Lishe bora yahamasishwa Kliniki ya Magonjwa Yasiyoambukiza Nyerere Square

By Halmashauri ya Jiji la Dodoma

Na. Nancy Kivuyo, DODOMA

Mamia ya wananchi wamejitokeza kupima afya zao katika kliniki maalum ya magonjwa yasiyoambukiza ikiwa ni sehemu ya kampeni ya kuongeza uelewa kuhusu uchunguzi wa mapema, lishe bora na kuzuia magonjwa yanayoendelea kuongezeka nchini.




Taarifa hiyo ilitolewa na Daktari Bingwa wa Afya ya Jamii, Dr. Peter Daud alipokuwa akizungumza na waandishi wa habari katika bustani ya mapumziko Nyerere Square ambapo maadhimisho ya wiki ya Upimaji Magonjwa yasiyoambukiza yakitamatika.

Dr. Daud alisema kuwa mwamko mkubwa ulioonekana ni ishara kuwa elimu ya lishe na uchunguzi wa mapema inawafikia wananchi kwa ufanisi.
“Sehemu kubwa ya magonjwa yasiyoambukiza inahusiana na lishe. Tunawahimiza wananchi kupunguza vyakula vyenye mafuta mengi, kula kwa uwiano sahihi na kufanya mazoezi. Hii ni kinga muhimu sana” alisema Dr. Daud.

Aliongeza kwa kutoa wito kuwa wananchi waache tabia bwete kwa kuhakikisha wanafanya mazoezi, kutembea umbali mdogo kwaajili ya kuweka mwili na misuli timamu ili kukwepa maradhi yasiyo ya lazima.

Kwa upande wake, Afisa Muuguzi kutoka Kituo cha Afya Makole, Mwendwa Galahenga alisema kuwa kliniki za wazi kama hizo zinawapa wananchi fursa ya kupata elimu ya lishe kila wanapoenda kupima.
“Watu wengi leo wamegundua kuwa ongezeko la uzito na shinikizo la damu linatokana na ulaji usio sahihi. Tunawaelekeza nini kile wanachopaswa kubadilisha kwenye mlo wa kila siku ili wawe na uzito sahihi. Ni jukumu letu sisi wataalam lakini pia wananchi kuwa na mazoea ya kutembelea hospitali, vituo vya afya, kiliniki kama hizi kwasababu watajifunza mambo mzuri na yenye tija kuhusiana na lishe bora” alieleza.




Katika hatua nyingine, Dr. Zaituni Mgaza, Daktari Bingwa wa Magonjwa ya Wanawake alisema kuwa upatikanaji wa elimu ya lishe ni nguzo muhimu katika kupunguza hatari ya saratani na magonjwa mengine kwa wanawake. “Lishe bora ni ngao ya kwanza ya afya. Wanawake wakipata elimu sahihi kuhusu nini wanapaswa kula, muda gani wale na namna ya kuchagua vyakula salama tunapunguza maradufu hatari za magonjwa yanayoweza kuzuilika” alisema.

Miongoni mwa waliopata huduma, Joyce Wikezi aliyefanyiwa uchunguzi wa saratani ya matiti na mlango wa kizazi alisema kuwa kliniki hiyo imempa nafasi ya kujitokeza kupima magonjwa hayo kabla hajaenda kwenye ngazi zingine. “Nimepata pia elimu ya lishe, jambo ambalo sikuwahi kulielewa vizuri. Wamenifundisha umuhimu wa kula kwa uwiano na kuepuka vyakula vinavyoongeza hatari ya saratani. Nimejifunza mengi” alisema Joyce kwa shukrani.

Kliniki hiyo ilianza tangu tarehe 12 Novemba na kuhitimishwa leo tarehe 14 Novemba, 2025 ambapo wananchi wamepata fursa ya kupima shinikizo la damu, kiwango cha sukari, uzito na urefu, uchunguzi wa magonjwa ya moyo pamoja na ushauri wa kina kuhusu lishe ikiwa ni pamoja na matumizi sahihi ya mbogamboga, matunda, ulaji wa vyakula visivyo na mafuta mengi, pamoja na kupunguza sukari na chumvi.

