anayesimamia huo mtaa. Kwahiyo, kuna mtu atakuwa anatembea na bodaboda kukagua wewe utamuona kama muandikishwaji ila yupo” alisema Kasoga.

Aidha, aliwataka maafisa waandikishaji kutambua sifa za mtu anayepaswa kuandikishwa kwenye orodha ya daftari la mpiga kura na sifa za mpiga kura baada ya kuandikishwa.

“Kuna mambo yafuatayo lazima tuyazingatie sana, jambo la kwanza, mtu huyu ni lazima awe raia wa Tanzania, tunapoenda kufanya kazi zetu lazima tuhakikishe kwamba kuwa ni raia wa Tanzania, endapo itatokea utamuandikisha mtu ambae siyo raia wa Tanzania changamoto yake tutakwenda kwenye pingamizi na itakwenda kufanya marekebisho ya orodha ya wapiga kura. Jambo la pili, awe na miaka 18 na zaidi. Jambo la tatu ni lazima awe mkazi wa mtaa husika na lazima awe mtu mwenye akili timamu” alisisitiza Kasoga.

Kwa upande wake Mjumbe wa Kamati ya Uratibu wa Uchaguzi wa Serikali za Mitaa Halmashauri ya Jiji la Dodoma, Wakili Cosmas Nsemwa aliwaasa maafisa waandikishaji kutumia lugha nzuri yenye ukarimu pindi watoapo huduma kwa waandikishwaji katika vituo vyao vya kazi. Aliongeza kuwa wasitumie lugha ya matusi ambayo itaweza kupelekea zoezi kuharibika.




“Tuwe na lugha nzuri kwa wananchi wetu wanaokuja kujiandikisha.  Kwahiyo, kutumia hizo lugha zenye matusi na maudhi ukibainika utakuwa umefanya kosa” alisema Wakili Nsemwa.

Aidha, kwa upande wake Mjumbe wa Kamati ya Uratibu wa Uchaguzi wa Serikali za Mitaa Halmashauri ya Jiji la Dodoma, Vincent Odero, alitoa maelekezo kuhusu vifaa ambavyo vitatumika wakati wa zoezi la uandikishaji wa orodha ya wapiga kura na kuwataka maafisa waandikishaji kutunza vifaa hivyo kwasababu baada ya zoezi vitahakikiwa baada ya zoezi.

“Unapokabidhiwa vifaa vya umma na mwisho unayomaliza kuvitumia utahakikiwa. Kwahiyo, tutakapowakabidhi vifaa, tutakabidhi kwa nyaraka. Kwahiyo, tunategemea kwamba siku ambayo unakuja kuchukua vifaa, Afisa Mtendaji wa Kata husika na watu wake tutakuwa tunagawa kata kwa kata ambapo tutakuwa tunauwisha nyaraka hizo kwa kumbukumbu ya serikali na mkirejesha tutavihakiki kama vifaa vyote vipo ambavyo mmepewa na vilivyotumika. Kwahiyo, tuhakikishe vifaa vyote vinatunzwa” alisema Odero.




Zoezi la uandikishaji wa orodha ya wapiga kura litahusisha vifaa vifuatavyo, daftari la kuandikia wapiga kura, kalamu, penseli, kifutio, kibao cha wino, tisheti na kofia, mihuri na mabango ambavyo vinatarajiwa kutolewa tarehe 10 Novemba, 2024 katika ukumbi wa Halmashauri ya Jiji la Dodoma.

 MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more