Bazara la Madiwani Jiji la Dodoma lapitisha rasimu ya Mpango na Bajeti shilingi 146,287,642,299 kwa Mwaka wa Fedha 2024/2025

By Halmashauri ya Jiji la Dodoma


Na. Dennis Gondwe, DODOMA

BARAZA la Madiwani la Halmashauri ya Jiji la Dodoma limepitisha rasimu ya mapendekezo ya Mpango na Bajeti ya mwaka wa fedha 2024/2025 jumla ya shilingi 146,287,642,299.70 ikitajwa kuwa ni bajeti ya wananchi.

Mkuu wa Divisheni ya Mipango na Uratibu, Francis Kaunda akiwasilisha rasimu ya Mpango na Bajeti kwa mwaka wa fedha 2024/2025


Akiwasilisha kwa niaba ya Mkurugenzi wa Jiji la Dodoma mapendekezo ya rasimu ya Mpango na Bajeti kwa mwaka wa fedha 2024/2025 katika Mkutano wa Baraza la Madiwani la Halmashauri ya Jiji la Dodoma Mkuu wa Divisheni ya Mipango na Uratibu, Francis Kaunda alisema kuwa bajeti hiyo imelenga kutatua changamoto za wananchi.

“Mheshimiwa Mwenyekiti, mapendekezo ya rasimu ya Mpango na Bajeti ya Halmasahuri ya Jiji la Dodoma kwa mwaka wa fedha 2024/2025 ni jumla ya shilingi 146,287,642,299.70. Kati ya fedha hizo, shilingi 58,521,926,299.70 ni mapato ya ndani, shilingi 73,852,812,000 ni ruzuku ya mishahara, shilingi 1,168,778,000 ruzuku ya matumizi mengineyo na shilingi 12,744,126,000 ni ruzuku ya miradi ya maendeleo. Hivyo, bajeti ya mwaka wa fedha 2024/2025 imeongezeka kwa 14.4% ukilinganisha na bajeti ya mwaka wa fedha 2023/2024” alisema Kaunda. 

Mwenyekiti wa mkutano huo ambae ni Mstahiki Meya wa Halmashauri ya Jiji la Dodoma, Prof. Davis Mwamfupe alisema kuwa bajeti hiyo imemlenga mwananchi wa kawaida moja kwa moja. “Ndiyo maana tukaweka mkazo mkubwa katika sekta ya elimu na sekta ya afya. Mfano katika elimu ya msingi tumeweza kuongeza vyumba vya madarasa 76, katika sekondari maabara 15 zimekamilika mpaka sasa. Katika miradi tumejikita zaidi kuhakikisha miradi viporo ndiyo inakuwa ya kipaumbele ili kuunga juhudi za wananchi katika maeneo ya pembezoni mwa halmashauri yetu” alisema Prof. Mwamfupe.

Kaimu Mkurugenzi wa Halmashauri ya Jiji la Dodoma, Maduhu Ilanga alisema kuwa timu yake ya wataalam imejipanga vizuri kutekeleza bajeti hiyo. “Mheshimiwa Mwenyekiti nikuhakikishie kwamba tumejipanga, tupo na timu nzuri ya wakuu wa divisheni na vitengo pamoja na watendaji wengine. Bahati nzuri tumejipangia malengo na tumepeana mikataba. Kwa hiyo nikuhakikishie kilichopitishwa na baraza lako na ushauri uliotolewa tutakwenda kuutekeleza kwa weledi mkubwa. Tutakusanya kila shilingi ambayo tumeipitisha kwa weledi. Tutakusanya kwa kuwapa elimu wananchi ili walipe kodi wakielewa haya ndiyo maendeleo yao” alisema Ilanga.

Akichangia katika rasimu hiyo, Diwani wa Kata ya Chang’ombe, Bakari Fundikira aliitaja bajeti hiyo kuwa inagusa wananchi moja kwa moja. “Mimi niwashukuru wataalam wetu kutuandalia rasimu ya bajeti hii nzuri, kupitia vikao vyetu mbalimbali madiwani walishauri maeneo kadhaa na kuelekeza fedha ziende kwenye miradi ya maendeleo inayogusa wananchi moja kwa moja. Kufanya hivyo, tutahakikisha kero katika kata zinatatuliwa katika mwaka wa fedha 2024/2025” alisema Fundikira.

Kwa upande wake, Diwani wa Kata ya Kilimani, Neema Mwaluko alisema bajeti ni nzuri nakusisitiza ukusanyaji wa mapato ili kuitekeleza bajeti hiyo. “Mheshimiwa Mwenyekiti kupanga bajeti ni kitu kingine na utekelezaji ni kitu kingine. Waswahili wanasema kidole kimoja hakivunji chawa, ili tukaitekeleza bajeti hii vizuri ndugu madiwani na wataalam twende tukaungane ili tuweze kukusanya mapato yatakayoweza kutekeleza bajeti hii” alisisitiza Mwaluko.

 


MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more