CCM Mkoa yaipongeza Dodoma Jiji kuondoa migogoro ya Ardhi

By Halmashauri ya Jiji la Dodoma

Na. Dennis Gondwe, DODOMA

 

KAMATI ya Siasa ya Chama Cha Mapinduzi (CCM) Mkoa wa Dodoma imeipongeza Halmashauri ya Jiji la Dodoma kwa dhamira yake ya kuondoa migogoro ya Ardhi na kuwaondolea kero wananchi.

Donald Mejiti (MNEC) akiongea na wajumbe wa Kamati ya Siasa Mkoa, Kamati ya Fedha na Utawala ya Jiji la Dodoma na Menejimenti ya Jiji la Dodoma


Pongezi hizo zilitolewa na kiongozi wa kamati hiyo Donald Mejiti alipoongoza Kamati ya Siasa ya CCM Mkoa wa Dodoma katika ziara ya kutembelea na kukagua miradi ya maendeleo katika Halmashauri ya Jiji la Dodoma.

Mejiti alisema “tunatoa pongezi za dhati kwako Mstahiki Meya wa Halmashauri ya Jiji la Dodoma na Mkurugenzi wa Jiji kwa kuonesha nia ya dhati kupunguza na kuondoa kero kwa wananchi inayotokana na migogoro ya Ardhi katika Halmashauri ya Jiji la Dodoma. Maoni yetu Chama Cha Mapinduzi ni kwamba mkishapima maeneo wekeni utaratibu mzuri wa kuyalinda ili yasivamiwe. Kuna tabia ya wananchi kuvamia maeneo yaliyopimwa na kumilikishwa kialali kwa wananchi na kung’oa ‘beacon’. Mwananchi mwenye eneo anapokwenda kuangalia au kulinda eneo lake hufukuzwa kwa mapanga na kutishia amani. Utaratibu huu utawaondolea usumbufu wananchi halali wanaodhulumia haki zao”.

Kwa upande wa Katibu wa CCM Mkoa wa Dodoma, Pilly Mbaga alitoa pongezi kwa Halmashauri ya Jiji la Dodoma kulipa fidia na kutatua migogoro ya Ardhi. Alisema kuwa awali wananchi walikuwa wakienda kwa wingi katika ofisi za CCM kulalamikia migogoro ya Ardhi na madai ya fidia, idadi hiyo imepungua sana siku hizi. Aidha, alishauri kuwa maeneo ambayo hayajapimwa na halmashauri yaweze kupimwa ili kuondoa uwezekano wa kuvamiwa.

Katika hatua nyingine Mkurugenzi wa Halmashauri ya Jiji la Dodoma, John Kayombo alisema kuwa wananchi waliotakiwa kulipwa fidia walikuwa 385 ikiwa ni utekelezaji wa mkakati wa kumaliza migogoro ya Ardhi. “Wananchi 127 ndio walijitokeza kulipwa fidia. Rai yangu hao wananchi waliobaki wajitokeze ili waweze kulipwa” alisema Kayombo.

Akiongelea viwanja mbadala, alisema kuwa halmashauri ilikuwa na deni la viwanja mbadala 3,992. Viwanja 1,102 vimetolewa kwa wananchi na viwanja 2,890 bado wananchi wanadai ambavyo watapatiwa kufikia mwisho wa mwezi Februari, 2024.

Kamati ya Siasa ya CCM Mkoa wa Dodoma imefanya ziara ya kutembelea miradi ya maendeleo katika Halmashauri ya Jiji la Dodoma ikiwa ni kuelekea maadhimisho ya miaka 47 ya kuzaliwa kwa CCM.

