Watahiniwa 19,176 Darasa IV kupimwa Jiji la Dodoma

By Halmashauri ya Jiji la Dodoma

Na. Nancy Kivuyo, DODOMA

Maandalizi ya Mtihani wa Upimaji Kitaifa kwa Darasa la Nne (SFNA) utakaofanyika tarehe 22-23 Oktoba, 2025 yamekamilika ambapo Halmashauri ya Jiji la Dodoma yenye shule 174 kati ya shule 188 za msingi zitashiriki kufanya mtihani huo.



Mkuu wa Divisheni ya Elimu ya Awali na Msingi, Mwl. Prisca Myalla alisema kuwa kati ya watahiniwa 19,176 wasichana ni 9,654 sawa na asilimia 50.4 huku wavulana wakiwa 9,522 ambao sawa na asilimia 49.6

Aliongeza kuwa maandalizi yote yamekamilika na miundombinu ni rafiki kwa watahiniwa wote. “Maandalizi yamekamilika, tunasubiri muda ufike ili watahiniwa wetu wafanye mitihani yao vizuri bila changamoto yoyote. Vituo vyote vitakavyotumiwa ni salama kabisa kwa mantiki hiyo niwakumbushe wazazi kuwaandaa watahiniwa vizuri lakini pia nao walengwa wajiandae” alisema Mwl. Myalla.

Nae, Mkurugenzi wa Halmashauri ya Jiji la Dodoma, Dkt. Frederick Sagamiko aliwatakia heri na baraka watahiniwa wote wa mtihani huo. Aidha, aliwataka walimu kutekeleza jukumu la kitaifa kwa kuzingatia sheria, kanuni, taratibu na miongozo iliyopo ili kulifanya zoezi hilo kukamilika kwa weledi.



Shule 14 ambazo hazitashiriki katika mtihani huo ni shule zenye madarasa ya awali na shikizi ambazo zilijengwa karibu na makazi ya wananchi ili kuwapunguzia wanafunzi kutembea umbali mrefu kufuata elimu.

MWISHO

Comments

Post a Comment

Popular Posts

Agenda ya Lishe yaongeza Ari ya usomaji S/M Dodoma Makulu

By Halmashauri ya Jiji la Dodoma
Image
Na. Abdul Iddi, DODOMA MAKULU Shule ya Msingi Dodoma Makulu imeshukuru agenda ya Rais, Dkt. Samia Suluhu Hassan ya lishe shuleni kwa sababu inawaongezea ari ya kusoma na kupata matokeo yanayokusudiwa. Shukrani hiyo ilitolewa na Mwalimu wa Lishe, Rehema Kalinga alipokuwa akiongea na waandishi wa Habari waliotembelea shule ya msingi Dodoma makulu kujionea hali ya lishe kwa wanafunzi shuleni hapo. Alisema kuwa shule yake inazingatia ajenda ya Lishe kwa kuwapa wanafunzi wote kuanzi awali mpaka darasa la Saba uji. Darasa la Nne na la Saba kupata chakula cha mchana. “Toka ajenda hii kuanza kutekelezwa, tumeanza kuona matokeo Chanya. Kwanza kwakupunguza utoro, pia watoto darasani wanafundishika” alisema Mwl. Kalinga. Aidha, alitoa pongezi kwa wazazi kwa kusikiliza ajenda ya Lishe na kuitekeleza bila kusuasua kwasababu waliweza kutoa mchango kwa kiasi walicho kubaliana na kamati ya wazazi wa shule hiyo. “Muitikio ni mkubwa kwasababu watoto wote katika Shule ya Dodoma Makulu wanapata uji ...
Read more

Wananchi watakiwa kuwa msitari wa mbele kupinga ukatili

By Halmashauri ya Jiji la Dodoma
Na. Coletha Charles, CHAMWINO Wakazi wa Kata ya Chamwino, Halmashauri ya Jiji la Dodoma walipewa elimu dhidi ya ukatili wa kijinsia na malezi bora ambayo imetolewa katika Ofisi ya Afisa Mtaa wa Mwaja kwa lengo la kuwajengea uwezo wa kutambua yanayoendelea kwenye jamii.   Akizungumza na wakazi wa eneo hilo, Mratibu wa Jinsia na Watoto, Fatuma Kitojo amewataka wazazi hao kuwa walezi bora kwa watoto wao na kutowatamkia maneno mabaya ambayo yanawakatili kisaikolojia ili wakubalike na jamii inayo wazunguka. Kitojo alisema kuwa ni muhimu kwa wazazi kuelewa kwamba maneno wanayosema yanaweza kuwa na athari kubwa kwa maendeleo ya watoto kihisia, kujitambua, na uhusiano mzuri na Watoto wengine. “Watoto wetu wanatupenda sana na wanapenda kuona sisi tunafanikiwa ni kweli tuna shughuli nyingi tunakimbizana na muda na maisha kwa sababu za hali za kiuchumi na mabadiliko ya sayansi na teknolojia. lakini tunajua kwa asili mwanamke ndiyo mlezi namba moja. Kwahiyo tunatakiwa tutenge mda wa ...
Read more

SERIKALI YAPONGEZWA KUTOA FEDHA UJENZI WA DODOMA ENGLISH MEDIUM

By Halmashauri ya Jiji la Dodoma
Image
Na. Dennis Gondwe, IPAGALA KIONGOZI wa mbio za Mwenge wa Uhuru mwaka 2023, Abdalla Shaib Kaim ameipongeza serikali ya awamu ya sita ya Jamhuri ya Muungano wa Tanzania kwa kutoa fedha za kutekeleza miradi ya maendeleo ikiwemo elimu nchini. Pongezi hizo alizitoa alipoongoza Mwenge wa Uhuru mwaka 2023 kutembelea, kukagua na kuweka jiwe la msingi ujenzi wa Shule ya Awali na Msingi ya Dodoma English Medium katika Kata ya Ipagala jijini Dodoma. Kaim alisema “niipongeze serikali ya awamu ya sita kwa kazi kubwa inayofanya ikiwa ni pamoja na kutenga na kutoa fedha nyingi za kutekeleza miradi ya maendeleo. Tumejiridhisha na nyaraka za mradi huu baada ya kuzikagua zipo vizuri sambamba na mradi nikiri mpaka hatua hii kazi kubwa na nzuri imefanyika. Mbio za Mwenge wa Uhuru mwaka 2023 tumeridhia uwekaji jiwe la msingi” alisema Kaim. Akisoma taarifa ya ujenzi wa Shule ya Awali na Msingi ya Dodoma English medium kwa kiongozi wa mbio za Mwenge wa Uhuru kitaifa Mkuu wa Divisheni ya Elimu ya Awal...
Read more