Wananchi washauriwa kusikiliza elimu na hamasa ya Dodoma Jiji Mtaa kwa Mtaa Uchaguzi Festival

By Halmashauri ya Jiji la Dodoma

Na. Asteria Frank, DODOMA

Wananchi wameshauriwa kujitokeza kwa wingi kusikiliza elimu inayotolewa na wahamasishaji kutoka Halmashauri ya Jiji la Dodoma kwa njia mbalimbali ikiwemo kikundi maalum cha ngoma cha Dodoma Jiji Mtaa kwa Mtaa Uchaguzi Festival.



Afisa Utamaduni wa Halmashauri ya Jiji la Dodoma, Desdery Kuzenza akihamasisha mamia ya wananchi wa Swaswa Mnarani


Hayo, yalisemwa na Afisa Utamaduni wa Halmashauri ya Jiji la Dodoma, Desdery Kuzenza alipokuwa akihamasisha wananchi kujitokeza kutumia haki yao ya msingi na ya kikatiba ya kupiga kura na kuwachagua viongozi watakaowafaa kwa manufaa ya maendeleo ya mitaa yao. “Naomba nitoe rai kwa wakazi wa Dodoma na  maeneo mbalimbali waendelee kushiriki  katika ‘program’ mbalimbali za elimu kwa umma ambazo zinalenga kuwaelimisha kuhusiana na umuhimu wa Uchaguzi wa Serikali za Mitaa na nafasi za uongozi wa serikali za mitaa katika maisha yao ya kila siku na tunasema kwamba serikali za mitaa kwa sauti ya wananchi. Hivyo, wajitokeze kupiga kura kwa maendeleo ya mitaa yao na karibuni kushiriki katika tamasha hili la Dodoma Jiji Mtaa kwa Mtaa Uchaguzi Festival” alisema Kuzenza.

Aidha, mmoja wa wasanii katika kikundi cha DOTI, Salum Ramadhani alisema jukumu lao kubwa ni kuwaelimisha wananchi kuhusiana na Uchaguzi wa Serikali za Mitaa hususani tarehe 27 Novemba, 2024 wajitokeze kwa wingi kwenye kupiga kura kwaajili ya kumchagua kiongozi atakaewaongoza mtaani kwao. “Sisi ni wanakikundi wa DOTI, tumeanzia kuzunguka maeneo mengi sana katika mitaa ya Dodoma mjini kama Swaswa mnarani, Ntyuka, Nkuhungu Boda, Mwatano na sehemu mbalimbali kwa lengo la kuwahimiza wananchi wajitokeze kupiga kura kwa njia ya maigizo na ngoma” alisema Ramadhani.

Akipongeza juhudi zinazofanywa na Dodoma Jiji Mtaa kwa Mtaa Uchaguzi Festival, mkazi wa Kata ya Ntyuka, Maige Paul, alisema amefurahi ujio wa Mtaa kwa Mtaa Uchaguzi Festival na hiyo inaonesha kwamba wananchi wote tunatakiwa kwenda kuchagua viongozi wanaounda serikali za mitaa akiwemo mwenyekiti na wajumbe wake watano. “Mtaa kwa Mtaa inaendelea kutufurahisha lakini pia inaendelea kutuhamasisha kwamba, jukumu linalofata ni kubwa ambalo tunatakiwa kwenda kuchagua viongozi ambao watatuletea maendeleo katika kata zetu pamoja na mitaa yetu” alisema Paul.




Akiongelea kuhusu wananchi kujitokeza kupiga kura, mkazi wa Kata ya Ntyuka, Latifa Hamadi alitoa rai yake kwa wakina mama na vijana ambao wana sifa za kupiga kura kujitokeza kwa wingi siku ya kuchagua viongozi na kushauri elimu hii isiishie mtaani kwao tu bali ifike na sehemu nyingine. “Nawaomba wakina mama na vijana waliofikisha miaka 18 waende kupiga kura inapofika tarehe 27 Novemba, 2024. Tumependa ujumbe tuliopata katika hamasa hii, lakini pia nawashauri waende kata nyingine nyingi za Jiji la Dodoma kama Kata ya Kilimami, Mkonze na Hazina” alisema Hamadi.

Tamasha la uhamasishaji la Jiji la Dodoma Mtaa kwa Mtaa Uchaguzi Festival linafanywa kwa njia ya kitamaduni na sanaa mbalimbali kwa kutumia maigizo, uchezeshaji ngoma za asili na wasanii nguli wakitumbuiza katika mitaa nyakati za mchana, jioni na usiku  ili kuwafikia wananchi wote wakiwa mitaani kwao na kwa wale wanaoshinda kazini wakirudi waweze kupata burudani pamoja na ujumbe wa elimu ya umuhimu wa kuchagua viogozi watakaoongoza katika mitaa yao.

MWISHO

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more