Rais Dkt. Samia atoa shilingi 544,225,626 ujenzi shule ya Sekondari Michese

By Halmashauri ya Jiji la Dodoma

Na. Dennis Gondwe, MKONZE

RAIS, Dkt. Samia Suluhu Hassan ametoa fedha shilingi 544,225,626 kujenga Shule mpya ya Sekondari Michese ili kupunguza msongamano katika Shule ya Sekondari Mkonze na kuwapunguzia wanafunzi kutembea umbali mrefu kufuata huduma ya elimu.

Muonekano wa Shule ya Sekondari Michese


Kauli hiyo ilitolewa na mwakilishi wa Mkuu wa Divisheni ya Elimu Sekondari Halmashauri ya Jiji la Dodoma, Mwl. Fredrick Mwakisambwe alipoongoza waandishi wa habari kutembelea Shule mpya ya Sekondari Michese iliyojengwa katika Kata ya Mkonze jijini Dodoma.

Mwl. Mwakisambwe ambae ni Afisa Elimu Vifaa na Takwimu katika Halmashauri ya Jiji la Dodoma alisema “ndugu waandishi wa habari, tupo Kata ya Mkonze eneo la Michese. Eneo hili ni moja ya maeneo yaliyonufaika na kujengwa shule mpya ya sekondari. Kata ya Mkonze ina idadi kubwa ya wananchi na kwa muda mrefu ilikuwa na shule moja ya sekondari ya kata. Mwaka huu 2024 idadi ya wanafunzi waliochaguliwa kujiunga kidato cha kwanza katika kata ilikua ni wanafunzi 700. Idadi hiyo ni kubwa kuhudumiwa kwenye shule moja ya Sekondari Mkonze. Hivyo, serikali ya Dkt. Samia Suluhu Hassan imeweza kutuletea fedha shilingi 544,225,626 kujenga majengo haya yanayoonekana mazuri na ya kisasa. Madarasa nane, Maabara tatu, jengo la Maktaba, jengo la TEHAMA, jengo la Utawala na matundu ya vyoo”.

Mwl. Fredrick Mwakisambwe akielezea umuhimu wa Shule ya Sekondari Michese


Alisema kuwa shule hiyo itasaidia mazingira bora ya kujifunzia kwa wanafunzi na kufundishia kwa walimu. “Kwa kipekee kwa niaba ya Mkurugenzi wa Jiji la Dodoma na halmashauri tunashukuru sana juhudi hizi na watoto watasoma katika shule hii kwa umbali usio mrefu sana. Tunaipongeza sana serikali kwa uwekezaji huu mkubwa. Na sisi tunaahidi kusimamia taaluma katika Jiji la Dodoma ili juhudi hizi tusimuangushe mheshimiwa Rais” alisema Mwl. Mwakisambwe kwa kujiamini.

Msimamizi wa ujenzi wa Shule mpya ya Sekondari Michese, ambae ni Mkuu wa Shule ya Sekondari Mkonze, Mwl. Andrew Rumishael alisema kuwa Kata ya Mkonze ni kubwa ilihitaji shule mpya muda mrefu kwa sababu iliyopo ilizidiwa wingi wa wanafunzi. “Kulikuwa na idadi kubwa sana ya wanafunzi wanaoishi Michese waliokuwa wakitembelea kuifuata Shule ya Sekondari Mkonze. Shule hii itapunguza umbali wa karibu kilomita nane walizokuwa wakitembea wanafunzi kwenda na kurudi na kufanya wawe na nguvu ya kutulia na kusoma vizuri na hata ufaulu wao utaongezeka kwa sababu ya kupunguza umbali huo wa kutembea” alisema Mwl. Rumishael.

Aliongeza kuwa shule hiyo itasaidia kumlinda mtoto wa kike kumaliza masomo yake dhidi ya changamoto za mimba. “Shule hii itamsaidia mtoto wa kike kuzingatia masomo yake na kufikia malengo yake. Tunaishukuru sana serikali ya awamu ya sita kwa kujali elimu na kumlinda mtoto wa kike na kuhakikisha anatimiza malengo yake” alisema Mwl. Rumishael.

Kwa upande wa mkazi wa Michese Isaya Halwa alipongeza maono ya Rais ya kuboresha mazingira ya elimu kwa watoto katika Halmashauri ya Jiji la Dodoma. “Hapo awali watoto wetu walikuwa wanasoma mbali na na elimu ilikuwa shida sana. Tunamshukuru Mungu sababu ya maono na kujituma kwake kuanngalia mazingira ya wananchi wanachohitaji. Mheshimiwa Rais ameona aanze kuandaa kizazi bora cha kesho, sasa tunaona mwanga ambao hatukuwa tukiuona hapo awali” alimalizia Halwa.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more