Wananchi jijini Dodoma watarajia makubwa Kliniki ya Ardhi

By Halmashauri ya Jiji la Dodoma

Na. Halima Majidi, VIWANDANI

Halmashauri ya Jiji la Dodoma imefanya Kliniki ya Ardhi ambayo inalenga kutatua changamoto za Ardhi zinazowakabili wananchi.




Akizungumza na waandishi wa habari katika kliniki hiyo iliofanyi viwanja vya Manispaa ya zamani, Sara Kashaji ambae ni Mkazi wa Kata ya Ipagala, alisema kuwa awali alikuwa na shamba heka mbili ukanda wa kijani, ambapo alikuwa anafanya shughuli za kilimo, shamba hilo lilichukuliwa na Halmashauri ya Jiji la Dodoma na kuahidiwa kupatiwa eneo lingine kwaajili ya kuendeleza shughuli zake za kilimo.

“Halmashauri walikuja kupima shamba langu, baada ya zoezi la upimaji waliahidi kutupatia maeneo wakazi wa eneo hilo, baada ya hapo tulihama na kuachia vijiji vile na kwenda sehemu nyingine, Kamishna alisema mashamba yale kuna watu wamepewa. Hivyo, sisi tusubiri kupimiwa eneo lingine Kikombo ambapo tulivyofika kule wananchi walikataa maeneo hayo, tukaambiwa tusubiri kupimiwa Makulu na mpaka sasa sijapata ufumbuzi” alisema Kashaji.

Aidha, alifafanua kuwa kero yake kubwa ni kurudishiwa maeneo yake kwa sababu ni muda mrefu tangu ameanza kufuatilia shamba hilo. Alimuomba Kamishna wa Ardhi awaangalie kwa jicho la huruma. “Nimehangaika kwa miaka mingi tangu niahidiwe kupewa mbadala wa shamba lile na tumekuwa tukiahidiwa kupimiwa maeneo hayo lakini mpaka sasa sijapata muafaka” alifafanua Kashaji.

Aliongeza kuwa kutokana na Kliniki ya Ardhi, anatarajia kupata ufumbuzi wa changamoto yake kwa kupatiwa eneo lingine kwaajili ya kuendeleza shughuli zake za kilimo ili kuweza kujikwamia kimaisha na kukuza uchumi wa nchi kwa ujumla. “Mpaka sasa tunatembea hatujapata majibu tunaambiwa bado wanapima. Leo tumetegemea kumkuta kamishna ili tumpatie karatasi zetu kwaajili ya kupata viwanja vyetu, hayo ndio matarajio yangu” aliongeza Kashaji.

Kwa upande wake Selina Mkami, Mkazi wa Kata ya Ipagala alisema kuwa kwa mara ya kwanza alivyoenda na mpimaji alipata matumaini ya kupata eneo lake lakini chakusikitisha hadi leo   bado anahangaika. Hivyo, anaomba mamlaka husika itutae changamoto hiyo. “Nimetembea na nimehangaika kwa muda mrefu bila kukata tamaa ili kuona napata eneo langu, na kinachonisikitisha zaidi nikwamba sisi tulitolewa kwenye maeneo yetu na tukaacha kulima wakawekwa watu wengine kwa kweli inaniuma sana” alisema Mkami.

Nae Msimamizi wa Upimaji wa Ardhi wa Halmashauri ya Jiji la Dodoma, Hassan Muhsin alisema kuwa ili waweze kuhudumia wananchi kwa pamoja waliona upo umuhimu wakuandaa kliniki hiyo kwa kuhakikisha wananchi wanapata ufumbuzi katika masuala ya Ardhi. “Kwa kushirikiana na vitengo husika leo tutahakikisha kila mwananchi anapata huduma stahiki na tunashukuru wananchi wameonesha muitikio na niwaombe wananchi wawe wawazi, wakweli na uthibitisho. Sisi tumejipanga vizuri katika kuhakikisha tunatatua matatizo yao” alisema Muhsin.

Kliniki ya Ardhi Halmashauri ya Jiji la DOdoma imeanza tarehe 25 na itaendelea hadi tarehe 28 Februari 2025, ikiwa na lengo la kutatua changamoto za ardhi zinazowakabili wananchi.

MWISHO

 

 

Comments

Post a Comment

Popular Posts

Mbunge Mavunde akabidhi Kompyuta kwa Kata 41 za Jiji la Dodoma

By Halmashauri ya Jiji la Dodoma
Image
Na. Nancy Kivuyo, VIWANDANI Watendaji wa Kata 41 za Halmashauri ya Jiji la Dodoma wapokea Kompyuta na Printa kwa ajili ya kurahisisha na kuboresha utendaji kazi wenye ufanisi za kuwahudumia wananchi. Vifaa hivyo, viligawiwa katika hafla ya Ugawaji Kompyuta na Printa kwa Shule za Sekondari za Serikali na Watendaji wa Kata jijini Dodoma, iliyofanyika katika Shule ya Sekondari Viwandani.   Akizungumza wakati wa ugawaji kompyuta hizo, Mbunge wa Jimbo la Dodoma Mjini, Anthony Mavunde, alisema kuwa anawapa kompyuta maafisa watendaji wa kata zote 41 kwaajili ya kuwasaidia kufanya kazi zao kidigitali zaidi. “Kompyuta na printa hizi natumaini zitachochea utendaji kazi ulio mzuri. Tuipongeze serikali chini ya uongozi wa Rais, Dkt. Samia Suluhu Hassan kwa maboresho makubwa ya miundombinu kwenye sekta ya elimu jijini Dodoma ambapo kwa mwaka huu wa fedha zimetengwa shilingi bilioni 16” alisema Mavunde. Nae, Afisa Mtendaji wa Kata ya Hazina, Tunu Mahmoud, alisema kuwa ameguswa na tukio l...
Read more

Wafanyabiashara wa Soko Kuu la Majengo Dodoma watarajia makubwa Mradi wa TACTIC

By Halmashauri ya Jiji la Dodoma
Image
Na. Halima Majidi, DODOMA Wafanyabiashara wa Soko Kuu la Majengo Jiji la Dodoma,   wameishukuru serikali kwa kuona umuhimu wa kukarabati miundombinu ya Soko hilo na kuomba   kuharakishwa uboreshaji wa soko ili waweze kuendelea na majukumu yao,   kwa sababu soko hilo ndio soko mama la chakula. Akizungumza katika hafla ya Utiaji Saini Mikataba ya Ujenzi wa Miradi ya TACTIC uliofanyika katika Bustani ya Chinangali Park, Mfanyabiashara wa   Soko Kuu   la Majengo, Rhoda Boyi, alipongeza juhudi za   Halmashauri ya Jiji la Dodoma kwa kuwashirikisha   katika hatua zote za mradi "Tunatarajia kuwa sauti zetu zitasikilizwa na kuzingatiwa ili kuhakikisha kuwa maboresho haya yanakidhi mahitaji yetu na kuboresha mazingira ya biashara" alisema Boyi. Kwa upande wake   Mohammedi,   alifafanua changamoto watakazokumbana nazo   katika kipindi chote cha ukarabati wa jengo hilo, ni pamoja na; kupoteza wateja, kuharibika kwa bidhaa kutokana na kuhamishw...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more