RC Senyamule afafanua uboreshaji daftari la kudumu la wapiga kura

By Halmashauri ya Jiji la Dodoma

Na. Asteria Frank, DODOMA

 

Mkuu wa Mkoa Dodoma, Rosemary Senyamule ametoa ufafanuzi wa dhana mbalimbali kuhusu uboreshaji wa daftari la kudumu la mpiga kura unaoendelea katika Wilaya ya Dodoma, Chamwino, Bahi na Kongwa.


Mkuu wa Mkoa Dodoma, Rosemary Senyamule


Kauli hiyo aliitoa alipokuwa mbele ya vyombo vya habari leo katika ukumbi wa mkutano ya Ofisi ya Mkuu wa Mkoa kuhusu juhudi za kuelimisha wananchi wa Mkoa wa Dodoma kuhusu mchakato wa uboreshaji wa daftari la kudumu la mpiga kura unaoendelea katika Wilaya ya Dodoma, Chamwino, Bahi, na Kongwa.

Alisema “napenda kutoa ufafanuzi kuhusu dhana mbalimbali zilizojengeka miongoni mwa wananchi. Kuna taarifa zisizo sahihi zinazozungumziwa kuhusu gharama za uandikishaji, muda wa vitambulisho vya kupiga kura na mchakato wa uboreshaji daftari la kudumu la mpiga kura”.

Aliongeza kuwa uboreshaji taarifa za wapiga kura ni bure, wananchi hawatakiwi kulipa pesa yeyote katika mchakato huo. Dhana ya kwamba  kuna gharama zinazohusiana na uandikishaji ni dhana za uongo na zinapaswa kupuuzwa.

“Pili, vitambulisho vya kupigia kura, tunatoa ufafanuzi kwamba vitambulisho vilivyo tolewa hapo awali ni vitamulisho halali na vinaweza kutumika tena. Hivyo, basi wananchi waliojiandikisha huko nyuma hawapaswi kuhofia kuwa vitambulisho vyao vimekwisha muda wake, na hawahitaji kujiandikisha tena ili wapate vitambulisho vipya. Tatu, kuhusu alama za vidole ni muhimu kujua kwamba wakishachukuliwa alama za vidole hivyo, katika uandikishaji wa awali hawaitaji kuchukuliwa tena, alama za vidole zilizochukuliwa nyuma zilezile zitabaki kuwa halali na zitaendelea kutumika na hii nazungumzia kwa wale wapiga kura waliokuwa halali na hawajabalisha vituo na wala hawana taarifa yeyote ya kubadilisha” alisema Senyamule.

Akitoa ufafanuzi kuhusu uhusiano kati ya uboreshaji wa daftari la kudumu la mpiga kura na uchaguzi wa serikali za mtaa, alisema Mkuu wa Mkoa “mchakato wa uboreshaji wa daftari la kudumu la mpiga kura ni kwaajili ya uchaguzi wa mwaka 2025. Unafanywa kwaajili ya kuhakikisha kuwa kila mtanzania mwenye haki ya kupiga kura, anapata nafasi ya kumchagua diwani, mbunge na rais. Haina uhusiano wa moja kwa moja na uchaguzi wa serikali za mtaa japo tunajua katika mfumo wa uongozi, huu ndio mfumo wa chini wa uongozi kwa nchi yetu. Uchaguzi wa serikali za mtaa una taratibu zake za uandikishaji ambazo zilishatangazwa na waziri mwenye dhamana ya Wizara ya Tawala za Mikoa na Serikali za Mitaa yaani Ofisi ya Rais (TAMISEMI), ambae ni Mheshimiwa Mohamed Mchengerwa”.

 

Alitoa wito kwa wananchi wote kuwa na uelewa sahihi kuhusu mchakato huo. Alishauri kufuata taratibu zinazotolewa na mamlaka husika ili kuhakikisha wanatimiza haki yao ya kikatiba.

“Na kwamba ili kupata taaria sahihi ama maelezo wanaweza kuwasiliama na viongozi wao wa vitongoji, vijiji, mitaa, kata au waratibu wa uandikishaji ambao wapo kwenye kila halmashauri. Aidha, wanaweza kutembelea tovuti rasmi ya Tume Huru ya Taifa ya Uchaguzi ambayo ni www.inec.go.tz. Takwimu sawa kuhusu idadi ya wapiga kura Dodoma inakadiriwa kuwa na wapiga kura 1,777,834, kati hao, ambao hawajawahi kujiandikisha kwenye daftari ni 845,976. Aidha, napenda kuwafahamisha wananchi kuwa vituo vya kuandikisha wapiga kura ni vingi. Hivyo, wasiwe na hofu, kwamba watatumia muda wao mrefu vituoni. Katika Wilaya ya Dodoma tuna vituo 429, Wilaya ya Bahi tuna vituo 191, Wilaya ya Kongwa tuna vituo 229 na Wilaya ya Chamwino tuna vituo 805” aliongeza.

 

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more