LTIP Yatambua Vipande vya Ardhi 11,000 Nzega

By Halmashauri ya Jiji la Dodoma

Na Magreth Lyimo, WANMM

Mradi wa Uboreshaji Usalama wa Milki za Ardhi (LTIP) unaotekelezwa chini ya Wizara ya Ardhi, Nyumba na Maendeleo ya Makazi umetambua vipande vya ardhi takribani 11,000 katika Halmashauri ya Mji wa Nzega ikiwa lengo ni kutambua takribani vipande 20,000.

Kiongozi wa Timu inayotekeleza Mradi wa Uboreshaji Usalama wa Milki za Ardhi Bw. Nolasko Matsuva akielezea namna mradi huo unavyotekelezwa katika Halmashauri ya Mji wa Nzega Mkoani Tabora


Hayo yalisemwa Nolasko Matsuva, Kiongozi wa Timu inayotekeleza mradi huo katika halmashauri ya mji wa Nzega Mkoani Tabora wakati akielezea mafanikio yaliyopatikana wakati wa utekelezaji wa Mradi huo.

‘‘Katika Halmashauri ya Mji wa Nzega utekelezaji wa Mradi ulianza na shughuli za uwandani Desemba 5, 2023 katika Mtaa wa Maporomoko, Uwanja wa ndege, Upiriri, Ushirika, mpaka sasa tuko mtaa wa Nyasa ambapo tumetambua vipande vya ardhi takribani 11,000’’ alisema Matsuva.

Katika mwitikio wa wananchi kushiriki zoezi hilo, Matsuva amesema wamefanikiwa kutambua vipande 11,000 kwa muda mfupi kwa kuwa walipata ushirikiano mkubwa wa wananchi wa Nzega pamoja na Viongozi wao hatua ambayo imerahisisha zoezi hilo kwenda kwa kasi na ufanisi mkubwa.

Matsuva alisema wananchi wametambua umuhimu wa kupimiwa maeneo na kutoa wito kwa wakazi wa Nzega kuendelea kujitokeza kwa wingi ili kukamilisha zoezi hilo na kuhimiza kila mmiliki awepo katika eneo lake wakati wa zoezi la utambuzi ili kutoa taarifa sahihi.

‘‘Naishukuru Wizara ya Ardhi, Nyumba na Maendeleo ya Makazi kwa kuuleta mradi huu hapa Nzega, utasaidia sana kupunguza migogoro ya ardhi kwa kuwa takribani asilimia 99 ya Nzega magharibi na Nzega mashariki itakuwa imepimwa’’ alisema Matsuva.

Mmoja wa wanufaika wa mradi huo katika Halmashauri ya Mji wa Nzega amekiri kuwa mradi huo umewafikia kwa wakati muafaka na utasaidia kuongeza thamani ya maeneo yao pindi watakapomilikishwa Kisheria.

Nae Meneja wa Urasimishaji Mjini, Leons Mwenda alisema mradi huo umedhamiria kutoa takribani hati miliki 1,500,000 katika maeneo ya mjini ambapo mpaka sasa zoezi la upangaji, upimaji na umilikishaji linaendelea katika maeneo mbalimbali nchini kama Halmashauri ya Wilaya ya Chalinze, Halmashauri ya Mji wa Nzega, Halmashauri ya Manispaa ya Kahama, Shinyanga, Kigoma Ujiji na Halmashauri ya Jiji la Dodoma ambapo jumla ya vipande 50,000 vimetambuliwa katika maeneo hayo kuanzia mwezi Julai 2023 hadi Januari 2024.

Aliongeza kuwa zoezi hilo linatarajiwa kuendelezwa katika Halmashauri ya Manispaa ya Mtwara na Halmashauri ya Wilaya ya Songea na Peramiho.

Aidha, jumla ya Halmashauri 22 zinatarajiwa kuongezwa katika utekelezaji wa mradi huo ifikapo mwezi Aprili mwaka huu ambapo kazi ya upangaji, upimaji na umilikishaji zitafanywa na makampuni binafsi ili kuongeza kasi ya kumfikia kila mlengwa kwa wakati.

Mradi wa Uboreshaji Usalama wa Milki za Ardhi unatekelezwa chini ya Wizara ya Ardhi, Nyumba na Maendeleo ya Makazi kwa muda wa miaka mitano (2022 – 2027) ambapo lengo lake kuu ni kuongeza usalama wa milki za ardhi nchini.


Meneja Msaidizi wa Urasimishaji Mijini, Martin Orden akitoa elimu ya masuala ya ardhi kwa wananchi wa Mtaa wa Utemini katika Halmashauri ya Mji wa Nzega Mkoani Tabora

Afisa Mradi akichukua taarifa muhimu za umiliki kwa mkazi wa Mtaa wa Utemini katika Halmashauri ya Mji wa Nzega Mkoani Tabora wakati wa zoezi la kutambua vipande vya ardhi katika mtaa huo


Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more