MWISHO

 

 

 

Comments

Post a Comment

Popular Posts

Agenda ya Lishe yaongeza Ari ya usomaji S/M Dodoma Makulu

By Halmashauri ya Jiji la Dodoma
Image
Na. Abdul Iddi, DODOMA MAKULU Shule ya Msingi Dodoma Makulu imeshukuru agenda ya Rais, Dkt. Samia Suluhu Hassan ya lishe shuleni kwa sababu inawaongezea ari ya kusoma na kupata matokeo yanayokusudiwa. Shukrani hiyo ilitolewa na Mwalimu wa Lishe, Rehema Kalinga alipokuwa akiongea na waandishi wa Habari waliotembelea shule ya msingi Dodoma makulu kujionea hali ya lishe kwa wanafunzi shuleni hapo. Alisema kuwa shule yake inazingatia ajenda ya Lishe kwa kuwapa wanafunzi wote kuanzi awali mpaka darasa la Saba uji. Darasa la Nne na la Saba kupata chakula cha mchana. “Toka ajenda hii kuanza kutekelezwa, tumeanza kuona matokeo Chanya. Kwanza kwakupunguza utoro, pia watoto darasani wanafundishika” alisema Mwl. Kalinga. Aidha, alitoa pongezi kwa wazazi kwa kusikiliza ajenda ya Lishe na kuitekeleza bila kusuasua kwasababu waliweza kutoa mchango kwa kiasi walicho kubaliana na kamati ya wazazi wa shule hiyo. “Muitikio ni mkubwa kwasababu watoto wote katika Shule ya Dodoma Makulu wanapata uji ...
Read more

Miaka minne ya Dkt. Samia, Kizota yanufaika mikopo ya asilimia 10

By Halmashauri ya Jiji la Dodoma
Na. Coletha Charles, KIZOTA Wananchi wa Kata ya Kizota, Halmashauri ya Jiji la Dodoma waeleza kunufaika na mikopo ya asilimia 10 inayotolewa na halmashauri kwa makundi ya wanawake, vijana, na watu wenye ulemavu, ikiwa ni hatua ya kuinua maisha yao kiuchumi na kuimarisha shughuli zao za ujasiriamali.   Kauli hiyo ilitolewa na Afisa Maendeleo ya Jamii wa Kata ya Kizota, Theresia Ntui alipokuwa akiongelea mikopo ya vikundi vya wanawake, vijana na watu wenye ulemavu kwa kipindi cha miaka minne ya serikali ya awamu ya sita. Alisema kuwa tangu kuanza kwa utolewaji mikopo ya asilimia 10 katika awamu ya sita ya Rais, Dkt. Samia, Kata ya Kizota imenufaika kwa jumla ya shilingi 410,000,000 zilizotolewa kwa vikundi mbalimbali vya kijamii. Alisema kuwa katika fedha hizo, vikundi 28 vya wanawake vilipokea shilingi milioni 192, vikundi 16 vya vijana vilipewa shilingi milioni 164, na vikundi vitano vya watu wenye ulemavu vilipata shilingi milioni 49. “Mikopo hii ni yenye masharti nafuu, h...
Read more

Halmashauri ya Jiji la Dodoma Kuhudumia Majimbo Mawili ya Uchaguzi

By Halmashauri ya Jiji la Dodoma
Image
Na. Faraja Mbise, DODOMA Halmashauri ya Jiji la Dodoma imejipanga vema kutoa huduma kwa wananchi wote kwa kuzingatia mgawanyo wa Jimbo la Dodoma Mjini wenye mapendekezo ya kuligawa jimbo hilo kuwa Jimbo la Mtumba lenye jumla ya kata 20 na Jimbo la Dodoma Mjini lenye kata 21. Kauli hiyo ilitolewa na Mkurugenzi wa Jiji la Dodoma, Dkt. Frederick Sagamiko, mara baada ya majadiliano kutoka kwa Madiwani kuhusu taarifa iliyowasilishwa na Afisa Uchaguzi Halmashauri ya Jiji la Dodoma, Albert Kasoga ya kuwasilisha mapendekezo ya mgawanyo wa Jimbo la Dodoma Mjini, katika Mkutano maalum wa Baraza la Madiwani lililofanyika tarehe 12 Machi, 2025 katika Ukumbi wa Mikutano wa Halmashauri ya Jiji la Dodoma. Dkt. Sagamiko alisema “mgawanyo huu kwa sasa unalenga mgawanyo wa jimbo kuwa majimbo mawili, bado tutaendelea kuwa na halmashauri moja kwa maana ya utoaji huduma kwa ngazi ya Halmashauri ya Jiji la Dodoma. Jiji litaendelea kuwajibika katika utoaji wa huduma katika majimbo yote mawili”. Akizung...
Read more