WANANCHI KATA YA CHAMWINO WASHIRIKI USAFI WA PAMOJA

By Halmashauri ya Jiji la Dodoma

Na. Dennis Gondwe, DODOMA

WANANCHI wa Kata ya Chamwino wajitokeza kushiriki usafi wa Mazingira wa kila Jumamosi kwa lengo la kuweka Mazingira safi yanayowazunguka na kujiepusha magonjwa yanayosababishwa na uchafu wa Mazingira.



Akiongelea lengo la wananchi wa kata hiyo kufanya usafi wa pamoja wa Mazingira, Afisa Mtendaji wa Kata ya Chamwino, Lucas Nkelege alisema kuwa ni kuhakikisha Mazingira ya kata hiyo yanakuwa safi. “Kata ya Chamwino, usafi ni tabia yetu. Muitikio wa wananchi kujitokeza kushiriki katika usafi wa pamoja ni mkubwa unaolenga kuweka Mazingira safi. Muitikio huo pia ni utekelezaji wa maagizo ya viongozi wetu kuelekeza tufanye usafi wa Mazingira ili kujihakikishia Mazingira safi na kuepuka magonjwa yanayotokana na uchafu wa Mazingira” alisema Nkelege.

Alisema kuwa usafi ulifanyika katika maeneo mbalimbali ukijumuisha usafi wa mitaro ya maji ya mvua, maeneo ya biashara na maeneo ya makazi. “Maeneo haya ni muhimu kwa sababu yanatumiwa na wananchi wengi kupata huduma” aliongeza.

Akiongelea mitaa iliyoshiriki zoezi la usafi katika kata hiyo aliitaja kuwa ni Mtaa wa Mwaja, Mailimbili, Sokoine na Nduka, . “Mtaa wa Mwaja usafi wa pamoja ulifanyika katika Shule ya Msingi Chinangali ukihusisha kuzibua na kuondoa mchanga uliofunika mitaro. Pia zoezi la kufyeka vichaka vinavyozunguka eleo la shule ili kuwahakikishia wananfunzi na walimu Mazingira safi na salama.  Kwa Mtaa wa Mailimbili, usafi wa pamoja ulifanyika katika korongo ukihusisha kutoa taka ngumu kama makopo, mifuko ya plastiki na kufyeka vichaka na nyasi zilizoota ndani ya korongo” alisema Nkelege.

Mitaa mingine iliyofanya usafi wa pamoja ni Sokoine na Nduka. “Mtaa wa Sokoine, usafi ulifanyika katika mtaro wa barabara ya Sokoine kuelekea Hoteli ya Okaone ukihusisha kutoa taka ngumu kama makopo na mifuko ya plastiki iliyozagaa ndani ya mtaro. Mtaa wa Nduka usafi wa jumla ulifanyika katika eneo la wazi maarufu kwa Kimbinyiko ukihusisha kufyeka vichaka na nyasi katika eneo hilo” alisema Nkelege.

Viongozi walioshiriki zoezi la usafi wa pamoja ni Afisa Mtendaji Kata, Maafisa Watendaji wa Mitaa na Mwenyeviti wa Mitaa.





MWISHO

 


Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more