KAMATI YA SIASA WILAYA YA DODOMA YAPONGEZA UJENZI KITUO CHA AFYA ILAZO

By Halmashauri ya Jiji la Dodoma

 

NA. Dennis Gondwe, ILAZO

KAMATI ya Siasa ya Wilaya ya Dodoma imeridhishwa na hatua ya ujenzi wa Kituo cha Afya Ilazo unaoendelea na kusema kuwa wilaya inaoga maendeleo.

Wajumbe wa Kamati ya Siasa Wilaya ya Dodoma wakikagua ujenzi wa Kituo cha Afya Ilazo


Kauli hiyo ilitolewa na Mwenyekiti wa Chama Cha Mapinduzi (CCM) Wilaya ya Dodoma, Charles Mamba alipoongoza Kamati ya Siasa Wilaya ya Dodoma kutembelea na kukagua maendeleo ya ujenzi wa Kituo cha Afya Ilazo kinachojengwa jijini Dodoma.

Mamba alisema “nianze kwa kumshukuru Rais, Dkt. Samia Suluhu Hassan kwa kuitendea mema Dodoma hasa Halmashauri ya Jiji la Dodoma. Sisi tunaoga maendeleo. Kata ya Nzuguni, Ipagala na kata za jirani. Mradi huu ni wenu na ni jukumu lenu kuutunza ili uwe endelevu”.

Kwa upande wake Mwenyekiti wa Umoja wa Vijana wa Chama cha Mapinduzi Wilaya ya Dodoma, Shaban Shaban alisema kuwa wasimamiz wa ujenzi wa Kituo cha Afya Ilazo wapo makini. “Kwa jinsi tulivyoukagua tu mradi tumeona kuta zimenyooka vizuri na msingi umejengwa kwa kiwango bora kabisa. Mheshimiwa Rais, anapotoa fedha anataka kuona zinatumika vizuri. Bila usimamizi mzuri hatuwezi pata kilichokusudiwa. Pongezi kwa usimamizi wako Mkuu wa Wilaya ya Dodoma, sisi kama vijana tutarudi hapa kwa sababu vijana wa CCM hii ndo miradi ya kutembelea kwenye kata. Umoja wa vijana wa CCM hizi ndizo kazi zetu kusimamia na uadilifu” alisema Shaban.

Akisoma taarifa ya mradi wa ujenzi wa Kituo cha Afya Ilazo, Mwakilishi wa Mkuu wa Divisheni ya Afya, Ustawi wa Jamii na Lishe Halmashauri ya Jiji la Dodoma, Goodluck Magoti alisema kuwa lengo la ujenzi wa kituo hicho ni kuboresha huduma za mama na mtoto na huduma za upasuaji.

Mwakilishi wa Mkuu wa Divisheni ya Afya, Ustawi wa Jamii na Lishe Halmashauri ya Jiji la Dodoma, Goodluck Magoti


Alisema kuwa jengo la mama na mtoto ujenzi wa lenta umekamilika. “Jengo la wagonjwa wa nje jamvi limekamilika hatua ya kupandisha kuta inafuata. Jengo la Maabara lipo kwenye hatua ya kufunga lenta. Jengo la wodi ya wazazi, jamvi limekamilika hatua inayofuata ni kupandisha kuta. Majengo mengine ni la upasuaji lipo kwenye hatua ya upangaji mawe. Jengo la kuhifadhia maiti lipo kwenye hatua ya lenta na jengo la kufulia lipo kwenye hatua ya lenta” alisema Magoti.

Aliongeza kuwa halmashauri imepokea baadhi ya vifaa tiba kwa ajili ya kituo hicho. Alivitaja vifaa hivyo kuwa ni vifaa vya chumba cha upasuaji na majenereta mawili.

Mkuu wa Wilaya ya Dodoma, Alhaj Jabir Shekimweri akisisitiza jambo

Nae Mkuu wa Wilaya ya Dodoma, Alhaj Jabir Shekimweri alisema kuwa kituo hicho kitakuwa kikubwa chenye hadhi ya hospitali ya wilaya. Alisema kuwa ujenzi wa kituo hicho ni matokeo ya ziara za Rais, Dkt. Samia Suluhu Hassan nje ya nchi na kukuza diplomasia ya kiuchumi.


Ikumbukwe kuwa Kituo cha Afya Ilazo kinajengwa na Mkandarasi Salem Construction Ltd kwa gharama ya shilingi 2,800,000,000 chini ya ufadhili wa KOICA kupitia Shirika la kuhudumia Watoto UNICEF kikitarajia kuhudumia wananchi 99,743 wa Kata ya Nzuguni na Ipagala.

MWISHO

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more