Shule ya Sekondari ya Bil. 3.9 kujengwa Kata ya Chahwa

By Halmashauri ya Jiji la Dodoma

Na. Emanuel Charles, CHAHWA

Hafla ya kusaini Mkataba wa Ujenzi wa Shule ya Sekondari Chahwa wenye thamani ya shilingi bilioni 3.9 baina ya Mkurugenzi wa Jiji la Dodoma na Mkandarasi kutoka Gopa contractors Tanzanian Limited imefanyika katika Kata ya Chahwa ukilenga kusogeza huduma ya elimu karibu na wananchi.

Mradi huo unatekelezwa kwa mapato ya ndani ya Halmashauri ya Jiji la Dodoma ukiwa ni ujenzi wa shule ya ghorofa nne yenye madarasa 12, maktaba pamoja na maabara nne, chumba cha TEHAMA na jengo la utawala na unatarajiwa kukamilika ndani ya mwaka mmoja.

Akizungumza katika utiaji saini wa ujenzi wa shule hiyo Mbunge wa Jimbo la Dodoma Mjini, Anthony Mavunde alitoa pongezi kwa serikali kwa kuendelea kuboresha sekta ya elimu na kuleta miradi mikubwa katika maeneo ya nje ya Mji wa Dodoma. “Tunamshukuru sana Mheshimiwa Rais kwa mradi huu mkubwa kwasababu unaenda kuleta mapinduzi makubwa katika sekta ya elimu, ndugu zangu ni wakati sasa maeneo ya pembezoni mwa Jiji la Dodoma yanufaike na miradi mikubwa kama ilivyokuwa mjini. Tunatamani kuwaona watoto wa Dodoma na Kata ya Chahwa wanayatumia majengo haya kwaajili ya kupata elimu ili waje kuisaidia jamii ya watanzania hiyo ndio imani yetu kubwa na ndio sababu tunasogeza huduma hii” alisema Mavunde.

Aidha, aliongezea kwa kuwaomba wazazi wa Kata ya Chahwa kuwahamasisha watoto wao kusoma kwasababu majengo ambayo yatajengwa sio mapambo bali yatumike katika kutoa elimu. “Haya majengo sio mapambo ndugu zangu tumejenga vyuo vingi ndani ya Mkoa wa Dodoma lakini wanaosoma wengi hawatoki katika mkoa wa Dodoma. Hivyo, basi sisi kama viongozi tunatamani kuwaona watoto wa Dodoma wanatumia miradi hii ya elimu kwasababu Rais wa Jamhuri ya Muungano wa Tanzania anafanya kazi kubwa sana katika sekta ya elimu hivyo basi wazazi muwahamasishe watoto ili waweze kupata elimu” aliongeza Mavunde.

Nae, Mstahiki Meya wa Jiji la Dodoma, Prof. Davis Mwamfupe aliwaasa wananchi wa Chahwa kupendana na kuheshimu taratibu ambazo zimewekwa na serikali ya Jamhuri ya Muungano wa Tanzania ili kuweza kuondoa tofauti baina yao. Pia alipongeza Baraza la Madiwani kwa kupitisha bajeti hiyo kwaajili ya ujenzi wa Shule ya Sekondari Chahwa. “Nalishukuru Baraza la Madiwani kwa mkazo uliopo kuhakikisha mapato yanakusanywa na kufikia bilioni 3 ambazo kwa halmashauri nyingine ni bajeti yao ya mwaka lakini sisi Halmashauri ya Jiji la Dodoma bajeti hiyo ambayo kwao ni ya mwaka kwetu itatumika kujenge shule ya sekondari Chahwa. Hivyo basi tutumie fursa hii kuwaleta watoto wetu waje kusoma katika shule hizi” alisema Prof. Mwamfupe.

Halikadhalika Diwani wa Kata ya Chahwa, Sospeter Mazengo aliipongeza serikali kwa kuendelea kuipa kipaumbele sekta ya elimu na kuruhusu mradi huo mkubwa wa shule kujengwa katika Kata ya Chahwa. “Sisi wana Chahwa hii ni fursa kubwa sana kiuchumi na kielimu kwasababu kupitia mradi huu wananchi tutanufaika. Pia niwapongeze viongozi wa Halmashauri ya Jiji la Dodoma kwa kuona sisi wana Chahwa tunastahili kuwa na mradi huu mkubwa wa shule ya sekondari wenye thamani ya shilingi bilioni 3.9” alipongeza Mazengo.

