Kata ya Makole yang’ara miaka minne ya Samia

By Halmashauri ya Jiji la Dodoma

Na. Emanuel Charles, MAKOLE

 

Diwani wa Kata ya Makole, Omary Omary, aishukuru serikali ya awamu ya sita inayoongozwa na Rais, Dkt. Samia Suluhu Hassan kwa kuboresha miundombinu ya maendeleo kwenye sekta mbalimbali ikiwemo elimu, afya, ujenzi wa barabara na ofisi ya wafanyabiashara wadogo katika kata yake.

 



Akizungumza katika ziara ya waandishi wa habari waliotembelea miradi ya maendeleo iliyotekelezwa kuanzia mwaka 2020 hadi sasa katika Kata ya Makole, Diwani Omary alisema kuwa anaishukuru serikali kwa kuijali Kata ya Makole kuwaboreshea miundombinu muhimu. “Kipekee nimshukuru Rais wa Jamhuri ya Muungano wa Tanzania, Dkt. Samia Suluhu Hassan kwa miaka hii minne ambapo yupo madarakani, maboresho ambayo ametufanyia hususani sisi wana Makole kwa kutuletea miundombinu sahihi ni makubwa sana. Mheshimiwa Rais, ameboresha sekta ya elimu kwa kujenga shule ya jengo la ghorofa lenye madarasa nane na ofisi mbili za waalimu katika Shule ya Msingi Makole. Katika sekta ya afya, Zahanati ya Makole sasa wananchi wote wa kata yetu wanapata huduma ya afya nzuri na kwa usahihi, kuna hadi huduma ya ‘ultra sound’ hay ani mapinduzi makubwa. Tulitoa eneo kwa maelekezo kwaajili ya ujenzi wa Ofisi ya Machinga Mkoa wa Dodoma na sasa imekamilika na inafanya kazi” alisema Omary.



“Maboresho yote haya yana faida kubwa sana. Kwa mfano katika Shule ya Msingi Makole, utoro umepungua sana, watoto wanahudhuria masomo kwakuwa wanakaa kwa nafasi sasa. Kwa upande wa afya, huduma zimeboreka, vifaa tiba vipo na huduma ni nzuri” alisema Omar.

Nae, Katibu wa Machinga Mkoa wa Dodoma, Victor Michael aliipongeza serikali ya awamu ya sita inayoongozwa na Dkt. Samia Suluhu Hassan kuwa ameweza kutimiza ahadi aliyowaahidi kwa kuwajengea ofisi ya wafanyabiashara wadowadogo (Machinga) ili kuweza kutatua migogoro yao kama wafanyabiashara. “Rais wetu amekuwa akitusapoti sana sisi wafanyabiashara wa Mkoa wa Dodoma, tulimuomba kujengewa ofisi kila mkoa kwaajili ya kushughulikia matatizo yetu na bila kusita alitoa fedha kiasi cha milioni 10 na sasa tunafuraha kupata ofisi hii. Kwakweli, tunafuraha kubwa sana, sasa tunafanya kazi zetu kwa uhuru na kwa kufuata utaratibu” alisema Michael.  



Katika hatua nyingine, Shule ya Sekondari Dodoma nayo imefanyiwa maboresho makubwa kwa kuongezewa vyumba vya madarasa, vitabu pamoja na kompyuta kwaajili ya kuongeza ufanisi na ujifunzaji kwa wanafunzi. Mwanafunzi wa kidato cha Sita, Joan Kilangi aliishukuru serikali kwa kuwaboreshea miundombinu ya kujisomea. “Sisi kama wanafunzi sasa hivi tunasoma vizuri kutokana na ongezeko la madarasa kwasababu hapo zamani tulikuwa tunakaa wengi katika chumba kimoja. Kwa sasa hatukai tena kwa kusongamana. Kwa namna ya kipekee, nipende kumshuru Rais wa Jamhuri ya Muungano wa Tanzania, Dkt. Samia Suluhu Hassan kwa kutujengea madarasa haya, Mungu ambariki sana” alimalizia Kilangi.

 

MWISHO

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Wafanyabiashara wa Soko Kuu la Majengo Dodoma watarajia makubwa Mradi wa TACTIC

By Halmashauri ya Jiji la Dodoma
Image
Na. Halima Majidi, DODOMA Wafanyabiashara wa Soko Kuu la Majengo Jiji la Dodoma,   wameishukuru serikali kwa kuona umuhimu wa kukarabati miundombinu ya Soko hilo na kuomba   kuharakishwa uboreshaji wa soko ili waweze kuendelea na majukumu yao,   kwa sababu soko hilo ndio soko mama la chakula. Akizungumza katika hafla ya Utiaji Saini Mikataba ya Ujenzi wa Miradi ya TACTIC uliofanyika katika Bustani ya Chinangali Park, Mfanyabiashara wa   Soko Kuu   la Majengo, Rhoda Boyi, alipongeza juhudi za   Halmashauri ya Jiji la Dodoma kwa kuwashirikisha   katika hatua zote za mradi "Tunatarajia kuwa sauti zetu zitasikilizwa na kuzingatiwa ili kuhakikisha kuwa maboresho haya yanakidhi mahitaji yetu na kuboresha mazingira ya biashara" alisema Boyi. Kwa upande wake   Mohammedi,   alifafanua changamoto watakazokumbana nazo   katika kipindi chote cha ukarabati wa jengo hilo, ni pamoja na; kupoteza wateja, kuharibika kwa bidhaa kutokana na kuhamishw...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more