Ujenzi wa Shule ya Sekondari Miyuji B waweka historia

By Halmashauri ya Jiji la Dodoma

Na. Mwandishi Wetu,

SERIKALI ya awamu ya sita inayoongozwa na Rais, Dkt. Samia Suluhu Hassan imeweka historia kwa kujenga Shule ya Sekondari Miyuji B na kuwasaidia wanafunzi waliokuwa wakitembelea umbali mrefu kufuata elimu katika Kata ya Mnadani.

Mwl. Fredrick Mwakisambwe akielezea shule ya Sekondari Miyuji B


Kauli hiyo ilitolewa na mwakilishi wa Mkuu wa Divisheni ya Elimu Sekondari, Mwl. Fredrick Mwakisambwe alipokuwa akiongea na waandishi wa habari waliotembelea shule hiyo kujionea mafanikio ya miaka mitatu ya serikali ya awamu ya sita katika Shule mpya ya Sekondari Miyuji B iliyopo Kata ya Miyuji jijini Dodoma.

Mwl. Mwakisambwe ambae pia Afisa Elimu Vifaa na Takwimu katika Halmashauri ya Jiji la Dodoma alisema kuwa shule hiyo imekamilika ikianza na wanafunzi wa kidato cha kwanza. “Ni mara ya kwanza katika hitoria ya Kata ya Miyuji kuwa na shule ya sekondari. Watoto wameteseka kwa muda mrefu kutembea umbali mrefu kufuata huduma ya elimu. Tunamshukuru sana mheshimiwa Rais, Dkt. Samia Suluhu Hassan, mwaka jana 2023 alitupatia shilingi 544,000,000 kujenga shule hii ya kisassa kabisa yenye madarasa nane, maabara tatu, jengo la utawala, jengo la TEHAMA na matundu ya vyoo” alisema Mwl. Mwakisambwe.

Akiongelea mchango wa shule hiyo katika kukuza taaluma, alisema kuwa itasaidia kuongeza kiwango cha ufaulu. “Ni jambo la kipekee kwetu sisi wasimamizi wa elimu katika Jiji la Dodoma kwasababu tulikuwa tukipata shida sana katika usimamizi wa taaluma. Lakini uwepo wa shule hii unaongeza chachu kwa watoto kuweza kusoma vizuri, utoro utapungua na utulivu kwa watoto wetu utakuwepo. Tunamshukuru sana mheshimiwa Rais kwa kipindi hiki cha miaka mitatu katujengea shule nyingi na hii ni moja wapo” alisema Mwl. Mwakisambwe kwa sauti ya shukrani.

Muonekano wa Shule ya Sekondari Miyuji B


Akiongelea faida ya kujengwa Shule mpya ya Sekondari Miyuji B, Mkuu wa Shule hiyo, Mwl. Clara Mwinshehe alisema kuwa ni ukombozi kwa wanafunzi. “Faida ya kujengwa kwa shule hii ni wanafunzi wengi walikuwa wakipata changamoto kutoka eneo hili kwenda Kata ya Mnadani umbali wa kama kilometa saba kutoka hapa. Jambo ambalo lilikuwa linasababisha watoto wakike kushindwa kumaliza masomo kwa changamoto za mimba kutokana na kutembea umbali mrefu. Tunamshukuru sana mheshimiwa Rais kwa kuleta hii shule Mtaa wa Mpamaa, Kata ya Miyuji inawanufaisha wanafunzi na watafanya vizuri zaidi kwenye masomo yao kwasababu imewapunguzia kutembelea umbali mrefu kufuata elimu. Mungu akubariki sana mama, tunakushukuru kwa miaka mitatu, tunakupongeza” alisema Mwl. Mwinshehe kwa furaha.

Kwa upande wake Mwenyekiti wa Mtaa wa Mpamaa, Happy Joshua alisema kuwa shule hiyo ni muhimu kwa wananchi wake. “Napenda kumshukuru mama yetu Samia Suluhu Hassan kwa mradi huu mkubwa wa shule ya sekondari maana katika Kata ya Miyuji hatukuwa na shule ya sekondari. Pia niwashukuru wananchi wa Mpamaa kwa kujitoa kwao katika mradi huu. Manufaa ya mradi huu ni watoto wetu hawatatembea tena umbali mrefu kufuata elimu” alisema Joshua.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more