Mradi wa Polisi Jamii "FAMILIA YANGU HAINA UHALIFU" wapokelewa vizuri Kata ya Chamwino

By Halmashauri ya Jiji la Dodoma

 

SP Dr. Ezekiel Kyogo, kutoka Makao Makuu ya Polisi, Kamisheni ya Polisi Jamii kwa kushirikiana na Afisa ushirikishwaji wa Jeshi la Polisi wa Kata ya Chamwino A/Insp. Isihaka Shabani wameshirikiana kutoa Elimu ya Mradi wa Polisi Jamii unaoitwa "Familia yangu haina Uhalifu" kwa wananchi wa Mtaa wa Mwaja (eneo la Kidongo chekundu), Kata ya Chamwino.



Wananchi wamefundishwa kuelimishwa kuepukana na uhalifu ngazi ya familia kama ifuatavyo:- 

1. Wananchi wamefundishwa ni changamoto zipi katika ngazi ya familia ambazo hupelekea Mtu kuingia kwenye uharifu lakini pia waliwakumbusha wazazi wawe mfano kwa kuonyesha tabia nzuri ili watoto waige mazuri yao.

2. Ni Muhimu sana wazazi wawe marafiki wa watoto ili kujua changamoto zao pamoja na kuwa na kauli nzuri kwa watoto ili wasikate tamaa na kuingia kwenye makundi ya uhalifu.

3. Wazazi wamehimizwa kuwajenga watoto mapema namna ya kujitegemea ili wawe na tabia ya kupenda kufanya kazi.

4. Wazazi wamekumbushwa kuwa na tabia ya kufuatilia mienendo ya watoto wao pamoja na Kukagua miili yao kuona kama wanakumbana na matendo ya ukatili.

 5. Wazazi wamekumbushwa kuenzi mila na desturi za kukaa na familia na kuwapa maadili kwa njia ya masimulizi kama ilivyokuwa zamani kwani watoto ni zawadi kutoka kwa Mungu kama visemavyo vitabu vya dini hivyo wanapaswa kulindwa.

 

Pamoja na hayo, ni wajibu wa wazazi au walezi kuhakikisha kua watoto wanapata mahitaji yao muhimu na wanawajibika kwa watoto kwani ni takwa la Sheria namba 21 ya mtoto ya mwaka 2009, hivyo Watoto wakipata malezi bora ndani ya familia basi jamii haitokua na wahalifu kabisa.


Mwisho, wananchi wa Kata ya Chamwino, wamelishukuru Jeshi la Polisi kutoka Makao Makuu, Kamisheni ya Polisi Jamii kwa Elimu waliyoitoa ili kuzuia uhalifu katika ngazi ya Familia na wamehaidi kuitumia elimu hiyo kila wakati Ili kuhakikisha hakuna matukio ya uhalifu ngazi ya Familia.

 




*#FamiliaYanguHainaUhalifu*

*#JeshiLaPolisi*

*#KataYaChamwino*

*#TheCityCouncilOfDodoma*

 

Imetolewa na Ofisi ya Afisa Mtendaji wa Kata ya Chamwino, Halmashauri ya Jiji la Dodoma

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more