Mbunge Mavunde kuwekeza zaidi sektan ya Elimu Dodoma

By Halmashauri ya Jiji la Dodoma

 

Na. Dennis Gondwe

Mbunge wa Jimbo la Dodoma mjini, Anthony Mavunde ameahidi kuendelea kuwekeza katika sekta ya elimu ili kuwawezesha wanafunzi wa Dodoma kusoma vizuri na kufikia malengo yao.

Mkuu wa Wilaya ya Dodoma, Alhaj Jabir Shekimweri akitoa salamu za Mbunge wa Jimbo la Dodoma Mjini


Kauli hiyo ilitolewa na Mkuu wa Wilaya ya Dodoma, Alhaj Jabir Shekimweri alipokuwa akitoa salamu za Mbunge wa Jimbo la Dodoma mjini katika mkutano wa wadau wa elimu Wilaya ya Dodoma uliofanyika katika ukumbi wa Shule ya St. Gasper jijini Dodoma.

Alhaj Shekimweri alisema “Mbunge wa Jimbo la Dodoma mjini anasema kuwa nitaendelea kuwekeza zaidi kwenye elimu ili kuwasaidia watoto wa Dodoma kufikia malengo yao. Nitashirikisha wadau mbalimbali wa maendeleo ili kuinua na kuboresha elimu katika Halmashauri ya Jiji la Dodoma hasa katika miundombinu na mazingira rafiki ya kusomea”.

Akiongelea mapinduzi katika teknolojia, alisema kuwa Dodoma inaelekea kupiga mapinduzi makubwa kwenye elimu. “Dunia inakwenda kwenye mapinduzi makubwa ya teknolojia, lazima tutumie maendeleo hayo katika kurahisisha ufundishaji wa wanafunzi. Ni jambo la msingi sana. Ukifika pale shule ya sekondari Dodoma utaona serikali ya awamu ya sita inayoongozwa na Rais, Dkt. Samia Suluhu Hassan kupitia Ofisi ya Rais, Tamisemi na Taasisi ya Elimu Kibaha na wafadhili imewekeza mfumo wa ‘e-learning’ na Shule ya Sekondari Dodoma ni miongomi mwa shule 10 zinazofanyiwa majaribio. Mwalimu akiwa Kibaha mkoani Pwani au Dodoma anaweza kuwa darasani kufundisha wanafunzi wa darasa lake, wanamuona na kufundisha wanafunzi wa shule nyingine na kumuona na kuuliza maswali na kujibiwa” alisisitiza Alhaj Shekimweri.

Awali Kaimu Mkurugenzi wa Halmashauri ya Jiji la Dodoma, Joseph Fungo alisema kuwa kila mdau wa elimu ana nafasi katika mafanikio ya sekta ya elimu. 

Kaimu Mkurugenzi wa Halmashauri ya Jiji la Dodoma, Joseph Fungo akielezea lengo la mkutano huo


“Sote tupo hapa na tunahusika moja kwa moja kuhakikisha watoto wetu wanapata elimu bora. Hivyo, tutajadili tulipo na jinsi ya kuendelea mbele na namna ya kutatua changamoto za elimu. Tunajua serikali ya awamu ya sita imefanya mambo makubwa na kuweka msingi utakaowasaidia watoto wetu na taifa letu kusonga mbele katika maendeleo na kuboresha huduma za kijamii. Katika kuunga mkono juhudi hizo, leo tutatoa tuzo kwa walimu waliofanya vizuri katika shule na majukumu yao, lakini pia wapo wanafunzi ambao wamefanya vizuri katika masomo yao. Hiyo itakuwa chachu kwa wengine kufanya vizuri zaidi.

MWISHO

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more