Elimu Sekondari yafanya usafi Kituo cha Afya Makole

By Halmashauri ya Jiji la Dodoma

Na. Dennis Gondwe, DODOMA

DIVISHENI ya Elimu Sekondari Halmashauri ya Jiji la Dodoma imeadhimisha maadhimisho ya kuelekea kilele cha miaka 60 ya Jamhuri ya Muungano wa Tanzania kwa kufanya usafi katika Kituo cha Afya Makole kwa lengo la kuwawekea mazingira safi na salama wagonjwa wanaopata huduma kituoni hapo.

Mkuu wa Divisheni ya Elimu Sekondari Halmashauri ya Jiji la Dodoma, Mwl. Zainabu Abdallah akiongea na mamia ya walimu, wanafunzi na Jumuiya ya Kituo cha Afya Makole


Kauli hiyo ilitolewa na Mkuu wa Divisheni ya Elimu Sekondari Halmashauri ya Jiji la Dodoma, Mwl. Zainabu Abdallah alipokuwa akiongea na mamia ya walimu, wanafunzi na jumuiya ya wafanyakazi wa Kituo cha Afya Makole kufanya usafi katika kituo hicho.

Mwl. Abdallah alisema “sisi Divisheni ya Elimu Sekondari katika Halmashauri ya Jiji la Dodoma tumeamua kuadhimisha maadhimisho ya kuelekea miaka 60 ya Jamhuri ya Muungano wa Tanzania kwa kufanya usafi katika Kituo cha Afya Makole. Kama mnavyofahamu Makole ni kituo cha afya cha kimkakati kinachohudumia watu wengi, tumeona ni busara kushiriki zoezi la usafi wa mazingira. Hapa tumekuja walimu na wanafunzi wa shule za sekondari zilizo karibu na kituo hiki kufanya usafi. Tunafanya usafi kwa sababu ni muhimu katika maisha yetu na tunawafundisha watoto wetu tabia ya kupenda usafi. Hospitali ni moja ya sehemu muhimu inayotakiwa kuwa safi na mazingira yakuvutia kwa wanaopata na kutoa huduma”.

Alisema kuwa zaidi ya zoezi la usafi, maadhimisho hayo yamewakutanisha walimu kwa walimu na wanafunzi kwa wanafunzi kuungana na kuwa wamoja kwa kufanya usafi wa pamoja.

Akitoa salamu za Mkuu wa Wilaya ya Dodoma, Afisa Tarafa ya Dodoma mjini, Zainabu Mabuye alisema kuwa siku hiyo imekuwa na shughuli nyingi za kijamii kuelekea kilele cha maadhimisho ya miaka 60 ya muungano wa Tanzania. “Mfano hapa Makole tunafanya usafi kwa kushirikiana na Divisheni ya Elimu Sekondari Jiji la Dodoma na walimu na wanafunzi wa sekondari. Zoezi hili pia linafanywa na Divisheni ya Elimu ya Awali na Msingi Jiji la Dodoma kule Shule ya Msingi Dodoma Mlimani na Amani kwa kupanda miti ya aina mbalimbali na baadae kufuatiwa na bonanza la michezo katika uwanja wa Shule ya Sekondari Dodoma. Pia kutakuwa na zoezi la uchangiaji damu litakaloanza muda mfupi ujao ni zoezi muhimu kwa kila mmoja wetu kushiriki” alisema Mabuye.

Mwakilishi wa Mkuu wa Wilaya ya Dodoma ambae ni Afisa Tarafa ya Dodoma mjini, Zainabu Mabuye akitoa salamu za Mkuu wa Wilaya


Alisema kuwa Ofisi ya Mkuu wa Wilaya imeandaa mkesha mkubwa katika Shule ya Msingi Makole tarehe 25 Aprili, 2024. “Nichukue nafasi hii kuwaalika wananchi wate kwenye mkesha mkubwa kesho kuanzia saa 11 jioni mpaka saa 6 usiku. Burudani mbalimbali zitakuwepo, wajasiriamali watakuwa wakionesha bidhaa zao nyama choma za kutosha, usijaribu kukosa” alisema Mabuye.

Kwa upande wa mwanafunzi wa Shule ya Sekondari Dodoma, Husna Juma alisema “Tupo hapa Kituo cha Afya Makole tunaadhimisha miaka 60 ya Muungano wa Tanzania na tumekuja kusaidia usafi ili kuboresha afya zetu, kuboresha mazingira na kupunguza hewa chafu katika anga”.



Ikumbukwe kuwa zoezi la usafi zimeratibiwa na divisheni ya elimu sekondari likijumuisha kufanya usafi katika vituo vingine vya afya vilivyopo nje kidogo ya Halmashauri ya Jiji la Dodoma.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more