Magereza wapongezwa kupambana na ukatili wa kijinsia

By Halmashauri ya Jiji la Dodoma

Na. Valeria Adam, DODOMA

Waziri, Dkt. Gwajima awapongeza wanawake wa Jeshi la Magereza Tanzania kwa kupambana na kuzuia changamoto za ukatili wa kijinsia ili wanawake wachangie katika maendeleo ya taifa.



Waziri wa Maendeleo ya Jamii, Jinsia, Wanawake na Makundi Maalum, Dkt. Dorothy Gwajima akifungua mkutano mkuu wa kwanza wa Mtandao wa Wanawake wa Jeshi la Magereza Tanzania


Pongezi hizo zilitolewa na Waziri wa Maendeleo ya Jamii, Jinsia, Wanawake na Makundi Maalum, Dkt. Dorothy Gwajima alipokuwa akifungua mkutano mkuu wa kwanza wa Mtandao wa Wanawake wa Jeshi la Magereza Tanzania uliofanyika katika ukumbi wa Mtakatifu Peter jijini Dodoma.

“Hatua hii inaonesha ni jinsi gani sera na miongozo mbalimbali ambayo serikali inatoa kuhusu kufikia usawa wa kijinsia katika maeneo mbalimbali nchini, inavyotekelezwa kwa vitendo. Na ninyi mmegeuza miongozo na sera kuwa vitendo kwa kuratibu nchi nzima wanawake katika jeshi hili la Magereza.

Utekelezaji huu ambao umenigusa pia ni kwa sababu una ajenda inayohusu kabisa wizara hii ninayoiongoza ambayo ni ajenda ya kipaumbele ya kupambana na kutokomeza ukatili wa kijinsia, unyanyasaji, udhalilishaji kwa wanawake na watoto katika kazi mbalimbali nchini. Ajenda hii nimeibeba vilivyo na ajenda hii niwaambie kwamba imepokelewa vizuri" alisema Dkt. Gwajima.

Akitoa maelezo ya kina kuhusu mtandao huo kwa mgeni rasmi, Mkuu wa Gereza la Kongwa, SP. Tecla Ngilangwa alisema kuwa mtandao huo umepata mafanikio makubwa. "Dhumuni la mtandao, kwanza ni kuwawezesha wanawake kujitambua, kujiamini, kuthubutu na kujithamini. Pili kuongeza ujuzi na weledi wa wanawake kupitia mafunzo, sekta na makongamano ili waweze kushiriki katika fursa mbalimbali kwa manufaa ya jeshi na jamii. Tatu ni kukuza usawa wa kijinsia na kuimarisha uhusiano kati ya wanawake na mwisho kuhakikisha uwepo wa uwakilishi wa wanawake kiutendaji na kitaalamu ndani na nje ya jeshi kwa kadri inavyowezekana" alisema SP. Ngilangwa.

Aliongeza kwa kusema kwamba mtandao huo haujaweza kufanya kazi kwa ufanisi mkubwa kutokana na changamoto mbalimbali, lakini kuna baadhi ya mafanikio waliyoyapata. “Mafanikio tuliyoyapata ni wanawake kujituma na kufanya kazi kwa bidii na weledi wa hali ya juu. Mengine ni kuongezeka kwa ujasiri kwa watumishi wa kike katika kukabiliana na changamoto zinazowakabili maeneo ya kazi bila kuvunja sheria, kanuni na taratibu za mahali walipo. Pia kuongezeka kwa ari na uthubutu wa kutekeleza majukumu mbalimbali ambayo kabla ya mtandao huu hayakufikiriwa kuwa yanaweza kufanywa na watumishi wa kike kwa ufanisi mkubwa" alifafanua SP. Ngilangwa.

MWISHO

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more