KADI YA MPIGA KURA SIO LAZIMA KWENYE UCHAGUZI WA SERIKALI ZA MITAA

By Halmashauri ya Jiji la Dodoma

Na. Faraja Mbise, DODOMA

Mkuu wa Wilaya ya Dodoma, Alhaj Jabir Shekimweri, amewataka wananchi kujitokeza kwa wingi katika zoezi la kujiandikisha kwenye orodha ya mpiga kura zoezi litakalofanyika kwa muda wa siku kumi kuanzia tarehe 11- 20 Oktoba, 2024 na kusema kuwa kadi ya mpiga kura siyo kigezo cha kupigia kura.




Mkuu wa Wilaya ya Dodoma alisema hayo alipokuwa akizungumza na mamia ya watumishi wa umma na wananchi waliojitokeza katika Bonanza la kuhamasisha umma kujitokeza katika Uchaguzi wa Serikali za Mitaa katika Shule ya Sekondari Dodoma iliyopo Mtaa wa National Housing, Kata ya Makole jijini Dodoma.

Alhaj Shekimweri alisema “hakuna kadi ya mpiga kura kwenye Uchaguzi wa Serikali za Mitaa, siku ya kupiga kura unaweza kwenda na kitambulisho chochote kile kama leseni ya udereva, kadi ya mpiga kura ya uchaguzi mkuu, kadi ya bima ilimradi utambulishwe na kadi yoyote. Na kama hauna kabisa basi hata jirani yako anaeaminika kuwa ni mkazi na ana kadi husika anaweza kukutambulisha”.

Aidha, aliwataka wananchi wazingatie muda wa kujiandikisha uliowekwa ili kusiwepo na malalamiko yoyote kwasababu muda wa kuorodhesha majina katika orodha ya mpiga kura hautaongezwa. pia alisisitiza Uchaguzi wa serikali ngazi ya mitaa ni mchakato wa kidemokrasia.




“Tunategemea uandikishwaji utafanyika kwa haraka na kwa kasi. Kwahiyo, muda uliowekwa wa uandikishaji unaonekana ni mrefu tukijipanga vizuri. Ndio tukaanza na bonanza hili ili tupeane elimu tukianza na watendaji pamoja na wenyeviti wa mitaa, tunataka mtumie nguvu nyingi kadri inavyowezekana mwanzoni ili mwishoni iwe ni kumalizia” alisema Alhaj Shekimweri.

Akiongelea tofauti kati ya zoezi uboreshaji daftari la kudumu la wapiga kura na uchaguzi wa serikali za mitaa alifafanua utofauti wake. “Uboreshaji wa daftari la kudumu la mpiga kura ulihitaji mtu ambae alishashiriki uchaguzi uliopita au mpiga kura ambae hakuwampiga kura. Kwahiyo, kama ni wazamani ana kadi yake labda iliharibika au kupotea alikuwa anakwenda kuboresha taarifa zake tofauti na Uchaguzi wa Serikali za Mitaa maafisa watakaokuwa wanaandikisha hawatatumia mashine za BVR (Biometric Voters Registration) watakuwa na madaftari ya kusajili wapiga kura” aliongeza Alhaj Shekimweri.

Aidha, alipongeza timu ya Uchaguzi ikiongozwa na Msimamizi wa Uchaguzi Halmashauri ya Jiji la Dodoma, Dkt. Frederick Sagamiko, kwa kazi nzuri ya uhamasishaji wanayoendelea kuifanya tangu zoezi la kuboresha taarifa katika daftari la kudumu la mpiga kura mpaka sasa kuelekea katika zoezi la kujiandikisha katika orodha ya wapiga kura kwa ajili ya uchaguzi utakaofanyika tarehe 27 Novemba, 2024.




Bonanza la kuhamasisha umma kushiriki katika Uchaguzi wa Serikali za Mitaa liliongozwa na kaulimbiu ‘Serikali za Mitaa, Sauti ya Wananchi, Tujitokeze Kushiriki Uchaguzi’ lilihudhuriwa na watumishi mbalimbali kutoka Ofisi ya Mkuu wa Wilaya, Halmashauri ya Jiji la Dodoma, taasisi mbalimbali na mamia ya wananchi likipambwa na burudani mbalimbali kutoka kwa wanafunzi wa Shule ya Sekondari Dodoma na Chinangali, walimu wa shule za msingi na sekondari, wanamuziki kutoka Dodoma Extra Sound na Dodoma One Theatre. Michezo iliyochezwa ni mpira wa miguu, bao, drafti, kukumbiza kuku, kuvuta kamba, kukimbia na yai pamoja na kukuna nazi.

MWISHO


Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more