MWISHO

Comments

Post a Comment

Popular Posts

Jiji la Dodoma lapewa angalizo lishe bora kwa wananchi

By Halmashauri ya Jiji la Dodoma
Image
Na. Nancy Kivuyo, DODOMA Katibu Tawala Mkoa wa Singida, ametembelea banda la Halmashauri ya Jiji la Dodoma na kuelezwa shughuli zinazotolewa katika banda hilo kwa upande wa Divisheni ya Kilimo Mjini. Alielezwa kuwa Kilimo Mjini kinahusiana na kilimo cha kisasa kinachojikita katika mbogamboga na matunda kutokana na ufinyu wa maeneo ya mjini wanapoishi wakulima. Afisa Kilimo katika Halmashauri ya Jiji la Dodoma, Athumani Mpanda alieleza kuwa wakulima wanapaswa kutumia maeneo yao madogo waliyonayo kwaajili ya bustani kiroba. “Hizi bustani kiroba tunazitumia kupanda mbogamboga ambazo familia itatumia na hii ni kwasababu kama una kiroba cha kustawisha maua ambayo huyatumii ni vizuri kutumia kuotesha mboga mboga ambazo zitajumuisha lishe na kupendezesha mazingira yetu” alisema Mpanda. Aliongeza kuwa elimu ya bustani za majumbani imeendelea kutolewa katika taasisi nyingi za serikali pamoja na shule za msingi na sekondari. “Tumeanzisha elimu hii kwa lengo la kuhakikisha wakulima na wale ...
Read more

RC Dodoma apongeza wafugaji kwa ushiriki wa Paredi ya Mifugo

By Halmashauri ya Jiji la Dodoma
Image
Na. Veronica John, DODOMA Mkuu wa Mkoa wa Dodoma, Rosemary Senyamule awapongeza wafugaji kwa kujitokeza kwa wingi katika shindano la Paredi ya Mifugo Kitaifa 2025 ambalo hufanyika kila mwaka kuanzia tarehe 1-8 Agosti. Akizungumza na wafugaji, Senyamule alisema kuwa ameshuhudia mabadiliko na maboresho makubwa katika shughuli za mifugo ambapo hapo awali ilifanyika kikanda na sasa yameenda kimataifa. Alisema kuwa mashindano hayo kufanyika sehemu nyingi duniani yakiwa na lengo la kutambua mchango na juhudi za wafugaji katika kuchangia maendeleo ya taifa na ya mtu mmoja mmoja. “Maonesho haya huongeza ari kwa wananchi katika kuinua hadhi ya uzalishaji na tija kwa kutumia teknolojia mpya zilizoboreshwa katika shughuli za ufugaji ili kukidhi mahitaji ya soko. Na nimearifiwa kuwa maonesho na mashindano haya yaliasisiwa na Dkt. Jakaya Mrisho Kikwete, Rais Mstaafu wa Awamu ya Nne wa Jamhuri ya Muungano wa Tanzania mwaka 2010 katika siku ya kilele cha sherehe za maonesho ya Nanenane Dodoma” a...
Read more

Rais Samia: Tumieni kikamilifu Miundombinu, Teknolojia na mitaji iliyowekezwa katika Kilimo, Uvuvi na Mifugo

By Halmashauri ya Jiji la Dodoma
Image
Na. Mwandishi wetu, DODOMA Rais wa Jamhuri ya Muungano wa Tanzania, Mhe. Dkt. Samia Suluhu Hassan amewataka wananchi, Wizara na Taasisi zinazohusika na sekta za kilimo, mifugo na uvuvi kutumia kikamilifu miundombinu, teknolojia na mitaji iliyowekezwa na Serikali ili kuongeza tija na ushindani wa Taifa katika masoko ya ndani na nje. Akizungumza katika kilele cha Maonesho na Sherehe za wakulima, wafugaji na wavuvi (Nanenane) zilizofanyika kitaifa katika Viwanja vya Nzuguni, Rais Dkt. Samia amesema miradi ya umwagiliaji iliyokamilika na inayoendelea kutekelezwa inapaswa kusimamiwa kwa viwango bora ili kuongeza eneo la kilimo cha umwagiliaji na kukuza tija ya mavuno. Alieleza kuwa Serikali ya Awamu ya Sita imeongeza bajeti ya kilimo ili kugharamia ujenzi na ukarabati wa skimu za umwagiliaji, mabwawa na visima, pamoja na kuanzisha mashamba makubwa ya pamoja, huku upatikanaji wa mbegu bora na mbolea ya kisasa ukiimarika kupitia ruzuku na kuanzishwa kwa viwanda vya uzalishaji, hatua iliyo...
Read more