Dodoma Jiji U20 yatuma salamu Ligi ya Vijana

By Halmashauri ya Jiji la Dodoma

Na Mussa Richard, DODOMA

 

Klabu ya Soka ya Dodoma Jiji chini ya umri wa miaka 20 imetuma salamu kwa timu zinazoshiriki ligi ya vijana ya NBC chini ya miaka 20 baada ya kuibuka na ushindi wa mabao 6-0 dhidi ya Tabota United chini ya miaka 20 mchezo uliochezwa katika uwanja wa Jamhuri Dodoma hapo jana.





Akizungumza baada ya mchezo huo Kocha mkuu wa timu hiyo, Chido Jeremiah alisema “tunamshukuru Mwenyezi Mungu mchezo umeisha salama na tumepata ushindi wa magoli mengi na ushindi wa kutuheshimisha na kutuweka mbele zaidi na wanaotufuata. Japo hatukua na mchezo mzuri kipindi cha kwanza lakini wakati wa mapumziko tukawapa vijana maelekezo ya kufanya kutokana na mapungufu tuliyoyaona kwa wapinzani wetu ndiyo maana tuliporudi kipindi cha pili tukafanikiwa kupata mabao manne. Kwa upande wa timu imeendelea kuimarika na vijana wameanza kujituma na niwashukuru mashabiki wamejitokeza kuiangalia timu yao na wameona jinsi inavyocheza. Kwahiyo, niwaombe wanadodoma wasiiache timu hii timu ni yao na waendelee kuiunga mkono ili iweze kufanya vizuri zaidi” alisema Jeremiah.

Kwa upande wake Bakari Mondwe ambaye ni nahodha wa timu hiyo baada ya mchezo kumalizika alisema “mchezo umeisha, tumepata alama tatu ambazo zimetufanya tuendelee kuwa kileleni kwenye kundi. Malengo yetu katika huu mzunguko wa pili ni kuhakikisha tunamaliza vinara katika kundi na tunavuka katika hii hatua kuingia katika hatua inayofuata na niwaombe mashabiki waendelee kuja kwa wingi kwenye kila mchezo tunaocheza na sisi kama wachezaji jukumu letu ni kuwafurahisha kwa kushinda kila mchezo ulio mbele yetu” alisema Mondwe.

Baada ya ushindi huo Dodoma Jiji U20 ijikita kileleni katika kundi A ikiwa na Alama 16 baada ya kushuka dimbani katika michezo saba ikishinda michezo mita ikitoa sale mchezo mmoja na ikipoteza mchezo mmoja, ikifunga mabao 15 ikifungwa mabao matano pekee ikiwa mbele kwa alama tatu dhidi ya wapinzani wao wanaofuatia ambao ni Azam U20 wenye alama 13. Mchezo unaofuata Dodoma Jiji U20 itashuka dimbani Januari, 22 kuikabiri Mashujaa U20 katika uwanja wa Jamhuri Dodoma ikiwa ni muendelezo wa mbilinge mbilinge za duru ya pili ya Ligi ya Vijana ya NBC Tanzania Bara.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more