MWISHO  

 

 

Comments

Post a Comment

Popular Posts

Wananchi Makutupora wafunguka changamoto ya Maji, Umeme na Shule kwa Mkuu wa Mkoa

By Halmashauri ya Jiji la Dodoma
Na. Halima Majidi, DODOMA Wananchi wa Kata ya Makutupora, jijini Dodoma, wameeleza kilio chao juu ya changamoto kubwa zinazowakabili, zikiwemo ukosefu wa maji safi, matatizo ya umeme, pamoja na shule kuwa mbali, hali inayowakwamisha katika shughuli za kila siku. Wakizungumza katika mkutano wa mkuu wa mkoa uliofanyika katika Kata ya Makutupora, baadhi ya wakazi wa eneo hilo wamesema wamekuwa wakikumbana na shida ya maji kwa muda mrefu, huku wakilazimika kutembea umbali mrefu kutafuta huduma hiyo muhimu. Akitoa kero hiyo, mkazi wa Mtaa wa Sekondari, Pasisi James, alisema kuwa, tangu kuhamia katika mtaa huo ni miaka mingi hivyo ameiomba serikali kuwasogezea huduma ya maji kwa sababu imekuwa ni changamoto kubwa na hivyo kushindwa kuendelea na kazi zao za kila siku. “Maji ni tatizo hapa kwetu, tunamiaka mingi tangu kuhamia hapa, nimekuja hata kusoma sijui mpaka leo bado tunahangaikia maji, tunachukua maji kwa wachina dumu moja hilo hilo ufulie pamoja na kunywa, hapo naomba mtusaidie” ...
Read more

Waziri Mchengerwa apongeza usimamizi wa miradi jijini Dodoma

By Halmashauri ya Jiji la Dodoma
Image
Na. Aisha Ibrahim, DODOMA Waziri wa Nchi, Ofisi ya Rais Tawala za Mikoa na Serikali za Mitaa (TAMISEMI), Mohamed Mchengerwa (Mb), aliwapongeza watumishi wa umma kwa kusimamia miradi mbalimbali jijini Dodoma ikiwa ni kuunga mkono juhudi za Rais wa Jamhuri ya Muungano wa Tanzania, Dkt. Samia Suluhu Hassan. Aliyasema hayo katika Hafla ya utiaji saini mkataba wa ujenzi wa Soko Kuu la Majengo pamoja ujenzi wa kituo cha daladala eneo la Mshikamano, Kizota na Nzuguni, iliyofanyika kiwanja cha Chinangali Park, Jijini Dodoma. Akizungumzia kuhusu utekelezaji wa miradi mbalimbali Mohamed Mchengerwa, alitaka wakandarasi wote ambao hawajatekeleza majukumu yao katika miradi mbalimbali ikiwemo mradi wa ujenzi wa barabara, kutopewa   fursa ya kufanya kazi yoyote   ikiwa ni onyo kwa wale wote wanaofanya kazi kwa uzembe na kushindwa kutekeleza majukumu yao kwa wakati. "Maelekezo yangu kwa mtendaji mkuu na katibu mkuu wa TARURA, Mkandarasi huyu asiruhusiwe kufanya kazi yoyote chini ya TA...
Read more

Mkataba ujenzi Uwanja wa Mpira wa Miguu wasainiwa Dodoma

By Halmashauri ya Jiji la Dodoma
Na. Aisha Ibrahim, DODOMA Katibu Mkuu wa Wizara ya Habari, Utamaduni, Sanaa na Michezo, Greyson Msigwa, amesema mradi wa ujenzi wa uwanja wa mpira wa miguu Dodoma, utakaoweza kubeba watu 32,000 ambao utagharimu kiasi cha shilingi bilioni 352 fedha za kitanzania, unatarajiwa kukamilika ndani ya miezi 24, chini ya serikali ya Jamhuri ya Muungano wa Tanzania. Aliyasema hayo katika hafla ya utiaji saini mkataba wa ujenzi wa uwanja wa mpira wa miguu Dodoma, uliohusisha wizara hiyo na Kampuni ya Lemonta SPA, iliofanyika kiwanja cha Changamani, Kata ya Nzuguni, jijini Dodoma. Akizungumza kuhusu lengo la ujenzi wa uwanja huo, Msigwa alisema, mradi huo ni fursa kwa maendeleo ya michezo kwa wakazi wa Jiji la Dodoma kwasababu uwanja huo utatumika katika mashindano mbalimbali kitaifa na kimataifa ili kuhakikisha sekta ya michezo inazidi kukua. “Mradi huu ni fursa kwa maendeleo ya wakazi wa Dodoma lakini ni fursa kubwa kwa wanamichezo katika kukuza vipaji vyao, na sisi kama wizara tumejip...
Read more